ကၠိသရၣ်တဖၣ် အတၢ်ဆၢကတီၢ်သဘျ့မ့အိၣ်လၢလီၢ် ဒီးတၢ်လၢကဘၣ်မၤ၀ဲဘၣ်ထွဲတၢ်သိၣ်လိ မ့တအိၣ်နီတမံၤဒီး,
အ၀ဲသ့ၣ်မၤ ကွၢ်တၢ်သိၣ်လိအကျဲသ့အါမံၤ လၢကမၤစၢၤဖိသၣ် ဒ်သိးဒီးသုတမၤလိတၢ် ခီဖျိတၢ်တိၢ်ရူးသံလံာ် ဒ်
ထိၣ်ကံၣ်လုၢ်လၢ်လၢၤတဂ့ၤအ ဂီၢ်လီၤ.

ပနၢ်ဟူဘၣ်အါလံလၢ တၢ်သိၣ်လိအကျဲဒီးကၠိအလံာ်အလဲၢ်တဖၣ် လိၣ်တၢ်မၤသီထီၣ်ဒ်သိးကလူၤထီၣ် တၢ်ဆၢကတီၢ်
အခ့အခါ, ဒီးထံကီၢ်တၢ်ကူၣ်ဘၣ်ကူၣ်သ့အကျိၤအကွာ် ကဘၣ်တၢ်ဆီတလဲအီၤဒီတခါန့ၣ်လီၤ.

ပ၀ဲခဲလၢာ်ပတူၢ်လိာ်လၢ ပကၠိတၢ်မၤလိအပတီၢ်ဖုၣ်ဒိၣ်မး, ဒီးတၢ်ကူၣ်ဘၣ်ကူၣ်သ့အတ၀ၢဒီတခါ လိၣ်ဘၣ်တၢ်ဆီ
တလဲအီၤ မ့ၢ်လၢတၢ်ကူၣ်ဘၣ်ကူၣ်သ့အကျိၤအကွာ်လၢအခဲအံၤတဖၣ် တဂ့ၤအဃိ, တၢ်ြကၢးတဘၣ်၀ဲအဃိ, ဒီး
ဃံာ်ဒိၣ် ၀ဲအဃိလီၤ.

အဃိသတးဒီး အဆိကတၢၢ်ပကဘၣ်ဆီတလဲ တၢ်မ နုၤလဲၣ်. ပကဘၣ်ဆီတလဲ တၢ်မၤလိတၢ်အကျဲလၢ အ တိၢ်
ရူးသံလံာ်ဒ်ထိၣ်ကံၣ်အသိး, လၢအဂံၢ်စဲၤလီၤအသး ယိာ်မးလၢ ပထံကီၢ်အတၢ်ကူၣ်ဘၣ်ကူၣ်သ့ အကျိၤအ ကွာ်
အပူၤလီၤ. ကမ့ၢ်တၢ်ဂ့ၤလၢ ဖိသၣ်တဖၣ် တၢ်သိၣ် လိအ၀ဲသ့ၣ်လၢ တၢ်သိၣ်လိကျဲအါမံၤ လၢကဒုးဒိၣ်ထီၣ် အ၀ဲ
သ့ၣ်အခိၣ်နူာ်ဒီး မၤအါထီၣ်အ၀ဲသ့ၣ်တၢ်ဆိကမိၣ် အတၢ်သ့တၢ်ဘၣ်န့ၣ်လီၤ.

မ့ၢ်၀ဲကၠိသရၣ်အမူအဒါလၢ ကဘၣ်သိၣ်လိကၠိဖိ ဒ်သိး ကနၢ်ပၢၢ်တၢ်မၤလိအဂီၢ် ကဘၣ်သူ၀ဲတၢ်သိၣ်လိအကျဲ လၢအ
သီ လၢကဟ့ၣ်ဂံၢ်ဟ့ၣ်ဘါကၠိဖိဒ်သိး ကသူအ၀ဲသ့ၣ်အတၢ်ဆိကမိၣ်ဒၣ်၀ဲ အတၢ်သ့တၢ်ဘၣ်, လၢကတိၢ်ရူးသံလံာ်ဒ်
ထိၣ်ကံၣ် ဒ်လၢပျၢၤအသိး အလီၢ်န့ၣ်လီၤ.

