ကညီတၢ်သိၣ်လိတၢ်ဆါဟံၣ် ကအိးထီၣ်ဖဲ ၂၀၁၇

...

ကညီတၢ်သိၣ်လိတၢ်ဆါဟံၣ် ကအိးထီၣ်ဖဲ ၂၀၁၇

Karen News, 22 Nov 2016

URL: http://karennews.org/2016/11/karen-teaching-hospital-to-open-in-2017.html/
ကညီတၢ်အိၣ်ဆူၣ်အိၣ်ချ့ ဒီးတၢ်ဆီၣ်ထွဲမၤစၢၤ၀ဲၤကျိၤ လၢအမ့ၢ်တၢ်ဟ့ၣ်တၢ်အိၣ်ဆူၣ်အိၣ်ချ့ တၢ်ဆီၣ်ထွဲမၤစၢၤ လၢကညီဒီကလုာ်
စၢဖှိၣ်ကရၢအတၢ်တီခိၣ်ရိၣ်မဲအဖီလာ် အတၢ်ရဲၣ်တၢ်ကျဲၤအိၣ်လၢ ကအိးထီၣ်တၢ်သိၣ်လိတၢ်ဆါဟံၣ် ဖဲကီးကရ့း, ၂၀၁၇ လါယ
နူၤအါရံၤအတီၢ်ပူၤလီၤ.

တၢ်သိၣ်လိတၢ်ဆါဟံၣ် လၢတၢ်ကိးအီၤလၢ တီနီၢ် တၢ်ရဲၣ်ကျဲၤပာ်လၢကအိးထီၣ်ဖဲ လါယနူၤအါရံၤတသီ, ဘၣ်ဆၣ်မ့ၢ်လၢတၢ်သူၣ်
ထီၣ်တနီၤ တၢ်ဆိမိၣ်လၢတ၀ံၤဘၣ်အဃိဒီး တၢ်သုးယံၤထီၣ်တၢ်ဆၢကတီၢ် လၢတၢ်ကအိးထီၣ်အဂီၢ် ဘူးထီၣ်လၢလါယနူၤအါရံၤ
လၢာ်၂၀၁၇ န့ၣ်လီၤ.

ပဒိၣ်စီၤအဲၣ်ကလုာ်ရွ့ၣ်အူ လၢအမ့ၢ်ကညီတၢ်အိၣ်ဆူၣ်အိၣ်ချ့ ဒီးတၢ်ဆီၣ်ထွဲမၤစၢၤ၀ဲၤကျိၤခိၣ်, စံး၀ဲလၢ တီနီၢ် တၢ်သိၣ်လိတၢ်ဆါ
ဟံၣ်အံၤ တၢ်သူၣ်ထီၣ်အီၤဒီးတၢ်ဆီၣ်ထွဲမၤစၢၤလၢ ပှၤဟ့ၣ်မၤစၢၤကျိၣ်စ့လၢ ကီၢ်ခဲနဒၣ်န့ၣ်လီၤ.

"ပရဲၣ်ကျဲၤပာ်လၢပကအိးထီၣ် ဖဲလါယနူၤအါရံၤ ၁ သီ, ၂၀၁၇, ဘၣ်ဆၣ်တၢ်တံာ်တာ်အိၣ်လၢ တၢ်သူၣ်ထီၣ်တနီၤအဃိ, ပကျဲၤ
ကဒါလၢပကအိးထီၣ် တချုးလၢလါယနူၤအါရံၤလၢာ်ဘၣ်လီၤ." အဂ့ၢ်, ပဒိၣ်စီၤအဲၣ်ကလုာ်ရွ့ၣ်အူ စံးဘၣ် ကညီတၢ်ကစီၣ်သန့
န့ၣ်လီၤ.

ပဒိၣ်စီၤအဲၣ်ကလုာ်ရွ့ၣ်အူစံး၀ဲလၢ တုၤမ့ၢ် တီနီၢ် တၢ်သိၣ်လိတၢ် ဆါဟံၣ်, တၢ်သူၣ်ထီၣ်ဖဲနါရွ့ၣ်မိၣ်သ၀ီ၀ံၤတဘျီ ကညီဆူၣ်ချ့၀ဲၤ
ကျိၤ ကမ့ၢ်ပှၤပၢဆှၢရဲၣ်ကျဲၤတၢ်ဆါဟံၣ် ဒီးဟ့ၣ်ထီၣ်တၢ်အိၣ်ဆူၣ် အိၣ်ချ့အတၢ်ကွၢ်ထွဲန့ၣ်လီၤ. ဆူၣ်ချ့ပှၤမၤတၢ်ဖိလၢ ဆူၣ်ချ့၀ဲၤ
ကျိၤဒုးအိၣ်ဖျဲၣ်ထီၣ်န့ၢ်၀ဲတဖၣ် ကနုာ်လီၤမၤလိသ့အသးလၢစု ဖဲတၢ်ဆါဟံၣ်အ၀ဲန့ၣ် အဂ့ၢ်, ပဒိၣ်စီၤအဲၣ်ကလုာ်ရွ့ၣ်အူ စံးအါထီၣ်
၀ဲလီၤ.

