ကၠီၣ်တဲၣ်ခီပနံၣ်, အံထဲလံယါထါတၢ်လဲၤထီၣ်လဲၤထီခီ ပနံၣ် Italian Thai Development Plc (ITC) စံး၀ဲ,
ကၠီၣ်တဲၣ်ပဒိၣ်ဒီး ကီၢ်ပယီၤပဒိၣ်မ့ၢ်အၢၣ်လီၤတူၢ်လိာ်လၢ တၢ်ကဆဲးမၤဒံး တၢ်တိာ်ကျဲၤဒိၣ်စိန့ၣ်ဒီး, အ၀ဲဒၣ်အိၣ်
ကတီၤအသးလၢ ကစးထီၣ်တ့ထီၣ် ဘှီထီၣ်ကဒါက့ၤ ဒ ၀ဲၢ်ထံယိာ်ကဘီသန့ လၢတၢ်သုးယံာ်သုးနီၢ်တ့ၢ်ယံာ်မး
၀ဲ, ဒီးမုၢ်ကျိၤ၀ဲၤကွာ်ဟီၣ်က၀ီၤလီၤဆီ, ဆူညါစှၤလါအ တီၢ်ပူၤ, ဖဲပဒိၣ်ခံခီယၢ်ပၤကထံၣ်အိၣ်အိၣ်ဖှိၣ်သကိး လါ
ယနူၤအါရံၤ ၁၀ အဆၢကတီၢ်လီၤ.

ပရဲမ်ခၠါ ကါနးစူးထၣ်, ITD ပှၤပၢၤလီၢ်ဆ့ၣ်နီၤ, စံး၀ဲလၢအ၀ဲဒၣ်ခီပနံၣ် အိၣ်ခိးတၢ်ဆၢတဲာ်ဟဲလၢပဒိၣ်ခံဖု
အိၣ်, မ့ၢ်အ၀ဲသ့ၣ်အဲၣ်ဒိးဆဲးမၤဒံးတၢ်တိာ်ကျဲၤအံၤနီၢ်နီၢ်, လၢအပၣ်ဃုာ်စ့ယိၤ ၄.၅ ဘ့လယၢၢ်ဘး (၁၂၈ က
ကွဲၢ်ဒီလၣ်) စ့ဒုးလိၢ်လၢ ကီၢ်ကၠီၣ်တဲၣ်ကဒုးလိၢ်၀ဲကီၢ်ပယီၤ လၢကတ့ထီၣ်ဘှီထီၣ်၀ဲ ကျဲအဂီၢ်လီၤ.

"ပဒိၣ်ခံဖုလၢာ်မ့ၢ်အၢၣ်လီၤထွဲဒီး ခီပနံၣ်ကစးထီၣ်ကဒါက့ၤ တၢ်တ့ထီၣ်ဘှီထီၢ်တၢ်မၤ လၢစှၤလါအတီၢ်ပူၤ
လီၤ." ပရဲမ်ခၠါ, စံး၀ဲလီၤ. "ယအၢၣ်လီၤ ကီၢ်ပယီၤထံကီၢ်ပှၤကူၣ်လိာ်တၢ်, ဒီၢ်အီၣ်ဆါစူးကၠံၣ်လၢ, ITD ကမၤ
ချ့ထီၣ်တၢ်တ့ထီၣ်ဘှီထီၣ်တၢ်မၤ လၢအဆိအ ချ့ကတၢၢ်လီၤ.

ITD အၢၣ်လီၤဆဲးစုမုၢ်ကျၢၢ် အပူၤကွံာ်မဟိတနံၣ်လါအီကူးလၢ ကစးထီၣ်တၢ်တိာ်ကျဲၤဒိၣ်လုၢ်ကွံာ် တၢ်မၤ
အဆိကတၢၢ်တပတီၢ်, လၢကသူ၀ဲစ့ဘျၢလီၤဘးကၠဲးအခီၣ်ထံး ၁.၇ ဘ့လယၢၢ်ဒီလၣ်န့ၣ်လီၤ. စ့ ၅၀၀
က ကွဲၢ်ဒီလၣ် ကလဲၤဆူတၢ်ကတ့ထီၣ် ကဟၣ်ထုးထီၣ်လီမ့ၣ်အူန့ၢ် 450 megawatt လၢကသူ၀ဲဂာ်
သ၀ံန့ၣ် လီၤ.

တုၤမ့ၢ်ဒ၀ဲၢ်စဲးဖီကဟၣ်ဟီၣ်က၀ီၤ တၢ်တ့ထီၣ်၀ံၤဒီး ITD အိၣ်စ့ၢ်ကီးဒီးတၢ်ရဲၣ်တၢ်ကျဲၤလၢ ကတ့ထီၣ်က
ဟၣ်ထုးထီၣ်လီမ့ၣ်အူအသီတဖျၢၣ် လၢအသူ၀ဲလၢၢ်သွဲၣ်လးန့ၣ်လီၤ.

တၢ်ကသူကဒီး၀ဲစ့ ၅၀၀ ကကွဲၢ်ဒီလၣ်လၢ တၢ်ကတ့ထီၣ် ကဟၣ်ထုးထီၣ်သိဂာ်တၢ်ဖိတၢ်လံၤ ဒီးကဟၣ်
ဖီရ့ၣ်နီၣ် လၢဒ၀ဲၢ်စဲးဖီကဟၣ်တၢ်မၤလီၢ် အတၢ်လိၣ်အဂီၢ်လီၤ.

ပရဲမ်ခၠါစံး၀ဲလၢ အ၀ဲဒၣ်ခီပနံၣ်ဘျၢလီၤတ့ၢ်လံ ၂၀၀ ကကွဲၢ်ဒီလၣ် လၢတၢ်တိာ်ကျဲၤအခီၣ်ထံးတပတီၢ်အ
ဂီၢ်, လၢအပၣ်ဃုာ်တၢ်တ့ထီၣ်ကျဲမုၢ်ကျဲဘိလၢ စဲးဖီကဟၣ်ဟီၣ်က၀ီၤပူၤ, ကသီသန့ဆံးတဖျၢၣ်, တၢ်ပှဲၢ်
မၤကဆှီ ထံအလီၢ်, လီမ့ၣ်အူဒီး တၢ်လၢာ်ဘူၣ်လၢာ်စ့ၤလၢ တၢ်ကပာ်လီၤဆီဟီၣ်ခိၣ်လီၢ်ကျဲ လၢတၢ်က
တ့ထီၣ်ကျဲလၢ ကီၢ်ကၠီၣ်တဲၣ်ကီၢ်ဆၢ ဆူဒ၀ဲၢ်တၢ်တိာ်ကျဲၤလီၢ် လၢတနီသရံၣ်ကီၢ်ခီန့ၣ်လီၤ.