ဖဲလါဖ့ၣ်ဘြူၣ်အါရံၣ်၂၉သီ၂၀၁၆နံၣ်အနံၤကညီဒီကလုာ်တၢ်ထူၣ်ဖျဲးသုးမုၢ်ဒိၣ်လီၢ်ခၢၣ်သးဖၣ်အၣ်ကီၢ်ရ့ၣ်ကညီကီၢ်စဲၣ်အိၣ်ဒီးတၢ်ထံၣ်လိာ်တၢၣ်
ပီၣ်သကိးလၢအမ့ၢ်ကညီဖီၣ်စုကဝဲၤကရူၢ်စၢဖှိၣ်ကမံးတံးတၢ်ထံၣ်လိာ်အိၣ်ဖှိၣ်သကိးဒ်အမ့ၢ်ခၢၣ်စးသ့ၣ်တဖၣ်လၢ(KNLA),(KNU/KNLA တၢ်မုာ်တၢ်
ခုၣ်ကရၢ),(Democratic Karen Benevolent Army)ဒီး(Democratic Karen Buddhist Army)လၢတၢ်တဒုးအိၣ်ထီၣ်အီၤဖဲတယံာ်ဒံးဘၣ်အံၤသ့ၣ်တဖၣ်
ဟဲထီၣ်ဝဲတၢ်အိၣ်ဖှိၣ်အံၤန့ၣ်လီၤ.

သုးခိၣ်ကျၢၢ်စီၤကၠီၣ်နံၣ်လၢအမ့ၢ်(KNLA)သုးရိၣ်မဲခိၣ် စံးဘၣ်ဝဲကညီတၢ်ကစီၣ်လၢတၢ်ဂ့ၢ်ခိၣ်သ့ၣ်မ့ၢ်ဝဲတၢ်ပာ်ဖှိၣ်ထီၣ်သးလၢတၢ်ဃူတၢ်ဖိးအပူၤလၢ
တၢ်မၤ သကိးတၢ်အဂီၢ်န့ၣ်လီၤ.

“ပအၢၣ်လီၤတူၢ်လိာ်လၢတၢ်အိၣ်ဖှိၣ်အံၤအပူၤကညီ ဖီၣ်စုကဝဲၤကရူၢ်ခဲလၢာ်ကဟံထီၣ်မူဒါလၢတၢ်ကတိၤသကိးထံရူၢ်ကီၢ်သဲးဂ့ၢ်ဝီဒီးကမၤသကိးတၢ်
လၢတၢ်ဃူတၢ်ဖိးအပူၤန့ၣ်လီၤ.ပှၤခဲလၢာ်မ့ၢ်ပၣ်ဃုာ်ကမ့ၢ်တၢ်ဘျုးတၢ်ဖှိၣ်တမံၤန့ၣ်လီၤ.ပကလဲၤဆူညါခီဒ်ပအၢၣ်လီၤတ့ၢ်လံအီၤအသိးန့ၣ်လီၤ.”

တၢ်ထံၣ်လိာ်အိၣ်ဖှိၣ်သကိးတၢ်ဂ့ၢ်ခိၣ်သ့ၣ်မ့ၢ်တၢ်ပာ်ဖှိၣ်ထီၣ်သးမၤသကိးတၢ်ဒီးတၢ်ဂ့ၢ်ကီလၢကရူၢ်ကဒဲကဒဲအဘၢၣ်စၢၤသ့ၣ်တဖၣ်န့ၣ်လီၤ.ကရူၢ်အ
တၢ်အၢၣ်လီၤသကိးတ့ၢ်လံလၢတၢ်ဂ့ၢ်မိၢ်ပှၢ်ကမၤသကိးတၢ်လၢတၢ်ပာ်ဖှိၣ်ထီၣ်သးတပူၤဃီဒ်စုကဝဲၤသုးမုၢ်န့ၣ်လီၤ.