ဒီကလုာ်ကမံးတံာ်ဘၣ်ဃး အစှၤကတၢၢ်ပှၤမၤတၢ်ဖိ တၢ်ဘူးတၢ်လဲ ဆၢတဲာ်၀ဲဖဲမဟါတနံၤ ဒ်သိးကပာ်လီၤတနံၤ ဂီၢ်တၢ်မၤအဘူးအလဲဖဲ ၄,၈၀၀ ကၠး, တနၣ်ရံၣ် ၆၀၀ ကၠးန့ၣ်လီၤ.

တၢ်ဆၢတဲာ်၀ဲအံၤတၢ်မၤအီၤဖဲယဲၢ်ဘျီတဘျီက မံးတံာ်တၢ်အိၣ်ဖှိၣ်လၢကပာ်လီၤအစှၤကတၢၢ်တၢ်ဘူးတၢ်လဲ, လၢ တၢ်မၤအီၤမဟါတနံၤ, န့ၢ်ပၠံၣ်ဒီၣ်, ဒီးပှၤဟဲထီၣ် တၢ်အိၣ်ဖှိၣ်တဖၣ်မ့ၢ်၀ဲ ကီၢ်စၢဖှိၣ်ကိတိာ်ခိၣ်ဘၣ်ဃး ပှၤမၤတၢ်ဖိ, တၢ်နုာ်လီၤဟးထီၣ်ထံလီၢ်ကီၢ်ပူၤ ဒီးပှၤကညီနီၢ် ဂံၢ်, အူသ့စွ့ၤ ဒီးခိၣ်နၢ်ဘၣ်မူဘၣ်ဒါဒီး ခၢၣ်စးလၢပှၤမၤတၢ်ဖိ ဒီးတၢ် မၤကစၢ်တဖၣ်လီၤ.

ဖဲတၢ်အိၣ်ဖှိၣ်အပူၤ တၢ်မၤကစၢ်ယၢၤထီၣ်အ၀ဲသ့ၣ် တၢ်ကီတၢ်ခဲဒ်အမ့ၢ် လီမ့ၣ်အူတလၢတလီၢ်, တၢ်ဘၣ် ဟ့ၣ်တၢ်ဘူးတၢ်လဲလၢပှၤလၢအဟံအခွဲးအဂီၢ် ဒီးတၢ် ဘူးတၢ်လဲလၢတၢ်မၤတၢ်တလၢကွံာ်အဆၢကတီၢ်အ ဂီၢ်တဖၣ်လီၤ. တကတီၢ်ဃီ ပှၤမၤတၢ်ဖိတဲထီၣ်၀ဲတၢ် ကီတၢ်ခဲလၢဘၣ်ထွဲဒီး တၢ်ပာ်သံအစှၤကတၢၢ်တၢ်ဘူး တၢ်လဲအဂ့ၢ်တဖၣ်လီၤ.

ဒီကလုာ်ကမံးတံာ်ဘၣ်ဃး တၢ်ပာ်လီၤအစှၤကတၢၢ် ပှၤမၤတၢ်ဖိတၢ်ဘူးတၢ်လဲ ကဆဲးဆှၢထီၣ်အတၢ်ဆၢတဲာ်ဆူ ကိတိာ်ကရၢ ဒ်သိးတၢ်ကပာ်ဂၢၢ်ပာ်ကျၢၤအီၤအဂီၢ် လီၤ. တုၤမ့ၢ်တၢ်ပာ်ဂၢၢ်ပာ်ကျၢၤ အစှၤကတၢၢ်တၢ်ဘူးတၢ်လဲလၢတၢ်ဆှၢနုာ်အီၤ၀ံၤတဘျီ, တၢ်ကဟ့ၣ်ပှၤမၤတၢ်ဖိ တၢ်ဘူးတၢ်လဲ ဒ်တၢ်ပာ်ပနီၣ်အသိးလီၤ. ပှၤမၤတၢ်ဖိလၢနုာ်လီၤမၤတၢ်သီသီ ဒီးတၢ်လဲၤခီဖျိတအိၣ်ဒံးတဖၣ်, တၢ် ကဟ့ၣ်အဘူးအလဲတစှၤန့ၢ် အစှၤကတၢၢ်တၢ်ဘူးတၢ်လဲ ၅၀% ဖဲတၢ်ဆၢက တီၢ်သၢလါတီၢ်ပူၤ (တၢ်သးကညီၤအ ဆၢကတီၢ်) လၢအမၤလိသ့အသးလၢတၢ်မၤအခါလီၤ. ဖဲသၢလါတီၢ်ပူၤတၢ်သးကညီၤအဆၢကတီၢ်,

ပှၤမၤတၢ်ဖိက ဒိးန့ၢ်ဘၣ် အစှၤကတၢၢ်တၢ်ဘူးတၢ်လဲ ၇၀% မျးကယၤလီၤ.