ကီၢ်ပဒိၣ်ဒီး ပှၤဟဲထီၣ်ခၢၣ်စးတဖၣ် ကပာ်လီၤဒီကလုာ်သးစၢ်ဖီလ်စံၣ်လၢအတၢ်တိာ်ပာ်မ့ၢ် တၢ်ကသူအီၣ်ထံကီၢ်သူၣ်ဘီၣ်သးစၢ်ဂံၢ် ဘါ လၢဒီကလုာ်တၢ်လဲၤထီၣ်လဲၤထီအဂီၢ်, အဂ့ၢ် ပဒိၣ်ဘၣ်မူဘၣ်ဒါတဖၣ်စံး၀ဲ ဖဲမုၢ်ပျဲၤအနံၤလီၤ.

ပဒိၣ်ခိၣ်နၢ်အဒိၣ်အထီ ဒီးသးစၢ်ခၢၣ်စးတဖၣ် အိၣ်ဖှိၣ်သကိး၀ဲဖဲလါအီအူး ၂၄ ဒီး ၂၅ ဖဲန့ၢ်ပၠံၣ်ဒီၣ်ဒ်သိးကတၢၣ်ပီၣ်သကိး၀ဲဖီၣ်လ် စံၣ်အဒိလၢတၢ်ပာ်လီၤ ဒ်တၢ်ဆၢနုာ်လၢတၢ်ထၢဖှိၣ်မၤန့ၢ် လၢဒီကလုာ်ပတီၢ်တၢ်ကူၣ်လိာ်သကိးလၢဒီတနံၣ်ကျၢၤအဖီခိၣ်, အဂ့ၢ် ကိၣ်သူရၣ်စိ,လၢအမ့ၢ်ကီၢ်ပယီၤဒီကလုာ်သးစၢ် တၢ်ကွဲးပာ်လီၤဖီလ်စံၣ်ကမံးတံာ်ကရၢဖိ, စံး၀ဲလီၤ?

ကိၣ်သူရၣ်စိစံး၀ဲလ ကီၢ်စၢဖှိၣ်ကိတိာ်ဘၣ်ဃးထံလီၢ်ကီၢ်ပူၤဂ့ၢ်၀ီ ဆှၢနုာ်၀ဲလၢ တၢ်ပာ်ပနီၣ်ပှၤသးစၢ်သးနံၣ်အါကတၢၢ် ကဘၣ်မ့ၢ်၀ဲ ဖဲ ၃၀ နံၣ်လီၤ.

ဖီလ်စံၣ်အဒိပူၤပာ်ဖျါ၀ဲ ပှၤသးစၢ်ကဘၣ်နုာ်လီၤပၣ်ဃုာ်လၢ ထံရူၢ်ကီၢ်သဲး, မုၢ်ကျိၤ၀ဲၤကွာ်, လံၤလဲၢ်ဒီးတၢ်ဆဲးတၢ်လၤ, တၢ်ဃုထံၣ် သ့ၣ်ညါ, ဃုာ်ဒီးတၢ်မၤလိစဲအ့ၣ် ဒီးစဲးဖီကဟၣ်တၢ်သ့ၣ်ညါတဖၣ်လီၤ.

ဖီလ်စံၣ်အဒိပူၤပာ်ဖျါစ့ၢ်ကီး တၢ်အကျိၤအကျဲဒီးအကျိၤအကွာ်လၢ ပှၤသးစၢ်တဖၣ်ကလုာ်လီၤပၣ်ဃုာ်လၢ တၢ်ကွၢ်ထွဲန့ဆၢၣ်ဂံၢ် ထံၣ်အကံၢ်အစီ ဒီးတၢ်ဒီသဒၢခိၣ်ဃၢၤန့ဆၢၣ်, သဲစးဒီးပှၤဂ့ၢ်၀ီတၢ်ဘၣ်လီၢ်ဘၣ်စး, မုၢ်ခွါတၢ်ထဲသိးတုၤသိး, ပှၤကညီခွဲးယာ် ဒီးထံ ဂုၤကီၢ်ဂၤ
တၢ်ရ့လိာ်မုာ်လိာ်တဖၣ်လီၤ.

လၢဖီလ်စံၣ်အဒိပူူၤ တၢ်ပာ်လီၤစ့ၢ်ကီး၀ဲတၢ်ဒုးအိၣ်ထီၣ် သးစၢ်ဂ့ၢ်၀ီကမံးတံာ်ဒ်အမ့ၢ်ကမံးတံာ်လၢ ကဘၣ်မၤထွဲဒုးကဲထီၣ် သးစၢ်ဖီ လ်စံၣ်လၢတၢ်ပာ်လီၤ၀ဲန့ၣ်လီၤ. ကမံးတံာ်၀ဲအံၤအပူၤပၣ်ဃုာ်၀ဲ ကီၢ်စၢဖှိၣ်ခၢၣ်စး, ကီၢ်ဒိၣ်ဒီးကီၢ်စဲၣ်ခၢၣ်စးတဖၣ်, ကမျၢၢ်ပှၤတ
၀ၢ ကရူၢ်, ပှၤသ့ပှၤဘၣ်ဒီးသးစၢ်တၢ်ကရၢကရိတဖၣ်လီၤ.

ဒ်တၢ်ဆှၢနုာ်အဒိအသိး, ကီၢ်စၢဖှိၣ်, ကီၢ်ဒိၣ်ဒီးကီၢ်စဲၣ်ပဒိၣ်တဖၣ် ကဘၣ်ပာ်လီၤဆီစ့ဘးကၠဲးလၢ တၢ်ကမၤထွဲမၤကဲထီၣ် တၢ်ရဲၣ် တၢ်ကျဲၤတဖၣ်လီၤ.