ကံၣ်မဲ, ကီၢ်ကၠီၣ်တဲၣ် - ကညီဒီကလုာ်စၢဖှိၣ်ကရၢ ပှၤပၢၤလီၢ်ဆ့ၣ်နီၤ သုးခိၣ်ကျၢၢ်စီၤမူၤတူစ့ဖိ ဟ့ၣ်ပလီၢ်အပှၤကလုာ်ကညီဖိတ ဖၣ်လၢ ကဘၣ်ပလီၢ်အသး လၢတၢ်နုာ်လီၤတဲသကိး
ထံရူၢ်ကီၢ်သဲးအဂ့ၢ်, စး ၀ဲလၢတၢ်တဲသကိးတမ့ၢ်ထဲလၢ မၤတၢ်သ့အါဧိၤ ဘၣ်, မ့ၢ်စ့ၢ်ကီးတၢ်လီၤပျံၤ ဒိၣ်န့ၢ်ဒံးစုက၀ဲၤတၢ်ထီ ဒုၣ်ဒါလီၤ.

ကညီခိၣ်နၢ်စံး၀ဲတၢ်အံၤ လၢအလံာ်ကွဲးဟ့ၣ်ယုၢ်ဆူ တၢ်မၤလၤကပီၤကညီဒီကလုာ်မုၢ်နံၤ ပှဲၤထီၣ် (၆၉) ၀ီတ၀ီအဂီၢ်လီၤ.

အ၀ဲဒၣ်ဒုးသ့ၣ်နီၣ်ထီၣ် အပှၤကလုာ်လၢ တၢ်ပၢၢ်ဆၢ စးထီၣ်ဖဲ ၁၉၄၉ ဖဲကညီကလုာ်ဒီး အထံရူၢ်ကီၢ်သဲး တၢ်ဟူးတၢ်ဂဲၤတဖၣ် "ဘၣ်တၢ်ဆီၣ်တံၢ်မၤနၢၤ ဒီး ဘၣ်တၢ်လုၢ်သ့ၣ်ခါပတာ်
အီၤ ခီဖျိစုက၀ဲၤအတၢ်မၤ ဆူၣ်" လၢဖးစးပးလးပဒိၣ်အဖီလာ်န့ၣ်လီၤ. အ၀ဲ ဒၣ်တဲသ့ၣ်နီၣ်ထီၣ်က့ၤ၀ဲလၢ ကညီခိၣ်နၢ်အတၢ်ကျဲး စၢးလၢ ကဂဲၤလိာ်ထံရူၢ်ကီၢ်သဲးလၢတၢ်မုာ်တၢ်ခုၣ်
အကျဲ တၢ်တသ့ၣ်ညါပာ်ပနီၣ်ဘၣ်အမဲာ်ညါ, တၢ်မၤဟးဂီၤအီၤလၢတၢ်ဆီၣ်သနံး အကျဲန့ၣ်လီၤ. အဃိဒီး, အ၀ဲဒၣ်စံး, တၢ်ပၢၢ်ဆၢက့ၤတၢ်မ့ၢ် တၢ်အလိၣ် ဒ်သိးကညီဖိတဖၣ် "ကလဲၤ
ထီၣ်လဲၤထီ ဒ်ကလုာ်အဂၤအ သိး, အိၣ်ဒီးတၢ်ထဲသိးတုၤသိး ဒီး တၢ်သဘျ့ ဒီးတၢ်လဲၤထီၣ်လဲၤထီလၢအထဲသိးတုၤ သိးန့ၣ်လီၤ.

"ကညီဖိခဲလၢာ် ကဘၣ်သ့ၣ်နီၣ်တီနံ, ကဘၣ်ယူး ယီၣ်ဒီးမၤလၤကပီၤ ကညီဒီကလုာ်တၢ်ပၢၢ်ဆၢမုၢ် နံၤဒ်အံၤထီဘိ လၢကညီဖိအ တၢ်စံၣ်စိၤတဲစိၤအပူၤလီၤ." ကညီဒီကလုာ်စၢဖှိၣ်ကရၢ
ပှၤပၢၤလီၢ်ဆ့ၣ်နီၤ အလံာ်ဟ့ၣ်ယုၢ်အပူၤစံး ၀ဲလီၤ.

ကညီဒီကလုာ်စၢဖှိၣ်ကရၢ ဟ့ၣ်လီၤအသးလၢကဃုန့ၢ်ထံရူၢ်ကီၢ်သဲးတၢ်ဂ့ၢ်ကီအစၢ ခီဖျိထံရူၢ်ကီၢ်သဲးအကျဲ ဒီးကတဲသကိးတၢ်လၢ NCA အဖီလာ် "ကမ့ၢ်ကျဲလၢအြကၢး၀ဲဘၣ်၀ဲဒိၣ်
ကတၢၢ်" ဒ်သိးကတုၤထီၣ်ထီၣ်ဘးဖီတၢၣ်လၢ တၢ်ကသူၣ်ထီၣ်ဒံၣ်မိၣ်ကရဲးတ့း ဖဲ ဒရဲၣ်ကီၢ်စၢဖှိၣ်အဂီၢ်န့ၣ်လီၤ, အဂ့ၢ် ပဒိၣ်စီၤတၤဒိၣ်မူ စံးဘၣ်အ့ယၣ်၀တံၣ် တၢ်ကစီၣ်သန့လီၤ.

အ၀ဲဒၣ်စံး, "လၢကတုၤထီၣ်ထီၣ်ဘးပဖီတၢၣ်အဂီၢ်, ပကသူကျဲအဘိဘိ ဒ်ပမၤခဲအံၤအသိး လၢတၢ်ပတုာ်တၢ်ဒုးတၢ်ခးအဆၢက တီၢ် ဒီးနုာ်လီၤတဲတၢ်လၢတၢ်မုာ်တၢ်ခုၣ်တၢ်မၤကျဲအ
ပူၤလီၤ. မ့ၢ်ကျဲလၢဖးယံၤဖးထၢ, ဘၣ်ဆၣ်ပကဘၣ်လဲၤဆူညါ ဒီးမၤကဲထီၣ် အီၤ, ဒ်ပဂဲၤလိာ်တ့ၢ် လၢအစိၤတဖၣ်အစိၤန့ၣ်လီၤ."

နဲၢ်ရွဲၣ်ခိၣ်ကျၢၢ်စံး၀ဲ, NCA "မ့ၢ်ကျဲလၢအဆူၣ် ဒီးကျဲလၢအြကၢးအဘၣ်," ဒီးမ့ၢ်ခီၣ်ခါလၢအလီၢ်အိၣ်၀ဲ လၢတၢ်ကလဲၤဆူထံရူၢ်ကီၢ် သဲးတၢ်တဲသကိးအဂီၢ်, မ့ၢ်ဒၣ်လဲာ်ကမျၢၢ် ဘၣ်
ယိၣ်ဘၣ်ဘီတၢ်လၢတၢ်အံၤအဖီခိၣ်န့ၣ်လီၤ.