အပူၤကွံာ်တယံာ်ဘၣ်, ဖဲထံကီၢ်ပှၤကူၣ်လိာ်တၢ်ဒီၢ်အီၣ်ဆါစူးကၠံၣ်, တၢ်သံကွၢ်အီၤ တၢ်လၢအ၀ဲဒၣ်ဘၣ်သူၣ် ဘၣ်သး အဒိၣ်က
တၢၢ် ဘၣ်ဃးအပဒိၣ် လၢအပူၤခွံလါ၀ံၤအလီၢ်ခံ မ့ၢ်တၢ်မနုၤလဲၣ်, အ၀ဲဒၣ်စံးဆၢ၀ဲညီညီ ဖိဖိ, "တၢ်ဂ့ၢ်လၢ ကိတိၤခိၣ်သ့ၣ်တ
ဖၣ် တကဘျံးကဘျၣ်ဘၣ်အဂ့ၢ်လီၤ."

ဖဲလါဒံၣ်စ့ဘၢၣ် ၈ သီ ဘၣ်တၢ်သမံထံအီၤလၢ Channel News Asia တၢ်ကစီၣ်အခါ, ဒီၢ်အီၣ်ဆါစူးကၠံၣ် အၢၣ်လီၤတူၢ်လိာ်
လၢ ပဒိၣ်ပှၤဘၣ်မူဘၣ်ဒါလၢတၢ်ဖီလာ်တနီၤ, "တမ့ၢ်တၢ်ဒ်အ၀ဲဒၣ် အဲၣ်ဒိးမ့ၢ်၀ဲအသိး ဘၣ်," ဘၣ်ဆၣ်တဲအါထီၣ်၀ဲ, "တၢ်က
ဘျံးကဘျၣ် အလုၢ်လၢ် အဂံၢ်တစဲၤလီၤဒံးအသးလၢ ပတၢ်ဆဲးတၢ် လၤအပူၤဒံးဘၣ်, တၢ်အ၀ဲန့ၣ်မ့ၢ်တၢ်လၢ အဒုးဆူၣ်ထီၣ်ပ
သူၣ်ပသးလီၤ."

NLD ပၣ်တံၣ်အတၢ်ဟံးအရ့လၢ တၢ်အီၣ် ကဘျံးကဘျၣ်အ ဖီခိၣ် မ့ၢ်တၢ်လၢကမျၢၢ် ဘၣ်သူၣ်ဘၣ်သး၀ဲတခါလီၤ.

ဘၣ်ဆၣ်သနာ်က့, တၢ်အၢၣ်လီၤအဒိၣ်အ ထီလၢ ဒီၢ်အီၣ်ဆါ စူးကၠံၣ်အၢၣ်လီၤတ့ၢ် ဖဲ အဂုာ်မၤန့ၢ်တၢ်ဖး တချုးဖဲလါနိၣ်၀့ဘၢၣ်
၂၀၁၅ တၢ်ဃုထၢအကတီၢ်တဖၣ်, အသ ဟီၣ်လီၤစှၤ၀ဲဖးဒိၣ်, တၢ်အၢၣ်လီၤအကျါ ပၣ်ဃုာ်၀ဲ ဒီကလုာ်တၢ်ဃူလိာ်ဖိးလိာ်က့ၤ
ထံလီၢ်ကီၢ်ပူၤတၢ်မုာ်တၢ်ခုၣ်, တၢ်ဆီတလဲဂံၢ်ခီၣ် ထံးသဲစး ဒီးမ့ၢ်တၢ်ကိးသြတီတမံၤဖဲအပူၤကွံာ်ခံနံၣ်အခါ, တၢ်သိၣ်တၢ်သီပၢ
တၢ် အဂ့ၢ်တဖၣ်လီၤ.

တုၤမ့ၢ် ၂၀၁၆ ကလၢာ်တ့ၢ်ဒီး NLD အတၢ်ဆၢကတီၢ်လၢ တၢ်န့ၢ်စိန့ၢ်ကမီၤအပူၤတုၤလၢခဲအံၤ မ့ၢ်တၢ် လၢထၢၣ်တဖျၢၣ်အပူၤ
တၢ်ခဲလၢာ်ဃါဃုာ်အသးန့ၣ်လီၤ. စးထီၣ်အသးလၢ တၢ်အိၣ်ဒီးဂံၢ်ဒီးဘါ ပျၢ်ထူၣ်ဖျဲး ထီၣ်ကွံာ်ထံရူၢ်ကီၢ်သဲးပှၤဃိာ်ဖိလၢအက
ယၤဖဲလါအ့ြဖ့ၣ်, ဘၣ်ဆၣ်အကတၢၢ်က့ၤလၢ တၢ်အကဒုအက ယီၢ်လၢ တၢ်ကဆီတလဲကိတိၤကရၢ လၢတနီၤအကျါ မ့ၢ်ပှၤ
လၢကမျၢၢ်ထံၣ်လၢပဒိၣ်အဖီခိၣ် ပှၤလၢအ တၢ်မၤတလီၤမံသူၣ်မံသးသ့ၣ်တဖၣ် အိၣ်အါထီၣ်န့ၣ်လီၤ.

