ကီၢ်အ့ရှၢၣ်တၢ်ဂုၤထီၣ်ပသီထီၣ်စ့တၢး(ADB)ပာ်ဂၢၢ်ပာ်ကျၢၤဝဲလၢကဟ့ၣ်လိၣ်လီၤဝဲစ့(၁၀၀)ကကွဲၢ်ဒီလၣ်လၢတၢ်မၤဂ့ၤထီၣ်က့ၤအ့ၤဒူၣ်ဒီး
ကီးတရံးအဘၢၣ်စၢၤကျဲလၢတၢ်ဒ့ၣ်စၢၤယံၤဝဲ(၆၆.၄)ကံလိမံထၢၣ်အံၤအဂီၢ်န့ၣ်လီၤ.ကျဲအဝဲအံၤကဆဲးကျိးဝဲဒီးမဲၢ်ခီဟီၣ်ကဝီၤကျဲမုၢ်ဖးဒိၣ်
လၢမုၢ်ထီၣ်ဒီးမုၢ်နုာ်တခီအဂ့ၢ်,ADB ဘိးဘၣ်ရၤလီၤဝဲဖဲလါနိၣ်ဝ့ဘၢၣ်ထီၣ်(၁၂)သီအနံၤန့ၣ်လီၤ.

ကညီကီၢ်စဲၣ်မ့ၢ်တ့ၢ်လံကီၢ်စဲၣ်လၢအိၣ်ဒီးတၢ်ဒုးတၢ်ယာ်အဃိကဲထီၣ်ဝဲကီၢ်စဲၣ်လၢအဖှီၣ်အယာ်ဒိၣ်မးဒီးတၢ်လဲၤထီၣ်လဲၤထီလၢတၢ်သူၣ်
ထီၣ်ဘှီထီၣ်တခီစ့ၢ်ကီးမ့ၢ်တၢ်ဂံၢ်ဆံးဘါစၢ်ဒိၣ်မးန့ၣ်လီၤ.ဘၣ်ဆၣ်ဒီးခီဖျိလၢကီၢ်စဲၣ်အံၤအိၣ်ဒီးကျဲမုၢ်အကါဒိၣ်လၢအဆဲးကျိးဝဲဒီးကီၢ်ကၠီၣ်
တဲၣ်အဃိထံကီၢ်တၢ်ကူၣ်လဲမၤကၤ(၂၅)မျးကယၤဘၣ်လဲၤခီဖျိဝဲဒၣ်ကျဲမုၢ်အံၤအဂ့ၢ်,ADB တၢ်ဝံစိာ်တီဆှၢအခိၣ် James Leather စံးဝဲ
န့ၣ်လီၤ.တၢ်ဘှီဂ့ၤထီၣ်က့ၤကျဲတတီၤအံၤမ့ၢ်ဝံၤန့ၣ်ဒီးမဲၢ်ခီကျဲမုၢ်ဖးဒိၣ်လၢမုၢ်ထီၣ်ဒီးမုၢ်နုာ်တခီအံၤကဂ့ၤထီၣ်က့ၤဝဲဒၣ်ခဲလၢာ်န့ၣ်လီၤ.တၢ်မၤ
ဂ့ၤထီၣ်က့ၤကျဲမုၢ်ဖးဒိၣ်အံၤကအိးဟိထီၣ်န့ၢ်ဝဲတၢ်ခွဲးတၢ်ယာ်လၢကီၢ်စဲၣ်ဒီးထံကီၢ်အဂီၢ်ဒီးကဆီၣ်ထွဲမၤစၢၤဝဲတၢ်လဲၤထီၣ်လဲၤထီခဲလၢာ်န့ၣ်
လီၤ.