ကညီဆူၣ်ချ့မၤစၢၤ၀ဲၤကျိၤ တယာ်၀ဲလၢ တီနီၢ် တၢ်ဆါဟံၣ်ကဟ့ၣ်ဆူၣ်ချ့အတၢ်ကွၢ်ထွဲ လၢသ၀ီဖိအဂၤ ၁၀,၀၀၀ ဖဲဟီၣ်က၀ီၤဖဲ
န့ၣ်သ့ၣ်တဖၣ်လီၤ.ကညီဆူၣ်ချ့မၤစၢၤ၀ဲၤကျိၤစံး၀ဲလၢ တၢ်လၢအ၀ဲသ့ၣ်ကမၤဆိ ဖဲတၢ်ဆါဟံၣ်န့ၣ်မ့ၢ်၀ဲ အ၀ဲသ့ၣ်ကသိၣ်လိဆူၣ်ချ့
ပှၤမၤတၢ်ဖိ ဒ်သိးကက့ၤမၤတၢ်လၢ တၢ်လီၢ်လၢဂံၢ်ခီၣ်ထံးဆူၣ်ချ့တၢ်ကွၢ်ထွဲတၢ်လိၣ် အိၣ်ဒိၣ်သ့ၣ်တဖၣ်န့ၣ်လီၤ.

တၢ်သူၣ်ထီၣ်တၢ်ဆါဟံၣ် လၢအြတီၢ်လီၢ်မံခး ၂၅ ဖျၢၣ်အံၤ, စးထီၣ်အသးဖဲ လါမးရှး ၂၀၁၅, ဒီးဘၣ်တၢ်ဆီၣ်ထွဲမၤစၢၤစ့လၢ Global
Neighbors Canada Inc. ဒီးနီၢ်တဂၤပှၤမၤစၢၤတၢ် လၢထံဂုၤကီၢ်ဂၤတဖၣ်, ဒီးတၢ်လၢာ်ဘူၣ်လၢာ်စ့ၤခဲလၢာ်လီၤလၢ၀ဲ စ့ယိၤ ၁၆ က
ကွဲၢ်ဘး (အမဲရကၤဒီလၣ် ၄.၅ ကကွဲၢ် မ့တမ့ၢ် စ့ပယီၤအကကွဲၢ် ၅၀၀ ကၠး) န့ၣ်လီၤ.

"ပတအိၣ်ဒီးတၢ်ဆါဟံၣ်ဒ်သိးအံၤ လၢတၢ်လီၢ်ဖဲအံၤနီတဘျီဘၣ်. ပှၤသ၀ီဖိတဖၣ် ဘၣ်လဲၤဒိးကူစါအသးလၢ ကီၢ်ကရ့းကီၢ်ဆၣ်တၢ်
ဆါဟံၣ် မ့ၢ်တၢ်ကီလၢအ၀ဲသ့ၣ်အဂီၢ်လီၤ. တုၤမ့ၢ်တၢ်ဆါဟံၣ်၀ဲအံၤ၀ံၤဒီး ကကဲဘျုးလၢဟီၣ်က၀ီၤသ၀ီဖိတဖၣ်အဂီၢ် ဖးဒိၣ် လီၤ."

တီနီၢ် တၢ်သိၣ်လိတၢ်ဆါဟံၣ် မ့ၢ်တၢ်ဆါဟံၣ်အဆိကတၢၢ်တဖျၢၢ် လၢတၢ်သူၣ်ထီၣ်အီၤလၢ ကညီဒီကလုာ်စၢဖှိၣ်ကရၢ အဟီၣ်က၀ီၤ
ပူၤန့ၣ်လီၤ. တၢ်ကစီၣ်ဟဲလၢဆူၣ်ချ့မၤစၢၤ၀ဲၤကျိၤစံး၀ဲ, တၢ်ဆါဟံၣ်ဒ်အံၤသိး တၢ်ကသူၣ်ထီၣ်ဒံးတဖျၢၣ် လၢကညီဒီကလုာ်စၢဖှိၣ် က
ရၢဟီၣ်က၀ီၤ လၢမုၢ်ြတီၤကီၢ်ရ့ၣ် မ့တမ့ၢ် လၢဖၣ်အၣ်ကီၢ်ရ့ၣ် သ့ၣ်သ့ၣ်လီၤ.