ကီၢ်ပယီၤပှၤအူတရံးမၤတၢ်ဆါကျးဖးဒိၣ် ကမိပွ့ၣ်ခီပနံၣ် ဖီၣ်လိာ်အစုဒီးကီၢ်ကၠီၣ်တဲၣ် ထိဘူၤလံၤဆူၣ်ချ့တၢ်ကွၢ်ထွဲကရူၢ်, စးထီၣ် အိးထီၣ်တၢ်ဆါဟံၣ်အသီတဖျၢၣ်, အၤယူၣ်ထံဂုၤကီၢ်ဂၤတၢ်ဆါဟံၣ် Ar Yu International Hospital, လၢ၀့ၢ်တကူၣ် ဖဲတၢ်ဃ့ထီၣ် ဆူၣ်ချ့တၢ်ကွၢ်ထွဲလၢအပတီၢ်ထီ အါထီၣ်ချ့မးအလီၢ်လီၤ.

တၢ်ဆါဟံၣ်အသီ လၢအလီၤလၢစ့အမဲရကၤဒီလၣ် ၇၀ ကကွဲၢ်, လၢကအိးထီၣ်ဖဲလါအီကူးအခၢၣ်သး, မ့ၢ်တၢ်တိာ်ကျဲၤဒ်န့ၣ်တက လုာ်အဆိကတၢၢ်တခါလၢ၀့ၢ်တကူၣ်, လၢကမိပွ့ၣ်ဒီး ထိဘူၤရံၤခံဖုလၢာ်အဂီၢ်လီၤ.

"အၤယူၣ်တၢ်ဆါဟံၣ်ကဟူးဂဲၤဒ်တၢ်ဆါဟံၣ် လၢအကူစါတၢ်ဆါအကလုာ်ကလုာ် ဘၣ်ဆၣ်ပကအိၣ်ဒီးကသံၣ်သရၣ်လၢအကူစါသးတၢ်ဆါ ဒီးထူၣ်ပျၢ်တၢ်ဆါတဖၣ်စ့ၢ်ကီး လၢ လၢကသံၣ်သရၣ်အကျါလီၤ."

ဒီးက်ထၢၣ်နွ့ၤနူၣ်၀ဲ, လၢအမ့ၢ်ပနံာ်တၢ်မၤတၢ်လဲၤထီၣ်လဲၤထီ ပှၤပၢဆှရဲၣ်ကျဲၤတၢ် လၢအၤယူၣ် ထံဂုၤကီၢ်ဂၤတၢ်ဆါဟံၣ်, စံး၀ဲလီၤ.

တၢ်မၤ၀ဲအံၤအိၣ်ထီၣ်အခါဖဲ ထံလီၢ်ကီၢ်ပူၤတၢ်အိၣ်မူပတီၢ်ဂ့ၤထီၣ်, ဒုးအိၣ်ထီၣ်တၢ်လိၣ်ဘၣ်လၢဆူၣ်ချ့တၢ်ကွၢ်ထွဲ လၢအိၣ်ဒီးအကံၢ်အ စီန့ၣ်လီၤ.

"လၢတၢ်ဃုထံသ့ၣ်ညါလၢအပူၤကွံာ်အဖီခိၣ်, ပနၢ်ပၢၢ်လၢကီၢ်ပယီၤ ထံထံဖိကီၢ်ဖိအါဒၣ်တက့ၢ် အဲၣ်ဒိးဃုအီကသံၣ်ကသီလၢ ဟီၣ်က ၀ီၤတၢ်ဆါကသံၣ်ကျး မ့တမ့ၢ် နီၢ်သဘျ့တၢ်ဟ့ၣ်ကသံၣ်ဒၢး အါန့ၢ် ဒံးကထံၣ် လိာ် ဃ့တၢ်ဟ့ၣ်ကူၣ်လၢ ကသံၣ်သရၣ်အသ့အဘၣ်လီၤ ဆီလၢတၢ်ဆါဟံၣ်ဖးဒိၣ် လၢအိၣ်ဒီးတၢ်မၤကွၢ်ပီးလီလၢခ့ခါဆၢက တီၢ်ဒံးန့ၣ်လီၤ." ဒီးက်ထၢၣ် ၀ၣ်စၢး အဲဖံၣ်၀ၣ်တနၣ်ကူ, လၢ အမ့ၢ် ပှၤပၢဆှၢတၢ်ခိၣ်ကျၢၢ်လၢ အၤ ယူၣ်ထံဂုၤကီၢ်ဂၤတၢ်ဆါဟံၣ်, စံး၀ဲလီၤ.

အခဲအံၤ, ပှၤသ့ၣ်ညါက့ၤ၀ဲအါထီၣ် လၢအ၀ဲသ့ၣ်လိၣ်ဘၣ် တၢ်မၤကွၢ်လၢအြကၢးအဘၣ်ဒီး ဘၣ်ဆၢဘၣ်ကတီၢ် ဒီးတၢ်ဘၣ်ယိၣ် အိၣ်လၢတၢ်သုးယံာ်သုးနီၢ်တၢ်ကူစါအသးလၢ တၢ်ဆါဟံၣ်န့ၣ်လီၤ. မ့ၢ်လၢတၢ်န့ၣ်အဃိ, တၢ်ဆါဟံၣ်အသီကပာ်ပျၢ်တၢ်ခးပနီၣ် ပှၤ ဆါလၢမ့တမ့ၢ် ကလဲၤဒိးကူစါအသးလၢကီၢ်ချၢန့ၣ်လီၤ.