ဘၣ်ဆၣ် တၢ်ကဆီတလဲတၢ်တိၢ်ရူးသံလံာ်ဒ်ထိၣ်ကံၣ်အလုၢ်အလၢ် လၢအဂံၢ်စဲၤလီၤအသးယိာ်မးအံၤ ကမ့ၢ်တၢ်ကီ
ဖးဒိၣ်လၢ ကၠိ သရၣ်အဂီၢ် လၢကဘၣ်နီၤလီၤအ၀ဲသ့ၣ်တၢ်ဆၢကတီၢ်လၢ တၢ်သိၣ်လိတခီခီ ဒီးလၢကၠိအလံာ်တခီခီ
လၢကၠိနံၣ်ဒီကတီၢ်ညါန့ၣ် လီၤ.

တၢ်အနီၢ်ကီၢ်မ့ၢ်၀ဲ တၢ်ဆၢကတီၢ်မ့ၢ်တၢ်အလိၣ်ဒိၣ်မးလၢ တီၤဖုၣ်ကၠိသရၣ်တဖၣ်အဂီၢ်လီၤ. တၢ်ဘှီဂ့ၤထီၣ်တၢ်ကူၣ်
ဘၣ်ကူၣ်သ့အ ကျဲကအိၣ်၀ဲဒ်လဲၣ်ဂ့ၤ, မ့တမ့ၢ်လၢကၠိသရၣ်တဖၣ် နီၤဖးအ၀ဲသ့ၣ်တၢ်ဆၢကတီၢ်ဘၣ်ဘၣ်ဒီး တဒုး
အိၣ်ထီၣ် တၢ်အစၢလၢအဂ့ၤနီၤတမံၤဘၣ်. ပကဘၣ်ဆိကမိၣ်စ့ၢ်ကီး တၢ်ဆၢကတီၢ်လၢအလၢာ် လၢကၠိသရၣ်တ
ဖၣ်ကဘၣ် လ့ၢ်လိၤ၀ဲ လၢဟံၣ်ဒိးကၠိအဘၢၣ်စၢၤန့ၣ်လီၤ.

ကၠိသရၣ်တဂၤလၢအအိၣ်လၢ၀့ၢ်ချၢ, ကလဲၤသိၣ်လိတၢ်လၢ၀့ၢ်ခၢၣ်သးအဂီၢ် တၢ်လဲၤအဆၢကတီၢ်ကတံာ်တာ်၀ဲ
အစှၤကတၢၢ်တနၢ် ရံၣ်လီၤ. ဖဲန့ၣ်အဘၢၣ်စၢၤ တၢ်တံာ်တာ်ကအိၣ်ထီၣ်၀ဲကဒီးလၢ သိလ့ၣ်ကတံာ် မ့တမ့ၢ်
သိလ့ၢ်ဘးစ်ဟးဂီၤလၢကျဲလီၤ.

ကၠိသရၣ်တဖၣ် မ့မ့ၢ်ဒၣ်လဲာ်ပဒိၣ်အပှၤမၤတၢ်ဖိ, အ၀ဲသ့ၣ်မ့ၢ်ပှၤလီၤဆီန့ၢ်ဒံးပဒိၣ်ပှၤမၤတၢ်ဖိလၢ အမၤတၢ်လၢပ
ဒိၣ်အတၢ်ကရၢ ကရိလၢအဂၤ လၢကိးနံၤဒဲးတၢ်မၤမ့ၢ် တၢ်ဘၣ်မၤတၢ်လၢလံာ်လၢလဲၢ်တဖၣ်လီၤ. ကၠိသရၣ်တဖၣ်
ကဘၣ်ကွၢ်ဆၢညါဒီးဖိသၣ် လၢ အမ့ၢ်ပှၤကညီလီၤ. အ၀ဲသ့ၣ်မ့ၢ်အိၣ်တဆူၣ်တချ့ဘၣ်ဒၣ်လဲာ်, တဘျီဘျီမ့ၢ်တၢ်ကီ
လၢကၠိသရၣ်အဂီၢ် လၢကအိၣ်ဘှံးလၢတၢ်သိၣ်လိ န့ၣ်လီၤ.

