ကရူၢ်နွံဖုလၢတဆဲးလီၤဘၣ်ဒံးဝဲအမံၤတဖၣ်ဒီးကရူၢ်အဂၤသၢဖုဘၣ်တၢ်ကွဲမုာ်အီၤလၢကလဲၤထီၣ်ဝဲကရၢစၢဖှိၣ်တၢ်မုာ်တၢ်ခုၣ်အတၢ်
အိၣ်ဖှိၣ်ဖးဒိၣ်န့ၣ်လီၤ.အဝဲသ့ၣ်တဖၣ်အံၤဒိးန့ၢ်ဘၣ်ဝဲတၢ်ကွဲမုာ်လီၤဆီလၢကဟံးန့ၢ်ဝဲလီၢ်ဆ့ၣ်နီၤ(၅၀)ဖျၢၣ်ဖဲထံကီၢ်အတၢ်တဲကျဲၤသ
ကိးထံရူၢ်ကီၢ်သဲးတၢ်အဆိကတၢၢ်တဘျီအပူၤအံၤန့ၣ်အဂ့ၢ်,ကီၢ်ပယီၤတၢ်မုာ်တၢ်ခုၣ်ဝဲၤလီၢ်ခိၣ်သ့ၣ်အပှၤဘၣ်မူဘၣ်ဒါတဂၤစံးဝဲဖဲအ
ပူၤကွံာ်တနံၤန့ၣ်လီၤ.

ကရူၢ်နွံဖုလၢတဆဲးလီၤဘၣ်ဒံးအမံၤဒီးကရူၢ်အဂၤသၢဖုသ့ၣ်တဖၣ်အခၢၣ်စးပှၤယဲၢ်ဆံဂၤလၢကလဲၤထီၣ်တၢ်အိၣ်ဖှိၣ်အံၤပၣ်ဃုာ်ဝဲဒၣ်
ဒီးဝၣ်ဒီကလုာ်တၢ်ကရၢကရိ(WNO),လါဟူးဒံၣ်မိၣ်ြခ့ၣ်တံးစၢဖှိၣ်ကရၢ(LDU),ဒီးရခၢၣ်ဒီကလုာ်ကီၣ်ကးကရၢ(ANC)သ့ၣ်တဖၣ်
န့ၣ်လီၤ.တၢ်မုၢ်လၢ်ပာ်ဝဲဒၣ်လၢအဝဲသ့ၣ်တဖၣ်ကဟဲထီၣ်ဝဲတၢ်အိၣ်ဖှိၣ်ဖးဒိၣ်အံၤန့ၣ်အဂ့ၢ်,အူလၣ်မီၣ်ရွှ့ၣ်လၢအမ့ၢ်တၢ်မုာ်တၢ်ခုၣ်
ဝဲၤလီၢ်ခိၣ်သ့ၣ်အပှၤဟ့ၣ်ကူၣ်ဟ့ၣ်ဖးတၢ်လီၤဆီစံးဝဲဒၣ်န့ၣ်လီၤ.

တၢ်အိၣ်ဖှိၣ်အံၤပာ်လီၤဃာ်ဝဲလီၢ်ဆ့ၣ်နီၤ(၁၅၀)ဖျၢၣ်လၢကလုာ်ဒူၣ်ဖီၣ်စုကဝဲၤကရူၢ်ဃိးဖုလၢဆဲးလီၤတ့ၢ်အမံၤသ့ၣ်တဖၣ်အခၢၣ်စး
(၁၅၀)ဂၤလၢကဟဲထီၣ်ဝဲတၢ်မုာ်တၢ်ခုၣ်အတၢ်အိၣ်ဖှိၣ်ဖးဒိၣ်ဖဲန့ၣ်ပၠံၣ်ဒီၣ်သ့ၣ်တဖၣ်အံၤအဂီၢ်န့ၣ်လီၤ.ဒီးတၢ်အိၣ်ဖှိၣ်အံၤကစးထီၣ်
ဝဲဖဲလါယနူၤ အါရံၤထီၣ်(၁၂)သီအနံၤန့ၣ်အဂ့ၢ်,ကီၢ်ပယီၤတၢ်မုာ်တၢ်ခုၣ်ဝဲၤလီၢ်ခိၣ်သ့ၣ်အပှၤဟ့ၣ်ကူၣ်ဟ့ၣ်ဖးတၢ်လၢအပတီၢ်ထီတ
ဂၤစံးဝဲန့ၣ်လီၤ.