အပူၤကွံာ်တလါတၢ်ဃုထၢဝံၤအလီၢ်ခံကီၢ်ပယီၤပၣ်တံၣ်ထီဒါတၢ်အခိၣ်လၢအမ့ၢ်အီၣ်ဆါစူးကၠံၣ်ထံၣ်လိာ်အိၣ်သကိးဒီးထံကီၢ်အပှၤတၢၣ်ပီၣ်တဲကျဲၤတၢ်မုာ်တၢ်ခုၣ်အခိၣ်အူအီၣ်မ့
ဒ်သိးဒီးကတၢၣ်ပီၣ်တဲသကိးတၢ်ဘၣ်ဃးတၢ်က့ၤမၤဃူမၤဖိးလိာ်က့ၤတၢ်ဒီးကလုာ်ဒူၣ်ဖီၣ်စုကဝဲၤကရူၢ်သ့ၣ်တဖၣ်ဒ်လၢ(NLD)ပၣ်တံၣ်ကတဲာ်ကတီၤဒုးအိၣ်ထီၣ်က့ၤဝဲပဒိၣ်အသီတဖု
န့ၣ်အဂ့ၢ်,ပၣ်တံၣ်အပှၤဘၣ်မူဘၣ်ဒါစံးဝဲဖဲမုၢ်ပျဲာ်အနံၤန့ၣ်လီၤ.

တၢ်အိၣ်ဖှိၣ်အံၤဘၣ်တၢ်မၤဆိပာ်အီၤတချုးကလုာ်ဒူၣ်ဖီၣ်စုကဝဲၤ(၁၁)ကရူၢ်မၤတၢ်ဆၢတဲာ်လၢကဒုးအိၣ်ထီၣ်ဝဲကမံးတံာ်တဖုလၢကတၢၣ်ပီၣ်တဲကျဲၤသကိးတၢ်ဘၣ်ဃးကီၢ်ဒီတဘ့ၣ် တၢ်ပတုာ်တၢ်ခးအတၢ်အၢၣ်လီၤအီလီၤဒီး(NLD)အပဒိၣ်အံၤဘၣ်န့ၣ်လီၤ.ကလုာ်ဒူၣ်ဖီၣ်စုကဝဲၤကရူၢ်(၈)ဒူၣ်ဒီးကီၢ်ပဒိၣ်အဘၢၣ်စၢၤတၢ်ဆဲးလီၤသကိးစုမုၢ်ကျၢၢ်လၢကီၢ်ဒီတဘ့ၣ်တၢ်ပတုာ်
တၢ်ခးအတၢ်အၢၣ်လီၤအီလီၤ(NCA)အံၤဘၣ်တၢ်မၤအီၤဖဲလါအီးကထိဘၢၣ်ထီၣ်(၁၅)သီအနံၤန့ၣ်လီၤ.

ကိတိာ်ခိၣ်အီၣ်မ့ထံၣ်လိာ်ကတိၤသကိးတၢ်ဒီးအီၣ်ဆါစူးကၠံၣ်အကတီၢ်ပာ်ဖျါထီၣ်ဝဲကီၢ်ပဒိၣ်အတၢ်မၤရဲၣ်ကျဲၤဘၣ်ဃးတၢ်ဆဲးလီၤစုမုၢ်ကျၢၢ်လၢကီၢ်ဒီတဘ့ၣ်တၢ်ပတုာ်တၢ်ခးအတၢ်
အၢၣ်လီၤအီလီၤ(NCA)အဂ့ၢ်ဒီးကီၢ်ပယီၤတၢ်မုာ်တၢ်ခုၣ်ဝဲၤလီၢ်ခိၣ်သ့ၣ်မၤတ့ၢ်လံတၢ်မနုၤသ့ၣ်တဖၣ်န့ၣ်အဂ့ၢ်,(NLD)အပှၤဘၣ်မူဘၣ်ဒါလၢအလီၢ်လၤဒိၣ်ထီ,ဝ့ထ့စံးဘၣ်ဝဲဒၣ်
(RFA's)ကီၢ်ပယီၤတၢ်ကစီၣ်န့ၣ်လီၤ.