ဟီၣ်က၀ီၤကမျၢၢ်သဘျ့ကရၢတခါ ကစးထီၣ်မၤတၢ်သ့ကွဲၣ်သ့ဖးလံာ် ဒီးကမျၢၢ်တၢ်အိၣ်ဆူၣ်အိၣ်ချ့တၢ်ရဲၣ်တၢ်ကျဲၤ လါအီးထိ ဘၢၣ် တုၤလါဒံၣ်စ့ဘၢၣ် ၂၀၁၇, အဂ့ၢ် ကရၢပၢဆှၢတၢ်ခိၣ်နၢ်တဂၤစံး၀ဲလီၤ.

တၢ်သ့ကွဲးသ့ဖးလံာ် ဒီးဟီၣ်က၀ီၤတၢ်လဲၤထီၣ်လဲၤထီတၢ်မၤစၢၤကရၢ Literacy and Regional Development Service Association ကစးထီၣ်အတၢ်ရဲၣ်တၢ်ကျဲၤလၢခိခိၣ်ဒူသ၀ီဖိအဂီၢ် ဖဲကီၢ်ဆၣ်နွံဘ့ၣ်အပူၤ လၢ၀့ၢ်တကူၣ်
ကီၢ်ဒိၣ်, အ့ယၣ်၀တံၣ်ကီၢ် ဒိၣ်, မကွ့ကီၢ်ဒိၣ်,
တနီသရံၣ်ကီၢ်ဒိၣ်, စကဲကီၢ်ဒိၣ်, ဒီးပကိကီၢ်ဒိၣ်, အဂ့ၢ် အိမၠိသဲၣ် လၢအမ့ၢ်တၢ်ကရၢကရိအပှၤပၢၤ လီၢ်ဆ့ၣ်နီၤ, စံး၀ဲလီၤ.

"တၢ်သ့ကွဲးသ့ဖးလံာ်တၢ်ဟူးတၢ်ဂဲၤ မ့ၢ်တၢ်ဟ့ၣ်တၢ်ကစီၣ်တၢ်ရဲၣ် တၢ်ကျဲၤတခါလၢ ခိခိၣ်ဒူသ၀ီဖိအဂီၢ် ဒီး၀့ၢ်ပူၤကၠိဖိတဖၣ်အဂီၢ် လီၤ."

တၢ်တသ့လံာ်သ့လဲၢ် မ့ၢ်တၢ်ဂ့ၢ်ကီဖးဒိၣ်တခါ လၢကီၢ်ပယီၤ ကမျၢၢ်တီခိၣ်ရိၣ်မဲပဒိၣ်အဂီၢ် ဖဲအကွၢ်ဘှီဘၣ်မၤသီထီၣ်ကဒါ က့ၤ ထံကီၢ်တၢ်ကူၣ်ဘၣ်ကူၣ်သ့အကျိၤအကွာ် လၢတၢ်ကွၢ် ကပာ်အီၤယံာ်လံန့ၣ်လီၤ.

ဖိသၣ်အိၣ်၀ဲ ၂.၇ ကကွဲၢ်ဂၤလၢသးနံၣ် ၅ နံၣ်ဒီး ၁၆ နံၣ်အဘၢၣ်စၢၤလၢတထီၣ်ကၠိ မ့တမ့ၢ် ဟးထီၣ်လၢကၠိ, ဒီးဖိသၣ်အဂၤ ၃.၅ က ကွဲၢ်လၢသးနံၣ် ၁၅ နံၣ်ဆူဖီခိၣ်, လၢတသ့လံာ်သ့လဲၢ်, အဂ့ၢ် တၢ်ကူၣ်ဘၣ်ကူၣ်သ့ကိတိာ် တၢ်မၤ
နီၣ်စရီစံး၀ဲလီၤ.

တၢ်ကူၣ်ဘၣ်ကူၣ်သ့ကျဲလၢအသီ၀ဲၤကျိၤ Department of Alternative Education တၢ်ဒုးအိၣ်ထီၣ်အီၤဖဲလါအီးကထိဘၢၣ် ၂၀၁၆, လၢတၢ်ကူၣ်ဘၣ်ကူၣ်သ့ကိတိာ်အဖီလာ်လီၤ. တၢ်ဒုးအိၣ်ထီၣ်အီၤဒ်အမ့ၢ်၀ဲၤကျိၤအသီတခါ လၢပ
ဒိၣ်ထီၣ်သီအဂီၢ်လီၤ.

၀ဲၤကျိၤ၀ဲအံၤ စးထီၣ်ကွဲးပာ်လီၤတၢ်ကူၣ်ဘၣ်ကူၣ်သ့ကျဲလၢအသီ တၢ်မၤဖီလ်စံၣ်တကွၢ်, စးထီၣ်လါဒံၣ်စ့ဘၢၣ် ၂၀၁၆ လီၤ.

စးထီၣ်လၢတၢ်ဒုးအိၣ်ထီၣ်အီၤလံၤလံၤ, တၢ်ကူၣ်ဘၣ်ကူၣ်သ့ကျဲလၢအသီ၀ဲၤကျိၤ မၤတ့ၢ်တၢ်သ့ကွဲးသ့ဖးလံာ်တၢ်ဟူးတၢ်ဂဲၤ လၢ ကီၢ်ဆၣ်ခဲလၢာ်အပူၤ လၢကယါကီၢ်စဲၣ် ဒီးကလံၤထံးယိၤဒိၣ်ကီၢ်စဲၣ်န့ၣ်လီၤ. တၢ်ဟူးတၢ်ဂဲၤ၀ဲအံၤ သိၣ်လိ၀ဲပှၤ
အဂၤ ၃,၅၀၀ ဂၤ လၢကယါကီၢ်စဲၣ်, ဒီး ၂၀,၀၀၀ ဂၤဃၣ်ဃၣ် လၢကလံၤထံးယိၤဒိၣ်ကီၢ်စဲၣ်လီၤ.