Kian Joo Group, လၢအမ့ၢ်ပနံာ်တၢ်မၤလၢအဘိၣ်ထီၣ်စၢၤထီၣ်တၢ် အဒိၣ်ကတၢၢ်လၢ ASEAN ထံကီၢ်တဖၣ် အပူၤ, ကဘျၢလီၤစ့လၢကသူၣ်ထီၣ် တၢ်ဘိၣ်ထီၣ်စၢၤထီၣ်စဲးဖီကဟၣ်တၢ်မၤလီၢ် အသီတဖျၢၣ်ကဒီးလၢ သံၤလၣ် ၀ၤမုၢ်ကျိၤ၀ဲၤကွာ်ဟီၣ်က၀ီၤ
လီၤဆီ Thilawa Special Economic Zone (SEZ) အပူၤလီၤ. တၢ်သူၣ်ထီၣ်စဲး ဖီကဟၣ်တၢ်မၤလီၢ်အသီအံၤ တၢ် မုၢ်လၢ်၀ဲလၢက၀ံၤ၀ဲ ခဲမဟိတနံၣ်အခီၣ်ထံးသၢလါအတီၢ်ပူၤ လီၤ.

အိၣ်သူၣ်လီၤအသးလၢကီၢ်မလ့ၡါ, Kian Joo မ့ၢ်ခီပနံၣ်အဒိၣ်ကတၢၢ်တဖျၢၣ်လၢအထုးထီၣ် တၢ် အီၣ်တၢ်အီလၢအဒၢ လၢ ASEAN ဟီၣ်က၀ီၤအ ပူၤ, ဒီးထုးထီၣ်၀ဲပနံာ်တၢ်ဖိတၢ်လံၤအါကလုာ် ဒီး ဒိးငါလီၤအသးလၢဘိၣ်ထီၣ်စၢၤထီၣ် ပနံာ်တၢ်ဖိ တၢ်လံၤ
တဖၣ်လီၤ. ခီပနံၣ်အံၤအိၣ်ဒီးစဲးဖီကဟၣ် ထုးထီၣ်တၢ်ဖိတၢ်လံၤ တၢ်ဆီလီၤပာ်လီၤလၢမလ့ ၡါ ဒီးကီၢ်ဘံၣ်ယဲၢ်နၣ်, အထံဂုၤကီၢ်ဂၤ၀ဲၤလီၢ်လၢ အပှ့ၤတၢ်ဒီး ဃုတၢ်ဆါတၢ်ပှှ့ၤအလီၢ် လၢကီၢ်စံၣ် ကဖိလီၤ.

Kian Joo စးထီၣ်မၤလဲၢ်ထီၣ်အတၢ်မၤလၢ သံၤလၣ်၀ၤ ဖဲ ၂၀၁၅ အခီၣ်ထံးလီၤ. ခီပနံၣ်အံၤဒုးအိၣ်ထီၣ်အတၢ်မၤ အဒ့အြတၢ် Kianjoo Can Myanmar (KJMM) ဒီး Boxpak Myanmar (BPMM) ခံခါလၢသံၤလၣ်၀ၤ တၢ်တိာ်ကျဲၤအဂီၢ် ဘျၢနုာ်၀ဲစ့မိၢ်ပှၢ်
အခီၣ်ထံး US$16 million ဒီး $7.5 million စုာ်စုာ်လီၤ. တၢ်ဘျၢလီၤစ့အ တၢ်လီၤလၢခဲလၢာ်ပာ်ဖှိၣ်ကထီၣ်ဘး၀ဲ $75 million လၢ KJMM အဂီၢ်, ဒီး $38 million လၢ BPMM အဂီၢ်လီၤ.

မ့ၢ်လၢဖၠါအတၢ်လိၣ်အါထီၣ် ဒီးတၢ်မုၢ်လၢ်အိၣ်လၢတၢ်ကဒိၣ်ထီၣ်ထီထီၣ် လၢကီၢ်ပယီၤအဃိ, KJMM ကထုးထီၣ်၀ဲ ထး၀ါအဒ, အလူမံၤနံးယၢၤအဒၢ, တၢ်ပီးတၢ်လီလၢတၢ်တိာ်ပာ်၀ဲလၢအခီၣ်ထံး, ဒီးကဘိးထီၣ်စၢၤထီၣ် တၢ်ထံတၢ်နိ တၢ်ဖိတၢ်လံၤ ဒီးတၢ်နုၢ်
ထံကမူၣ်, မ့မ့ၢ် BPMM တခီကထုးထီၣ်၀ဲတၢ်ဒၢစးခိန့ၣ်လီၤ.