ထီဘိကၠိသရၣ်ကဘၣ်ဟဲတုၤဆိန့ၢ်ပှၤကၠိဖိ ဘၣ်ဆၣ်ထီဘိကဘၣ်က့ၤဟံၣ်စဲးခံ မ့ၢ်လၢအ၀ဲသ့ၣ်ကဘၣ်ကွၢ်လီၤတံၢ်
ကၠိပျၢ်၀ံၤအ လီၢ်ခံ မ့ၢ်ကၠိဖိခဲလၢာ်အိၣ်ကိးဂၤဒဲးဧါန့ၣ်လီၤ.

လၢတၢ်သိၣ်လိအမဲာ်ညါ, ကၠိသရၣ်တဖၣ်အိၣ်ဒီးမူဒါလၢအဂၤ အါမးစ့ၢ်ကီးလီၤ. အ၀ဲသ့ၣ်အတၢ်ဆၢကတီၢ်တဖၣ်
ပှဲၤဒီးတၢ်အိၣ် ဖှိၣ်ရိဖှိၣ် လၢတၢ်ကိးလၢကီၢ်ဆၣ်တၢ်ကူၣ်ဘၣ်ကူၣ်သ့၀ဲၤဒၢး ဒီးကဘၣ်ထီၣ်၀ဲ နံၤဖုၣ်, နံၤထီတၢ်သိၣ်
လိတဖၣ်လီၤ.

မ့ၢ်လၢတၢ်ဆၢကတီၢ်အါဒၣ်တက့ၢ် အ၀ဲသ့ၣ်ဘၣ်ထီၣ်၀ဲတၢ်သိၣ်လိ, တၢ်အိၣ်ဖှိၣ်တၢၣ်ပီၣ်သကိးအဃိဒီး, တၢ်ကိၢ်ခါ
ကၠိပျၢ်ကသုၣ်, လါဒံၣ်စ့ဘၣ်ကၠိပျၢ်ကသုၣ် မ့တမ့ၢ် တါလီၤကၠိပျၢ်ကသုၣ်ဒၣ်လဲာ် အ၀ဲသ့ၣ်တအိၣ်ဘှံးဘၣ်၀ဲဂ့ၤဂ့ၤဘၣ်.

ဖဲဒီကလုာ်တၢ်မၤဒ်အမ့ၢ် တၢ်ထၢဖးဖီမုၢ်စရီ ဒီးထံကီၢ်တၢ်ဃုထၢအိၣ်အခါစ့ၢ်ကီး, ကၠိသရၣ်တဖၣ် အမူအဒါအိၣ်
ဘၣ်မၤစၢၤတၢ် လၢတၢ်ထၢစရီတၢ်ဂ့ၢ်တၢ်ကျိၤ ဒီးတၢ်ဘၣ်ဟံးမူဒါလၢတၢ်ဟ့ၣ်တၢ်ဖးအလီၢ်စ့ၢ်ကီးန့ၣ်လီၤ. ဖဲတၢ်မၤ
ဒီကလုာ်တၢ်မူးတၢ်ရၢ်အဆၢက တီၢ် ကၠိသရၣ်တဖၣ်ဘၣ်ဟံးမူဒါစ့ၢ်ကီးလၢ တၢ်တူၢ်လိာ်ခီၣ်ဆၢ တမှံၤပဒိၣ်ဘၣ်မူ
ဘၣ်ဒါလၢအဒိၣ် အထီတဖၣ်လီၤ.

တၢ်အ၀ဲအံၤအခီပညီမ့ၢ်၀ဲ, ကၠိသရၣ်တဖၣ် ကဘၣ်ဟံးမူဒါလၢ တၢ်လၢအဂၤအိၣ်၀ဲအါမး လၢအတဘၣ်ထွဲလိၤလိၤ
ဒီး တၢ်သိၣ်လိ နဲၣ်လိဘၣ်န့ၣ်လီၤ. ဘၣ်ဆၣ်တကတီၢ်ဃီ အ၀ဲသ့ၣ်ကဘၣ်သိၣ်လိ၀ဲကၠိလံာ်တုၤအလၢာ် တချုးလၢ
ကၠိနံၣ်ကတၢၢ်ဘၣ်လီၤ.

