တၢ်မုာ်တၢ်ခုၣ်စၢဖှိၣ်ကရၢဒီးတၢ်တၢၣ်ပီၣ်တဲကျဲၤသကိးတၢ်ကမံးတံာ်ဘျးစဲလၢအမ့ၢ်ဝဲကီၢ်ပဒိၣ်,ထံရူၢ်ကီၢ်သဲးပၣ်တံၣ်ဒီးကလုာ်ဒူၣ်(၈)ဖုလၢအဆဲးလီၤတ့ၢ်အမံၤသ့ၣ်တဖၣ်အခၢၣ်စး ကရၢကစးထီၣ်မၤတၢ်တၢၣ်ပီၣ်သကိးတၢ်ဘၣ်ဃးတၢ်မၤအတကွီၣ်လၢခံကတၢၢ်တဝီဖဲဝ့ၢ်ခိၢ်သ့ၣ်လၢတနံၤညါအံၤန့ၣ်လီၤ.ဒ်လၢတၢ်ပာ်ပနီၣ်ပာ်ဝဲတၢ်ဆၢကတီၢ်ဖဲကီၢ်ဒီတဘ့ၣ်တၢ်ပတုာ်
တၢ်ခးအတၢ်အၢၣ်လီၤအီလီၤအပူၤအသိးတၢ်မၤအတကွီၣ်အံၤကဘၣ်တၢ်အၢၣ်လီၤတူၢ်လိာ်အီၤလၢတနံၤအံၤဒီးတၢ်တၢၣ်ပီၣ်တဲကျဲၤသကိးတၢ်အံၤတၢ်ကစးထီၣ်မၤအီၤလၢ(၃၀)သီဝံၤအ
လီၢ်ခံန့ၣ်လီၤ.

ကရူၢ်လၢတဆဲးလီၤဘၣ်ဒံးဝဲအမံၤလၢတၢ်ပတုာ်တၢ်ခးသ့ၣ်တဖၣ်လၢအဆီလီၤပာ်လီၤအလီၢ်ခိၣ်သ့ၣ်ဖဲယိၤဒိၣ်ကီၢ်စဲၣ်ဒီးကခၠ့ၣ်ကီၢ်စဲၣ်အပူၤသ့ၣ်တဖၣ်အိၣ်ဒီးတၢ်မုၢ်လၢ်လၢစူးကၠံၣ်အပဒိၣ်
လၢကဟဲတဖုအံၤကဟ့ၣ်လီၤအဝဲသ့ၣ်လီၢ်ဆ့ၣ်နီၤလၢလၢပှဲၤပှဲၤဖဲတၢ်တၢၣ်ပီၣ်တဲကျဲၤသကိးတၢ်အစီၤနီၢ်ခိၣ်န့ၣ်လီၤ.

ကလုာ်ဒူၣ်ဖီၣ်စုကဝဲၤသ့ၣ်တဖၣ်နာ်ဝဲဒၣ်လၢအီၣ်ဆါစူးကၠံၣ်ကဟ့ၣ်လီၤတၢ်ခွဲးတၢ်ယာ်ဒ်သိးကလုာ်ဒူၣ်ကရူၢ်သၢဖုလၢဘၣ်တၢ်ပာ်တ့ၢ်ကွံာ်အီၤအံၤကပၣ်ဃုာ်ပၣ်ဂီၢ်ဘၣ်ဝဲဖဲတၢ်အၢၣ်လီၤအီလီၤ
အတၢ်ရဲၣ်တၢ်ကျဲၤအပူၤအဂ့ၢ်,(PNLO)အပှၤပၢၤလီၢ်ဆ့ၣ်နီၤအူခူၣ်အိၣ်ကၣ်စံးဝဲဒၣ်န့ၣ်လီၤ.အဝဲသ့ၣ်ဆိကမိၢ်စ့ၢ်ကီးဝဲဒၣ်လၢ(NLD)ပဒိၣ်တၢ်ပၢအဖီလာ်တၢ်မုာ်တၢ်ခုၣ်အတၢ်ရဲၣ်တၢ်ကျဲၤက လဲၤအသးချ့န့ၢ်ဒံးဝဲဒၣ်သုးမီၤစိရိၤခဲကနံၣ်အံၤအတၢ်ပၢအဖီလာ်န့ၣ်လီၤ.