သံၤလၣ်၀ၤအတၢ်ဘျုးလီၤဆီ
Ooi Teck Huat, လၢအမ့ၢ် Kian Joo Can Factory (KJCF) ပှၤပၢဆှၢကျိၣ်စ့ဂ့ၢ်၀ီအခိၣ် CFO စံး၀ဲ, တၢ်ဂ့ၢ် လၢ အ၀ဲသ့ၣ်ဃုထၢ၀ဲသံၤလၣ်၀ၤ လၢကဆီလီၤအခီၣ်ပဃာ်မ့ၢ်၀ဲ, နီၢ်ကစၢ်ပၢဘၣ်ခွဲးယာ်အိၣ်သ့သ့ဘၣ်ဘၣ်, ဟီၣ်
က၀ီၤအတၢ်အိၣ်သးဂ့ၤ, တၢ်ဃုဘၣ်ပှၤမၤတၢ်ဖိညီ, ဒီးတၢ်ငါဘၣ်ဟီၣ်ခိၣ်တၢ်အိၣ်သးဂ့ၤ, တၢ်ဂ့ၢ်သ့ၣ်တဖၣ်လီၤ.
"တၢ်ထုးန့ၢ်ပသးလၢ ပကဆီလီၤစဲးဖီကဟၣ်တၢ်မၤလီၢ်ဖဲအံၤမ့ၢ်၀ဲ ခီပနံၣ်လၢပဒုးအိၣ်ထီၣ်ပကစၢ်ပၢဘၣ် ၁၀၀ မျးက ယၤ, ပငါ ဘၣ်ဟီၣ်ခိၣ်လီၢ်လၢစဲးဖီကဟၣ်တၢ်မၤအဂီၢ်န့ၢ် ၅၀ နံၣ်, ဒီးတၢ်ဃုထၢအိၣ်လၢ ပဆဲးငါကဒီး ၂၅ နံၣ်လီၤ." အ ဂ့ၢ် Ooi စံးဘၣ်
Myanmar Times ဖဲတၢ်သမံထံဖဲ KJM Aluminium အဆၢကတီၢ်, လၢအမ့ၢ်ခီပနံၣ်စဲးဖီကဟၣ် ထုးထီၣ်ပနံာ်တၢ်ဖိတၢ်လံၤ အဒ့တခါ ဖဲနံၤလါတၢ်လီၢ်, လၢအအိၣ်လၢ Negeri Sembilan ကီၢ်စဲၣ်, ကီၢ်မလ့ၡါန့ၣ် လီၤ.

Mr Ooi, စံးအါထီၣ်ကဒီး၀ဲလၢ တၢ်ထၢတၢ်ခိတၢ်သွဲစှၤ ဒီးတၢ်ဃုဘၣ်ပှၤမၤတၢ်ဖိညီလၢကီၢ်ကၠီၣ်တဲၣ်, မ့ၢ်တၢ်လၢအထုးန့ၢ်သးစ့ၢ် ကီးလီၤ. လၢဟီၣ်က၀ီၤတၢ်အိၣ်သူၣ်လီၤသးတကပၤစ့ၢ်ကီး, မုၢ်ကျိၤ၀ဲၤကွာ်ဟီၣ်က၀ီၤလီၤဆီ SEZ အံၤ အိၣ်ဘူးဒီးကဘီသန့,
လၢအမ့ၢ်တၢ်အရ့ဒိၣ်လၢပနံာ်တၢ်မၤအဂီၢ် မ့ၢ်လၢတၢ်ဖိတၢ်လံၤသံသိအါဒၣ်ကတ့ၢ် တၢ်ကဘၣ်စိာ်နုာ်အဃိလီၤ. သံၤလၣ်၀ၤ ဘၣ် တၢ်ပၢဆှၢအီၤခီဖျိ တဘျီအဂီၢ်တၢ်မၤန့ၢ်တၢ်၀ဲၤလီၢ် one-stop service centre လၢအအိၣ်ဖဲမုၢ်ကျိၤ၀ဲၤကွာ်ဟီၣ်က၀ီၤလီၤဆီအ
ပူၤ,လၢအကဲဘျုးဒိၣ်မးလၢ တၢ်ဘှါၡဲန့ၢ်တၢ်ဂ့ၢ်ကီလၢ ပှၤဘျၢနုာ်စ့တ ဖၣ်အဂီၢ်လီၤ.

တၢ်လၢအရ့ဒိၣ်ကဒီးတခါမ့ၢ်၀ဲ, တၢ်ကတိၤအကျိာ်တမ့ၢ်တၢ်ဂ့ၢ်ကီဖဲသံၤလၣ်၀ၤဘၣ်, မ့ၢ်လၢကီၢ်ပယီၤထံဖိကီၢ်ဖိအါဒၣ်တက့ၢ် က တိၤကိၤလၤ၀ါသ့, ဒီးတနီၤနီၤကတိၤတရူးကျိာ်ဘၣ်န့ၣ်လီၤ." Mr Ooi စံး.