တၢ်လၢအိၣ်ကတံာ်အသးလၢတၢ်ဘၢၣ်စၢၤမ့ၢ်, ၂၁ ယၤဖှိၣ်ပ့ၢ်လိၢ်တၢ်အိၣ်ဖှိၣ်လၢ ပှၤအါဂၤပြတၢၤ၀ဲလၢအဂ့ၢ်, ဖဲအပူၤကွံာ်လါအီ
ကူးအတီၢ်ပူၤ, ထုးဖှိၣ်ဂာ်ဖှိၣ်၀ဲကလုာ်ဒူၣ်လၢဖီၣ်စုက၀ဲၤ အါဒၣ်တက့ၢ်န့ၣ်လီၤ. ဘၣ်ဆၣ်သနာ် က့, တၢ်အိၣ်ဖှိၣ်၀ဲအံၤ မ့ၢ်အါဒၣ်
တၢ်လၢ တၢ်အဒိဖိတခါဧိၤလၢအဖျါလၢ ကဆီၣ်ဃီၤထံကီၢ်ဆူတၢ်မုာ်တၢ်ခုၣ်အကျဲ လၢ အဂၢၢ်အကျၢၤဘၣ်ဆၣ်, လၢကီၢ်ပယီၤ
အသုးမုၢ် ဒီးကလုာ်ဒူၣ်ဖီၣ်စုက၀ဲၤအဘၢၣ်စၢၤ တၢ်မုာ်တၢ်ခုၣ်လၢအဂၢၢ်အကျၢၤ တဘူးထီၣ်ဒံး၀ဲဘၣ်. အနီၢ်နီၢ်, လၢ ၂၀၁၆ အ
တီၢ်ပူၤ တၢ်ထီဒုၣ်ဒါလၢ ကခၠ့ၣ်ကီၢ်ဒီးကလံၤစိးယိၤဒိၣ်ကီၢ်စဲၣ်တဖၣ်အ ပူၤဟဲဆူၣ်ထီၣ်၀ဲဒၣ်, ဒီးတၢ်ဒုးအိၣ်ဒံးတုၤလၢမုၢ်မဆါတ
နံၤအံၤလီၤ. သုးအတၢ်နုာ်လီၤမၤဃၣ် မူၣ်စလ့ၣ်ပှၤပူၤထီၣ် တၢ် လၢကလံၤစိးရၢၢ်ခၢၣ်ကီၢ်စဲၣ် ဖဲတၢ်လဲၤခးအ၀ဲသ့ၣ်၀ံၤအလီၢ်ခံ, ပှၤ
အဂၤလၢအကလးစံၣ်ဃီၤ၀ဲဒၣ်ဆူ ကီၢ်ဘ့က လါဒ့ၡ်ကီၢ်ဆၢန့ၣ်လီၤ. တုၤလၢအခဲအံၤ, ဘၣ်ဃးတၢ်ဂ့ၢ်အ၀ဲအံၤ တၢ်တထံၣ်န့ၢ်တၢ်
အစၢနီတမံၤဘၣ်, ဒီးရၢၢ်ခၢၣ်ကီၢ် စဲၣ်တၢ်ဂ့ၢ် ပှၤဟ့ၣ်ကူၣ်ဟ့ၣ်ဖးတၢ်ကမံးတံာ် လၢဒီၢ်အီၣ်ဆါစူးကၠံၣ်ဒုးအိၣ်ထီၣ်၀ဲ, ဒီးဘၣ်တၢ်တီ
ခိၣ်ရိၣ်မဲအီၤလၢ ခိၣ်ဖံၣ် အါနၣ် ဘၣ်ကွၢ်ဆၢၣ်မဲာ်ဒံးဒၣ်ဒီးတၢ်ထီဒုၣ်ဒါလၢ ရၢၢ်ခၢၣ်ကီၢ်စဲၣ်အဲၣ်ကလုာ်ထံဖိကီၢ်ဖိတဖၣ်လီၤ.

NLD ပၣ်တံၣ်, လၢအပူၤကွံာ်မ့ၢ်ခီၣ်ဆၢတၢ်ပၣ်တံၣ်လၢဘျီၣ်ဒိၣ်အပူၤ, တုၤမ့ၢ်န့ၢ်စိန့ၢ်ကမီၤဒီး ကိးသြတီထီၣ်, "တၢ်ဆၢ ကတီၢ်လၢ
တၢ်ဆီတလဲအဂီၢ်ဟဲတုၤလံ", ဒီးအတၢ်ဆၢတဲာ်အဆိကတၢၢ် ဒ်အမ့ၢ်ပဒိၣ်န့ၢ်စိကမီၤမ့ၢ်၀ဲ, တၢ်ထုးဖှိၣ်ဒုးအိၣ် ထီၣ်ကိတိၤကရၢလၢ
အစဲဘူးဒၣ်ဒီး တၢ်မၤညီနုၢ်အကျဲလၢအိၣ်သူၣ်လီၤပာ်အသးလၢညါတဖၣ်လီၤ.

