လၢတနံၤအံၤ ထံဂုၤကီၢ်ဂၤမုၢ်နံၤ ဘၣ်ဃးတၢ်သ့ၣ်ညါနၢ်ပၢၢ် ဟီၣ်လာ်မ့ၣ်ပိၢ်အတၢ်လီၤပျံၤ အဆၢကတီၢ်, ကီၢ်ယူရပၤစၢဖှိၣ်အမီၣ် သီ ဒီးကရၢဖိထံကီၢ်တဖၣ်အမီၣ်သီ ကိးထီၣ်၀ဲကီၢ်ပယီၤပဒိၣ် ဒ်သိးကဟံးထီၣ်တၢ်ဂ့ၢ်ထီဒါ တၢ်သူဟီၣ်လာ်မ့ၣ်ပိၢ် ဒ်သိးကဒီသဒၢ ဂ့ၤထီၣ် ကမျၢၢ်လၢအအါလၢအိၣ်လၢတၢ်လီၢ်လၢ တၢ်ဒိးလီၤမ့ၣ်ပိၢ်အလီၢ် လၢကီၢ်ပယီၤပူၤန့ၣ်လီၤ.

ဒ်လံာ်ဘိးဘၣ်ရၤလီၤအတၢ်ပာ်ဖျါအသိး, "ဟီၣ်လာ် မ့ၣ်ပိၢ်တဖၣ် မၤဘၣ်ဒိဒီးမၤသံ၀ဲကမျၢၢ်အါမး လၢတၢ် ထီဒုၣ်ဒါအဟီၣ်က၀ီၤတဖၣ်လၢဟီၣ်ခိၣ်ဒီဘ့ၣ်, တုၤ လၢတၢ်ထီဒုၣ်ဒါ၀ံၤအလီၢ်ခံတၢ်ဆၢကတီၢ်ဖးယံာ်ဒၣ်လဲာ်လီၤ. အါစုအါဘျီ ဟီၣ်လာ်မ့ၣ်ပိၢ် အါဒၣ်တက့ၢ် မၤဘၣ်ဒိဘၣ်ထံးပှၤလၢတၢ်ဒီသဒၢအိၣ်စှၤကတၢၢ် ဒ်အ မ့ၢ်ဖိဒံဖိသၣ်, ကမျၢၢ်လၢအဃ့ၢ်လၢတၢ်ဒုးတၢ်ယၤဆဲး မၤသးအဃိ မ့တမ့ၢ် ပှၤမၤစံာ်ဖိလၢခိခိၣ်ဒူသ၀ီ လၢ တၢ်ဃုထၢတအိၣ် ဒီးဘၣ်မၤတၢ်လၢတၢ်လုၢ်အီၣ်ဟံၣ်ဖိ ဃီဖိအဂီၢ်တဖၣ်လီၤ. မ့ၣ်ပိၢ်ဒီးစုက၀ဲၤတၢ်အိၣ်လီၤ တဲာ်လၢတၢ်ဒုးတဖၣ် တမ့ၢ်ထဲလၢကဲတၢ်လီၤပျံၤလၢတၢ်ပူၤတၢ်ဖျဲးအဂီၢ်တကးဒံးဘၣ်, ကဲတၢ်လီၤပျံၤလၢ တၢ်အိၣ်ဆူၣ်အိၣ်ချ့အဂီၢ် ဒီးသ၀ီဖိအသးသမူအဂီၢ်, ဒီးမ့ၢ်စ့ၢ်ကီးတၢ်လၢအဒုးအိၣ်အါထီၣ် တၢ်ဖှီၣ်တၢ်ယာ် ဒီးကဲတၢ်ြတီတံာ်တာ်လၢ ပှၤဂ့ၢ်၀ီ-မုၢ်ကျိၤ၀ဲၤကွာ် တၢ်လဲၤထီၣ်လဲၤထီအဂီၢ် လၢတၢ်လီၢ်လၢမ့ၣ်ပိၢ်အိၣ်၀ဲအလီၢ်လီၤ.

လၢကီၢ်ပယီၤအပူၤ, ကီၢ်စဲၣ်ဒီးကီၢ်ဒိၣ်ခွံဘ့ၣ် လၢတဆံလွံၢ်ဘ့ၣ်အကျါ တၢ်ပာ်၀ဲလၢမ့ၢ်တၢ်လီၢ်လၢ မ့ၣ်ပိၢ်ဒီးစုက၀ဲၤတၢ်အိၣ်လီၤ တဲာ်လၢတၢ်ဒုး အိၣ်၀ဲလီၤ. တၢ်ပာ်ဖျါအသီလၢ ၂၀၁၇ စံး၀ဲတၢ်သူဟီၣ်လာ်မ့ၣ်ပိၢ်လၢ ကခၠ့ၣ်, ယိၤဒိၣ် ဒီးရၢၢ်ခၢၣ်ကီၢ်စဲၣ်တၢ်လီၢ်တ ဖၣ် မ့ၢ်တၢ်လီၤဘၣ်ယိၣ်လၢအဒိၣ်အအါန့ၣ်လီၤ.

အဃိသတးဒီး, ကီၢ်ပဒိၣ်ကဘၣ်ဟံးထီၣ်ဂ့ၢ်ဂီၢ်အူတၢ်ဂ့ၢ် ထီဒါတၢ်သူဟီၣ်လာ်မ့ၣ်ပိၢ် ဒီးပဟ့ၣ်ဂံၢ်ဟ့ၣ်ဘါကီၢ်ပယီၤဆူၣ်ဆူၣ်လၢ က ဆဲးလီၤ အီးတ၀ၢ်တၢ်အၢၣ်လီၤ Ottawa Convention လၢအြတီတၢ်သူမ့ၣ်ပိၢ်န့ၣ်လီၤ. လၢတၢ်ဆၢမုၢ်လၢ်လၢ တၢ်ကဒီသဒၢဂ့ၤ ထီၣ်က၀ီဖိကမျၢၢ်အဂီၢ် ပကိးထီၣ်ကီၢ်ပဒိၣ်ဒီးကလုာ်ဒူၣ်ခိၣ်နၢ်တဖၣ် ဒ်သိးကဆီၣ်ထွဲတၢ်ထုးထီၣ်မ့ၣ်ပိၢ်တၢ်မၤ မၤတၢ်မၤအီၤသ့အ လီၢ်လီၤ.

ကီၢ်ယူရပၤစၢဖှိၣ် ဟ့ၣ်တၢ်ဆီၣ်ထွဲအလၢအပှဲၤ လၢတၢ်ကဟ့ၣ်ဟီၣ်လာ်မ့ၣ်ပိၢ်တၢ်လီၤပျံၤအတၢ်သ့ၣ်ညါ လၢကီၢ်ဒီတဘ့ၣ် ဒီးကအိၣ်ဆၢထၢၣ်ကတီၤသးလၢ ကမၤစၢၤတၢ်ထုးထီၣ်မ့ၣ်ပိၢ်အတၢ်မၤန့ၣ်လီၤ."