တၢ်မၤယံၤမၤနီၢ်တၢ်ဃုထၢဝံၤအလီၢ်ခံတၢ်ကတိၤသကိးတၢ်ဒုးအိၣ်ထီၣ်တၢ်သးဒ့ဒီလၢတၢ်လဲလိာ်အဂီၢ်

...

တၢ်မၤယံၤမၤနီၢ်တၢ်ဃုထၢဝံၤအလီၢ်ခံတၢ်ကတိၤသကိးတၢ်ဒုးအိၣ်ထီၣ်တၢ်သးဒ့ဒီလၢတၢ်လဲလိာ်အဂီၢ်

Myanmar Times, 18 Nov 2015

URL: http://www.mmtimes.com/index.php/national-news/17678-delayed-post-election-talks-put-transition-in-doubt.html
ကီၢ်ခိၣ်သ့စ့ၣ်မၤယံာ်မၤနီၢ်အသးလၢကထံၣ်လိာ်ကတိၤသကိးတၢ်ဒီးအီၣ်ဆါစူးကၠံၣ်ဒ်သိးကတၢၣ်ပီၣ်သကိးတၢ်ဟ့ၣ်လီၤက့ၤတၢ်စိတၢ်ကမီၤ
ဆူပဒိၣ်အသီတဖုဖဲလၢအီၣ်ဆါစူးကၠံၣ်ကရၢမၤနၢၤတၢ်ဃုထၢဝံၤအလီၢ်ခံန့ၣ်လီၤ.ကီၢ်ခိၣ်ခၢၣ်စးတဂၤစံးဝဲဒၣ်လၢတၢ်ကတိၤသကိးတၢ်ဒီး
(NLD)ကရၢအံၤကကဲထီၣ်လိၣ်ထီၣ်ဝဲဖဲလၢကီၢ်စၢဖှိၣ်တၢ်ဃုထၢခီၣ်မ့ရှၢၣ်ဘှါရှဲက့ၤတၢ်ဃုထၢအစၢအိၣ်ဖျါအတၢ်ဂ့ၢ်ကီလၢတၢ်ပာ်ဖျါထီၣ်အီၤ
တဖၣ်အံၤဝံၤအလီၢ်ခံန့ၣ်လီၤ.

တၢ်ရဲၣ်တၢ်ကျဲၤအံၤကတံာ်တာ်လၢအလါန့ၣ်လီၤဒီးကဆဲးတွံၢ်လဲၤအသးတုၤလၢတၢ်လဲလိာ်သးအကတီၢ်ပၢၢ်တုၤလၢဘျီၣ်ဒိၣ်အသီတဖုစးထီၣ်
အတၢ်ဖံးတၢ်မၤဖဲလါယနူၤအါရံၤဘူးကလၢာ်ဒီးဖဲလၢတၢ်ဃုထၢထီၣ်က့ၤကီၢ်ခိၣ်ဖဲလါဖ့ၣ်ြဘူၤအါရံၤအခါန့ၣ်လီၤ.

တၢ်ဆၢတဲာ်ဘၣ်ဃးတၢ်ပာ်ပနီၣ်ဃာ်တၢ်အိၣ်ဖှိၣ်အဂီၢ်တၢ်ဆၢကတီၢ်ဒီးမုၢ်နံၤမုၢ်သီလၢတလီၤတံၢ်လီၤမံဘၣ်အံၤဒုးအိၣ်ထီၣ်တၢ်သူၣ်ကိၢ်သးဂီၤ
ဘၣ်ဃးတၢ်အၢၣ်လီၤအီလီၤလၢအပူၤကွံာ်ဒီးခဲကနံၣ်အံၤသုးခိၣ်ကျၢၢ်သ့ၣ်တဖၣ်အၢၣ်လီၤတ့ၢ်ဝဲလၢကမၤသကိးတၢ်ဆူညါဒ်သိးတၢ်ဆီတလဲ
လိာ်ကအိၣ်ထီၣ်ဝဲဘျ့ဘျ့ဆှီဆှီအဂီၢ်ဒီးအဝဲသ့ၣ်အတၢ်ပာ်သူၣ်ပာ်သးနီၢ်နီၢ်သ့ၣ်တဖၣ်အံၤန့ၣ်လီၤ.

ပှၤခိးဒိကနၣ်ထွဲတၢ်အိၣ်သးလၢအဟဲလၢကီၢ်မုၢ်နုာ်တဖၣ်စံးဝဲလၢအဝဲသ့ၣ်အိၣ်ဒီးတၢ်သူၣ်ကိၢ်သးဂီၤဘၣ်ဃးတၢ်မၤယံာ်မၤနီၢ်တၢ်ဆၢကတီၢ်
အံၤဒီးဃုထံၣ်သ့ၣ်ညါနၢ်ပၢၢ်ဝဲတၢ်ဂ့ၢ်တၢ်ကျိၤအံၤအဖၢမုၢ်န့ၣ်လီၤ