တၢ်ကီတၢ်ခဲလၢအိၣ်ပာ်
Mr Ooi နာ်အီၣ် သံၤလၣ်၀ၤမုၢ်ကျိၤ၀ဲၤကွာ်ဟီၣ်က၀ီၤလီၤဆီ ရဲၣ်ကျဲၤတၢ်ကမံးတံာ် Thilawa SEZ Management Committee အတၢ်သ့တၢ်ဘၣ်ဒီး အတၢ်တီဒီးတၢ်ဖံးတၢ်မၤဘၣ်ဆၣ်, အ၀ဲဒၣ်စံး၀ဲ မုၢ်ကျိၤ၀ဲၤကွာ် ဟီၣ်က၀ီၤလီၤဆီကျဲးစၢး၀ဲ ဘၣ်
ဖၢလၢ ကမၤဂ့ၤထီၣ်ဂံၢ်ခီၣ်ထံးတၢ်သူၣ်လီၤဆီလီၤလၢအလိၣ်၀ဲ လၢခီပနံၣ်ဒ်သိးပတၢ်တဖၣ် အတၢ်မၤကကဲထီၣ်ကဲထီအဂီၢ် လီၤ."

တၢ်ကီတၢ်ခဲအဒိၣ်ကတၢၢ် လၢမုၢ်ကျိၤ၀ဲၤကွာ်ဟီၣ်က၀ီၤလီၤဆီအပူၤမ့ၢ် လီမ့ၣ်အူတဟဲဘၣ်လီၢ်ဘၣ်စးဘၣ်လီၤ. "လီမ့ၣ်အူဟဲပ တုာ်အသးအခဲအံၤခဲအံၤ ဒီးအဂံၢ်စှၤ ဒီးထီၣ်၀ဲလီၤ၀ဲထီဘိ, လၢ၀့ၢ်တကူၣ်အပူၤဒၣ်လဲာ်လီၤ. တၢ်ပတုာ်သး၀ဲအံၤ ကဲထီၣ်သး
လၢ ဘၣ်ဆၢၣ်ဘၣ်တီၤ ဒီးပှၤအဲၣ်ဒိးမၤဒၣ်တၢ်ဒ်န့ၣ်တီတီ လၢတၢ်ဘှီဂ့ၤထီၣ်တၢ်ဟ့ၣ်လီမ့ၣ်အူအဒ့ တဖၣ်အဂီၢ်လီၤ. လီမ့ၣ်အူပတုာ် သးယံာ်၀ဲကအိၣ်စှၤမံးနံး တုၤလၢ ၈ နၣ်ရံၣ်တုၤ အနၣ်ရံၣ် ၁၀, ဒိးသန့ၤထီၣ်သးလၢ တၢ်ဂ့ၢ်တၢ်ကျိၤလၢတၢ်ဒိးန့ၢ်၀ဲအဖီခိၣ်လီၤ
" M Ooi စံး၀ဲလီၤ.

ပှၤထုးထီၣ်ပနံာ်တၢ်ဖိတၢ်လံၤဖိ မုၢ်လၢ်၀ဲလၢလီမ့ၣ်အူပတုာ်သး၀ဲအံၤ တယံာ်ဘၣ်ကလီၤစှၤ၀ဲ, မ့ၢ်လၢတၢ်သူၣ်ထီၣ် 50MW ဂံၢ်ဘါတၢ်ထုးထီၣ်လီမ့ၣ်အူစဲး လၢအစူးကါဂာ်သ၀ံဂံၢ်ဘါ, ဖဲသံၤလၣ်၀ၤ တယံာ်ဘၣ်က၀ံၤ၀ဲဒီးစးထီၣ်အူတရံး, ဒီးလီမ့ၣ်အူစဲး
အ ဂၤတခါ တၢ်သူၣ်ထီၣ်ဖဲသၤက့ၤတၣ် ဂံၢ်ဘါအိၣ် 106MW ဒီးတၢ်မုၢ်လၢ်၀ဲလၢကစးထီၣ်မၤတၢ်ဖဲ ဆူညါတနံၣ်အဆိကတၢၢ်သၢလါ တီၢ်ပူၤန့ၣ်လီၤ.

