ရန်ကုန်တက္ကသိုလ် အဝေးသင်ပညာရေးဌာနမှ အဝေးသင်ကျောင်းသားများသည် ၎င်းတို့၏အိမ်စာများကို ဧပြီလ ပထမအပတ်မှ စတင်ကာ အွန်လိုင်းမှတဆင့် တင်သွင်းနိုင်ကြောင်းပြောကြားခဲ့ပြီး လွန်ခဲ့သောနှစ်အနည်းကပင် အကောင်အထည်ဖော်နိုင်ရန် စီစဉ်ခဲ့ခြင်းဖြစ်ကြောင်း ပြောခဲ့သည်။

အွန်လိုင်းဖြင့်အိမ်စာများတင်သွင်းခြင်းသည် ကျောင်းနှင့်ဝေးလံသောအရပ်တွင်နေထိုင်သည့် ကျောင်းသားများအတွက်အဆင်ပြေစေရန် ရည်ရွယ်ပြီး ကျောင်းအပ်ပြီးနောက်ပိုင်း အိမ်စာရွက်များကို မရရှိသေးသည့် ကျောင်းသားများ၏ပြဿနာကိုလည်း ဖြေရှင်းပေးရန်ရည်ရွယ်သည်။

လွန်ခဲ့သောနှစ်များတွင် အဝေးသင်ကျောင်းသားများသည် အိမ်စာစာရွက်များကို ၎င်းတို့ကျောင်းအပ်ပြီးမှ၌ လက်ခံရရှိခဲ့သည်။ ၎င်းတို့အား တက္ကသိုလ်မှ ပေးထားသည့် အိမ်စာ စာရွက်များပေါ်တွင် ရေးရန်လိုအပ်သည်။

အွန်လိုင်းဖြင့် အိမ်စာများတင်ခြင်းသည် ဦးဆုံးအကြိမ်ဖြစ်ပြီး ကျောင်းသားများအနေဖြင့် လုပ်နည်းလုပ်ဟန်များအပေါ် အနည်းငယ်စိတ်လှုပ်ရှား စိုးရိမ်ဖွယ်ရာရှိသည်။

အွန်လိုင်းတွင် ဖော်ပြထားသည့်ညွှန်ကြားချက်များအပေါ်အခြေခံ၍ ကျောင်းသားများအနေဖြင့် အိမ်စာမေးခွန်းများကို ဒေါင်းလော့လုပ်ရန်လိုအပ်သည်။

၎င်းတို့ကိုယ်တိုင် လက်ရေးဖြင့်မေးခွန်းစာရွက်ပေါ်တွင် ဖြေဆိုရမည်ဖြစ်ပြီး မေးခွန်းကို စကမ်ဖတ်ကာ အီးမေးလ်နှင့် Google Drive သို့ ပေးပို့ပေးရမည်ဖြစ်သည်။ ၎င်းတို့ အဖြေလွှာများကို မတင်သွင်းမီ ဓာတ်ပုံရိုက်၍ဖြစ်စေ၊ PDF သို့ပြောင်း၍ဖြစ်စေ တင်သွင်းနိုင်သည်။

သောကြာနေ့တွင် တက္ကသိုလ်မှ ထုတ်ပြန်သည့် အချက်အလက်များအရ ကျောင်းသား ၃ ဦးလျှင် ၁ ဦးသည် ၎င်းတို့၏အိမ်စာများကို အွန်လိုင်းဖြင့် ပေးပို့ပေးခဲ့ကြောင်းဖော်ပြထားသည်။