ပမ့ၢ်ကွၢ်လၢအဖီခိၣ်, လၢအခီၣ်ထံးခီၣ်ဘိဖျါလၢ NLD တီခိၣ်ရိၣ်မဲပဒိၣ်, ကဘှီဘၣ်မၤဂ့ၤထီၣ်တၢ်လၢ ကိတိၤတၢ်မၤ သ့ၣ်တဖၣ်, ခီ
ဖျိပာ်ဖှိၣ်ဃုာ်တပူၤဃီ ဒီးမၤစှၤလီၤကိတိၤ ၃၆ ခါဆူ ၂၂ ခါလီၤ. ဖျါလီၤဆီဒၣ်တက့ၢ် လၢပဒိၣ်ကိတိၤ အကျါ သၢခါတအိၣ်လၢ ကမျၢၢ်
ပဒိၣ်အတၢ်ပၢအဖီလာ်ဘၣ်လီၤ. ဒီသဒၢကိတိၤ, ထံလီၢ်ကီၢ်ပူၤဂ့ၢ်၀ီကိတိၤ, ဒီးကီၢ်ဆၢ ဂ့ၢ်၀ီကိတိၤတဖၣ် အိၣ်ဒံးဒၣ်တၢ်လၢ ကီၢ်သုးမုၢ်
ဒိၣ်ခိၣ်ကျၢၢ် အတၢ်ကွၢ်ထွဲဖီလာ်န့ၣ်လီၤ.

NLD အတၢ်ပာ်ထီၣ်ကိတိၤခိၣ်အံၤ လၢအခီၣ်ထံးလံၤလံၤ ပှၤသံကွၢ်သံဒိး၀ဲလၢအဂ့ၢ်အိၣ်, လၢတၢ်ပာ်ထီၣ်အကျိၤအ ကျဲအပူၤ တၢ်ကွၢ်
ထံကွၢ်ဆးတအိၣ်ဘၣ်, ဒီးပှၤလၢအပာ်ထီၣ်၀ဲအကျါတနီၤ အကံၢ်အစီတလၢပှဲၤဘၣ်, တၢ်အံၤပၣ် ဃုာ်၀ဲ လၢအ၀ဲသ့ၣ်ဒိးဃုထၢအသး
လၢကကဲထီၣ်ကိတိၤခိၣ်အခါ, လၢအ၀ဲသ့ၣ်တၢ်ပာ်ဖျါသးလံာ်အပူၤ အကံၢ်အစီ လၢအစံး၀ဲအိၣ်တဖၣ် မ့ၢ်တၢ်ကဘျံးကဘျၣ် ဒီးတၢ်
ကူၣ်ဘၣ်ကူၣ်သ့အဒံၣ်ကရံၣ်တဖၣ် မ့ၢ်တၢ်တဲဒိၣ်ကိာ်န့ၣ်လီၤ.

ဒီၢ်အီၣ်ဆါစူးကၠံၣ်အၢၣ်လီၤတ့ၢ်လၢ ပဒိၣ်လၢအ၀ဲဒၣ်ကကရၢထီၣ်၀ဲ ကဘၣ်လီၣ်ဖျါအ၀ဲဒၣ်အဖီလ်စံၣ်လၢ ဒီကလုာ်အ တၢ်ဃူလိာ်ဖိး
လိာ်က့ၤ, အဃိဒီးအ၀ဲဒၣ်ဟ့ၣ်လီၤ အပူၤကွံာ်သုးခိၣ်ဒိၣ််တဖၣ် မူဒါသနၢၣ်တၢ်မၤလၢအကါဒိၣ်, လၢအ ပၣ်ဃုာ်ပှၤမၤတၢ်ဖိဂ့ၢ်၀ီ, ဒီးတၢ်
ဘူၣ်တၢ်ဘါဂ့ၢ်၀ီလီၤ. ထံရူၢ်ကီၢ်သဲးပှၤပဲာ်ထံနီၤဖးတၢ်တဖၣ်စံး၀ဲ, ပဒိၣ်သီတၢ်ပၢဆှၢတၢ် မၤလၢအ၀ဲသ့ၣ်စံး တၢ်ဃူလိာ်ဖိးလိာ်က့ၤအံၤ
တမ့ၢ်အဂုာ်ကျဲးစၢးထုးဃီၤ၀ၢ်ဃီၤ ထံကီၢ်ကလုာ်ဒူၣ်ဖိတဖၣ် လၢကဟဲ နုာ်လၢ တၢ်ဃူလိာ်ဖိးလိာ်က့ၤအထၢပူၤတမ့ၢ်ဘၣ်, မ့မ့ၢ်တခီအ
ထုးဃီၤ၀ၢ်ဃီၤ အပူၤကွံာ်သုးခိၣ်ဒိၣ်တဖၣ်လၢပဒိၣ်တၢ် မၤအဂၢၤပူၤတခီလီၤ.