တၢ်ကီတၢ်ခဲလၢအဂၤမ့ၢ် ကျဲမုၢ်ကျဲဘိပှာ်ဘျးစဲ ဒီးတၢ်ဆဲးကျိးလၢလီၢ်ယံၤတၢ်သူၣ်လီၤဆီလီၤ အတၢ်အိၣ်သးနးတဖၣ် လီၤ. "တၢ် ကဘၣ်မၤဂ့ၤထီၣ် ကျဲတၢ်လ့ၢ်ထီၣ်လ့ၢ်လိၤအကျိၤအကွာ် ဒီးဂံၢ်ခီၣ်ထံးတၢ်သူၣ်လီၤဆီလီၤအတၢ်လိၣ် ဒ်သိးတၢ်စဲဘူးကဂ့ၤထီၣ် လၢကီၢ်
ပယီၤအပူၤ ဒီးမၤစၢၤပှၤထုးထီၣ်ပနံာ်တၢ်ဖိတၢ်လံၤဒ်သိးပ၀ဲတဖၣ်, ကဆှၢန့ၢ်ပှၤဟ့ၣ်ဂံၢ်ဟ့ၣ်ဘါပှၤ အတၢ်ဖိတၢ်လံၤကန့ၢ် မ့တမ့ၢ် ဆူကဘီသန့ လၢတအိၣ်ဒီးတၢ်ြတီမၤတံာ်တာ်အါဘၣ်လီၤ.

"တၢ်ဆဲးကျိးလၢလီၢ်ယံၤအကျိၤအကွာ် မ့ၢ်တၢ်အရ့ဒိၣ်စ့ၢ်ကီး လၢပကမၤစဲဘူးပသးဒီးဟီၣ်ခိၣ်လၢတၢ်ချၢန့ၣ်လီၤ." အ၀ဲဒၣ်တဲဖျါ ထီၣ်၀ဲလီၤ. ကျဲမုၢ်အါဒၣ်တက့ၢ် အတၢ်အိၣ်သးတဂ့ၤဘၣ်, အိၣ်ဒီးတၢ်ပူၤဖျိ, ဒီးကျဲလၢအလဲၤဆူမုၢ်ကျိၤ၀ဲၤကွာ်ဟီၣ်က၀ီၤလၢအ
ဂၤလၢ၀့ၢ်တကူၣ်ကီၢ်ဒိၣ်တဖၣ်စ့ၢ်ကီး တၢ်ကွၢ်ထွဲအီၤနးဒိၣ်မးလီၤ. "ကျဲမုၢ်လီၤဆၢၣ်လီၤညၢၣ် အတၢ်အိၣ်သး" ဒ်အံၤကမၤဘၣ်ဒိ တၢ်ဖိတၢ်လံၤလၢအစၢ် ဖဲတၢ်ဆှၢထီၣ်ဆှၢလီၤအခါလီၤ, အဂ့ၢ်ခီပနံၣ်ဖးဒိၣ်စံး၀ဲလီၤ.

တၢ်ဂ့ၢ်ကီလၢအဂၤတခါမ့ၢ် ကဘီသန့အတၢ်အိၣ်သးလၢကဟံးထီၣ်ဖီၣ်ထီၣ်တၢ်လီၤ. လၢကီၢ်ပယီၤအပူၤ, "တၢ်ဖိတၢ်လံၤ ၉၅ မျး ကယၤဘၣ်တၢ်ဟံးထီၣ်ဖီၣ်ထီၣ်လၢ ၀့ၢ်တကူၣ်ဒီးသံၤလၣ်၀ၤကဘီသန့တဖၣ်, လၢအိၣ်သူၣ်လီၤအသးလၢ ထံကျိၤကပၤဒီဂ့ၢ်, ဒီး
တၢ်လဲၤသ့ဒၣ်ထဲလၢပီၣ်လဲၣ်ထံထီၣ်အဆၢကတီၢ် ဒီးမုၢ်ဆါခါကတီၢ်လီၤ. တၢ်ဖိတၢ်လံၤတဖၣ် တၢ်ကဘၣ်တီၣ်အီၤလၢကဘီဖိဆံး အပူၤ မ့ၢ်လၢကဘီလၢအဒိၣ်တဖၣ် ဟဲဘူးဒီးကဘီသန့တန့ၢ်အဃိ, ဒီးတၢ်၀ဲအံၤ မၤအါထီၣ်တၢ်လၢာ်ဘူၣ်လၢာ်စ့ၤလၢတၢ်ဆှၢလၢ
ကကဘီလီၤ."

KJCF မ့ၢ်မလ့ၡါခီပနံၣ်ဘျၢလီၤစ့အဒိၣ်ကတၢၢ်ခံဖျၢၣ်တဖျၢၣ် လၢအဟဲနုာ်လီၤမၤတၢ်လၢ သံၤလၣ်၀ၤ, ပိာ်ထွဲထီၣ် YTL Corpoeration လၢအဟဲသူၣ်လီၤ ဘံလၣ်မၠ့ၤစဲးဖီကဟၣ် ဖဲမုၢ်ကျိၤ၀ဲၤကွာ်ဟီၣ်က၀ီၤလီၤဆီအပူၤလီၤ.