သၤလွ့ၤ (ခၠီစိၤ) တိၤ ကမၤစၢၤကမျၢၢ်လ့ၢ်လိၤခီဂာ် မိၣ်ကီၢ်စဲၣ်၀့ၢ်ခိၣ် မီၣ်လ်မၠဲၣ် ဆူ ဘလူကၠိ (ကီး) ဖဲတၢ်တ့အီၤ
၀ံၤ လါမးၡး ၂၀၁၇ အဆၢကတီၢ်လီၤ. အူသ့မၠံၣ်မီၣ် လၢအမ့ၢ်ပှၤနဲၣ်တၢ်လၢတၢ်တ့ဘှီတိၤတၢ်တိာ်ကျဲၤကရူၢ် (၄)
စံး၀ဲ အ၀ဲဒၣ်ကရူၢ်တယာ်၀ဲလၢ တိၤက၀ံၤ၀ဲဖဲလါမးၡး ၂၀၁၇ အတီၢ်ပူၤလီၤ.

"တၢ်တယာ်၀ဲလၢ တိၤတၢ်သူအီၤကသ့ ဖဲလါမးၡးလၢကဟဲအံၤန့ၣ်လီၤ. ဒ်ပပာ်ပနီၣ်တၢ်ဆၢကတီၢ်အသိး, အ
ခဲအံၤပကျဲးစၢးမၤ တၢ်ဆူၣ်မး ဒ်သိးပကမၤ၀ံၤတိၤလၢဘၣ်ဆၢဘၣ်ကတီၢ်အဂီၢ်န့ၣ်လီၤ." အူသ့မၠံၣ်မီၣ်စံး၀ဲ, ဒီး
စံးကဒီး၀ဲလၢအခဲအံၤ တိၤတၢ်တ့အီၤ ၀ံၤ ၆၇ မျးကယၤလံ, ဒီးအ၀ဲဒၣ်ကရူၢ်ကျဲးစၢး၀ဲလၢ ကမၤ၀ံၤတိၤဒီတဘီ
ဖဲလါမးၡး ၂၀၁၇ အတီၢ်ပူၤလီၤ.

လၢတၢ်ကတ့ထီၣ်တိၤတၢ်တိာ်ကျဲၤ၀ဲအံၤအဂီၢ်, တၢ်ပာ်လီၤဆီပာ် စၢၤစ့တၢ်လၢာ်ဘူၣ်လၢာ်စ့ၤ ၅၉,၀၀၀ ကကွဲၢ်
ကၠးန့ၣ်လီၤ. စ့လၢ တၢ်ပာ်လီၤဆီဃာ်လၢတၢ်လၢာ်ဘူၣ်လၢာ်စ့ၤအ၀ဲအံၤအဂီၢ်တဖၣ်မ့ၢ်၀ဲ ၂၀၁၄-၂၀၁၅ ပဒိၣ်စ့
ဘးကၠဲး (၃,၇၀၀ ကကွဲကၠး), ၂၀၁၅-၂၀၁၆ ပဒိၣ်စ့ဘးကၠဲး (၂၀,၀၀၀ ကကွဲၢ်ကၠး) ဒီး ၂၀၁၆-၂၀၁၇ ပဒိၣ်စ့ဘး
ကၠဲး (၃၁,၃၆၀ ကကွဲၢ်ကၠး) န့ၣ်လီၤ. လၢအဆၢကတီၢ်ခဲ အံၤ ၂၀၁၄-၂၀၁၅ ဒီး ၂၀၁၅-၂၀၁၆ စ့ဘးကၠဲးတဖၣ်
တၢ်သူအီၤ လၢာ်လံ ဒီးအိၣ်တ့ၢ်လၢ ၃၁,၃၆၀ ကကွဲၢ်ကၠး ၂၀၁၆-၂၀၁၇ စ့ဘး ကၠဲးအဂီၢ်, တၢ်ကသူအီၤလၢ
တၢ်လၢာ်ဘူၣ်လၢာ်စ့ၤအဂီၢ်န့ၣ်လီၤ.

"တုၤမ့ၢ်တိၤ၀ဲအံၤ၀ံၤတစု တၢ်ဖံးတၢ်မၤအခွဲးအယာ်တဖၣ် ကအိၣ်ထီၣ်န့ၣ်လီၤ. ဘၣ်ဆၣ်, တၢ်လၢအဒုးဘၣ်
ယိၣ်ဘၣ်ဘှီယၤတခါ မ့ၢ်၀ဲ တုၤမ့ၢ်ခီပနံၣ်ဒီးစဲးဖီကဟၣ်တဖၣ်ဟဲနုာ်လီၤတဘျီ ပှၤတ၀ၢတၢ်စုသ့ခီၣ်ဘၣ် တၢ်
ဖိတၢ်လံၤတဖၣ် ကဟါမၢ်ကွံာ်န့ၣ်လီၤ." ဒီၢ် မ့ၤမၠၣ်နိသူၣ် လၢအမ့ၢ်ဟီၣ်က၀ီၤကမျၢၢ် လၢခၠီစိၤကီၢ်ဆၣ်တဂၤ,
စံး၀ဲလီၤ.

တိၤလၢတၢ်တ့အီၤ အထီအိၣ်၀ဲ ၅,၂၀၃.၄ ပ့ၣ်, ဒီးပှၤလ့ၢ်လိၤကျဲအိၣ်ခံဘိ, တိၤအဒီၣ်ဃီၤတခီမ့ၢ်၀ဲ ၂၈ ပ့ၣ်လီၤ.
လၢတိၤကပၤခံခီ လၢာ် ပှၤဟးကျဲအလဲၢ်အိၣ်၀ဲ ၃ ပ့ၣ်ဒီး ၃ လဲးမးစုာ်စုာ်န့ၣ်လီၤ.

သၤလွ့ၤ (ခၠီစိၤ) တိၤ တၢ်တိာ်ကျဲၤအံၤ တၢ်စးထီၣ်တ့အီၤဖဲလါဖ့ဖီအါရံၣ် ၂၀၁၅, ဒီးတၢ်တ့အီၤစးထီၣ်လၢမူၣ်ဒိၤ
က၀ီၤ ၀့ၢ်မီၣ်လ် မၠဲၣ် ဒီးဆဲးဆူဘလူကၠိ (ကီး) ကညီသ၀ီန့ၣ်လီၤ.