လၢတၢ်ဂ့ၢ်သ့ၣ်တဖၣ်အဃိ, ပကဘၣ်နၢ်ပၢၢ်လၢ ကၠိသရၣ်အါဂၤ ကမ့ၢ်တၢ်ကီလၢအ၀ဲသ့ၣ်အဂီၢ် လၢကဆီတလဲတၢ်
သိၣ်လိအကျဲ လီၢ်လံၤဒ်ထိၣ်ကံၣ်လုၢ်လၢ် လၢအဂံၢ်စဲၤလီၤသးယိာ်မးန့ၣ်လီၤ. ကၠိသရၣ်တဖၣ် အတၢ်ဆၢကတီၢ်မ့
အိၣ်လၢလီၢ်, ဒီးတဘၣ်မၤတၢ် နီတမံၤလၢဘၣ်ထွဲဒီးတၢ်သိၣ်လိန့ၣ်ဒီး, အ၀ဲသ့ၣ်ကမၤကွၢ်တၢ်သိၣ်လိအကျဲအါဘိသ့,
လၢကမၤစၢၤဖိသၣ်တဖၣ် ဒ်သိးကဆီတ လဲတၢ်မၤလိအကျဲ ဒ်ထိၣ်ကံၣ်လုၢ်လၢ်အသိး အဂီၢ်လီၤ.

ကၠိသရၣ်တဖၣ်မ့ၢ်ပှၤနီၢ်ဂံၢ်တၢလၢ အဃ့ထီၣ်တၢ်ကဆီတလဲ တၢ်ကူၣ်ဘၣ်ကူၣ်သ့အကျိၤအကွာ်, မ့ၢ်လၢအ၀ဲသ့ၣ်
အါဂၤ ထံၣ်ဘၣ် လံတၢ်လဲၤခီဖျိလၢအနး ဘၣ်ဃးတၢ်ကူၣ်ဘၣ်ကူၣ်သ့အကျိၤအကွာ် လၢအအိၣ်သူၣ်လီၤအသး
လၢ တၢ်တိၢ်ရူးသံလံာ် ဒ်ထိၣ်ကံၣ် လုၢ်လၢ်မၤလိတၢ်အကျဲ အဃိန့ၣ်လီၤ.

ဖီတၢၣ်လၢ တၢ်ကဆီတလဲတၢ်ကူၣ်ဘၣ်ကူၣ်သ့အကျဲ လၢကထူၣ်ဖျဲးထီၣ်လၢ တၢ်တိၢ်ရူးသံလံာ်ဒ်ထိၣ်ကံၣ်လုၢ်လၢ်အ
သိး, ကတုၤ ထီၣ်ထီၣ်ဘးသ့နီၢ်နီၢ်ဖဲ ကၠိသရၣ်တဖၣ်အိၣ်ဒီးအခွဲးအယာ်လၢလၢလီၢ်လီၢ် လၢကဟ့ၣ်လီၤအသးလၢတၢ်
သိၣ်လိ, ဒီးဖဲတၢ်လဲၤတၢ် က့ၤအကျိၤအကွာ်ဂ့ၤထီၣ်စ့ၢ်ကီးအခါလီၤ.

တၢ်ပာ်န့ၢ်တၢ်ဆၢကတီၢ်အါထီၣ် လၢတၢ်သိၣ်လိအဂီၢ် မ့ၢ်တၢ်အရ့ဒိၣ်လၢ တၢ်ကမၤဂ့ၤ ထီၣ်တၢ်ကူၣ်ဘၣ်ကူၣ်သ့အ
ကျိၤအကျဲ ဒီးတၢ်အံၤတၢ်ကဘၣ်မၤအီၤအဆိကတၢၢ်န့ၣ်လီၤ.