UNICEF ကရၢဟ့ၣ်လီၤမၤစၢၤမိၣ်ကီၢ်စဲၢ်ပဒိၣ် မိၣ်အကျိာ်တၢ်သိၣ်လိကၠိအလံာ် ၇၃,၀၀၀ ဘ့ၣ်, လံာ်ကၠီးလိအ
သး ၈၀,၀၀၀ ဘ့ၣ်, လံာ်တၢ်ဃဲၤပူ ၅,၀၀၀ ဘ့ၣ်ဒီး လံာ်ကျိာ်သနူဒီး ကၠိသရၣ်အလံာ်နဲၣ်ကျဲ လၢအဂၤတဖၣ်
စ့ၢ်ကီးလီၤ.

"မိၣ်အကျိာ်တၢ်သိၣ်လိကၠိအလံာ် လၢဘၣ်တၢ်ဆီၣ်ထွဲဒီးဟ့ၣ်လီၤအီၤလၢ UNICEF တဖၣ်, အခဲအံၤတၢ်ကဟ့ၣ်
လီၤအီၤဆူ ကီၢ်စဲၢ်တၢ်ကူၣ်ဘၣ်ကူၣ်သ့၀ဲၤကျိၤအစုပူၤန့ၣ်လီၤ. ပကျဲးစၢး၀ဲဒ်သိး ကၠိကိးဖျၢၣ်ဒဲး ကဒိးန့ၢ်ဘၣ်တၢ်
သိၣ်လိကၠိအလံာ်ဒီး ကၠိသရၣ်တဖၣ် ကသူဘၣ်၀ဲလံာ်ဂ့ၤဂ့ၤအဂီၢ်လီၤ." အူမ့မ့အူလၢအမ့ၢ် မိၣ်ကီၢ်စဲၢ်ကိ တိၤခိၣ်
ကျၢၢ်စံး၀ဲလီၤ.

ဒီးကထၢၣ် မ့နွဲၤစိ, လၢအမ့ၢ်တၢ်ဒုးအိၣ်ထီၣ် တၢ်သိၣ်လိကၠိအလံာ်က မ့းတံာ်အပှၤပၢၤလီၢ်ဆ့ၣ်နီၤ, စံး၀ဲလၢတၢ်
ဒုးအိၣ်ထီၣ်တၢ်သိၣ်လိကၠိအ လံာ်ကမံးတံာ် ဘၣ်ကွၢ်ဆၢၣ်မဲာ်ဒီးတၢ်ကီတၢ်ခဲအါမး ဖဲတၢ်ကျဲးစၢးဒုး အိၣ်ထီၣ်တၢ်
သိၣ်လိကၠိအလံာ်အခါလီၤ. ဘၣ်ဆၣ်ကမံးတံာ်အံၤ ကျဲး စၢးမၤ၀ဲလၢအဂ့ၤကတၢၢ် ဒ်သိးကၠိလၢမိၣ်ပှၤတ၀ၢအကျါ
လၢမိၣ်ကီၢ် စဲၢ်မ့ၢ်ဂ့ၤ, လၢကညီကီၢ်စဲၢ်မ့ၢ်ဂ့ၤ, ဒီးလၢတနီသရံၣ်ကီၢ်ခီမ့ၢ်ဂ့ၤတဖၣ်, ကအိၣ်ဒီးမိၣ်တၢ်သိၣ်လိကၠိအ
လံာ်လၢ တၢ်ကစူးကါဘၣ်၀ဲအဂီၢ်လီၤ. ဘၣ်ဃးဒီးတၢ်ဒုးအိၣ်ထီၣ်တၢ်သိၣ်လိကၠိအလံာ်အဂ့ၢ်, ကမံးတံာ်လၢဆၢ
ကတီၢ်ခဲအံၤ အိၣ်ကတီၤအသးလၢ ကမၤစၢၤကမံးတံာ် လၢကဟဲတဖၣ် ဖဲတၢ်လိၣ်အိၣ်၀ဲတဘျီလၢ်လၢ်လီၤ.

ဖဲလါအ့ြဖ့ၣ် ၂၀၁၄, မိၣ်ကီၢ်စဲၢ်သဲးစးဘျီၣ်ဒိၣ် ပာ်ဂၢၢ်ပာ်ကျၢၤ၀ဲတၢ်သိၣ်တၢ်သီလၢ စးထီၣ် ၂၀၁၄-၂၀၁၅ တၢ်
သိၣ်လိနံၣ်အဂီၢ်, တၢ် သိၣ်လိမိၣ်အကျိာ် လၢကၠိတီၤပူၤသ့၀ဲန့ၣ်လီၤ. ဘၣ်ဆၣ်ပဒိၣ်လၢဆၢကတီၢ်ခဲအံၤ, ပျဲတၢ်
သိၣ်လိမိၣ်အကျိာ်လၢတီၤပူၤ ထဲဒၣ်လၢ ကၠိပျၢ်၀ံၤအဆၢကတီၢ်လီၤ.