ကီၢ်ပယီၤကီၢ်စၢဖှိၣ်တၢ်ဃုထၢခီမၡ့ၣ် Union Election Commission (UEC) ကွဲးပာ်လီၤဆိအတၢ်ရဲၣ်တၢ်ကျဲၤမိၢ်ပှၢ် (၂၀၁၉-၂၀၂၀) လၢ ၂၀၂၀ ကီၢ်ဒီတဘ့ၣ်တၢ်ဃုထၢအဂီၢ်, ဃ့တၢ်ဟ့ၣ်ကူၣ်လၢကမျၢၢ်တၢ် မၤတၢ်ကရၢ ကရိတဖၣ် civil service organizations (CSO) ဒီးထံရူၢ်ကီၢ်သဲးပၣ်တံၣ်, ဒီးမၤသကိးတၢ်ဒီးအ၀ဲသ့ၣ်လၢ တၢ်ဃုထၢ တၢ်မၤကျဲ လၢတၢ်ဃုထၢဖးဒိၣ်အဂီၢ်, အဂ့ၢ် Xinhua တၢ်ကစီၣ်ပာ်ဖျါ၀ဲ ဒ်ကီၢ်ပူၤတၢ်ကစီၣ်သန့ပာ်ဖျါ၀ဲအသိးလီၤ.

တၢ်ရဲၣ်တၢ်ကျဲၤမိၢ်ပှၢ်လၢတၢ်ကွဲးပာ်လီၤ အဆၢဒိၣ်အိၣ်၀ဲ ၁၁ ခါ, ကွၢ် ဆိကမိၣ်ဃုာ်၀ဲအပူၤကွံာ်တၢ်ဃုထၢအတၢ်ဂံၢ်ဆူၣ်ဒီးအတၢ်ဂံၢ်စၢ်, တၢ် လၢအန့ၢ်ဘျုးဒီး တၢ်ဘၣ်ကွၢ်ဆၢၣ်မဲာ်တဖၣ်လီၤ, အဂ့ၢ် ကီၢ်စၢဖှိၣ်တၢ် ဃုထၢခီမ ၡ့ၣ် ပှၤပၢၤလီၢ်ဆ့ၣ်နီၤ အူလၣ်သ့, စံးဘၣ်ကမျၢၢ်တၢ်မၤတၢ် ကရၢကရိ ဒီးထံရူၢ်ကီၢ်သဲးပၣ်တံၣ်တၢ်ထံၣ်ဖှိၣ်သကိးအတၢ်အိၣ်ဖှိၣ် ဖဲ န့ၢ်ပၠံၣ်ဒီၣ်, မုၢ်ဆၣ်အနံၤလီၤ.

အူလၣ်သ့ သဆၣ်ထီၣ်ကမျၢၢ်တၢ်မၤတၢ်ကရၢကရိတဖၣ် ဒ်သိးကဆီၣ် ထွဲမၤစၢၤတၢ်လၢ တၢ်ဃုထၢတၢ်မၤအကျဲ, ဒီးမၤသကိးတၢ်လၢတၢ် ထၢဖှိၣ်ဂၢ်ဖှိၣ် ပှၤဆွံတၢ်ဖးအမံၤသၣ်, တၢ်ဟ့ၣ်တၢ်သ့ၣ်ညါဘၣ်ဃးတၢ်ဆွံတၢ်ဖးအဂ့ၢ်, တၢ်ဟ့ၣ်ဂံၢ်ဟ့ၣ်ဘါပှၤအါဂၤကနုာ်လီၤပၣ် ဃုာ်, ဃုာ်ဒီးတၢ်ကွၢ်စူၢ်ကယာ်တၢ်ဃုထၢန့ၣ်လီၤ.