တၢ်တိာ်ကျဲၤလၢတၢ်ကသူၣ်ထီၣ် တၢ်သ့တၢ်ဘၣ်တၢ်သိၣ်လိကၠိတဖျၢၣ် လၢတကူၣ်ကလံၤထံးကီၢ်ဆၣ်, ၀့ၢ်တကူၣ်ကီၢ်ဒိၣ်, ဘၣ်တၢ် အၢၣ်လီၤတူၢ်လိာ် ဒီးတၢ်လၢာ်ဘူၣ်လၢာ်စ့ၤလၢတၢ်တိာ်ကျဲၤအဂီၢ် တၢ်ကပၢနုာ်ဃုာ် လၢခဲမဟိ တနံၣ် စ့ဘးကၠဲးတၢ်ဃ့ထီၣ်အပူၤ, အဂ့ၢ် ကီၢ်ဒိၣ်ဘျီၣ်ဒိၣ်တဂၤ စံး၀ဲလီၤ.

အူအ့နဲၤ, လၢအကဲခၢၣ်စးလၢ တကူၣ်ကလံၤထံးအဂီၢ် လၢသဲစးဘျီၣ်ဒိၣ်လာ်ခီတတီၤ, စံး၀ဲလၢတၢ်လုၢ်အီၣ်သးသမူတၢ်သ့တၢ် ဘၣ်ကၠိ ကဟ့ၣ်ပှၤသးစၢ်လၢတၢ်သ့တၢ်ဘၣ်လၢအ၀ဲသ့ၣ်လိၣ်ဘၣ် လၢကမၤန့ၢ်တၢ်မၤလၢ ကီၢ် ဆၣ်စဲးဖီကဟၣ်ဟီၣ်က၀ီၤလွံၢ်ဘ့ၣ် အပူၤန့ၣ်လီၤ. "သးစၢ်လၢအိၣ်ဒီးတၢ်သ့တၢ်ဘၣ် ကမၤန့ၢ်တၢ်မၤအခွဲးအယာ်အါတစဲးလီၤ." အ၀ဲဒၣ်စံး. အ၀ဲဒၣ်စံးဒံး၀ဲလၢ တၢ်က သူၣ်ထီၣ်တၢ်သ့တၢ်ဘၣ်ကၠိ လၢအိၣ်သူၣ် လီၤအသး လၢ ဟီၣ်ခိၣ်လီၢ်တဆံလွံၢ်အ့ခၢၣ်အပူၤ ဖဲလီကၤကျဲ ဒီးကယူၢ်နၤကျဲသဂၢၢ်လိာ် သးအလီၢ် ဖဲကီၢ်ဆၣ် ၁၄ က၀ီၤဒ့အပူၤ, ကစးထီၣ်ဖဲနံၣ်ကတၢၢ် ဘျီၣ်ဒိၣ်မ့ၢ်အၢၣ်လီၤတူၢ်လိာ်၀ဲန့ၣ်လီၤ.

အူမၠိသ့ကၠံစံး၀ဲ, ကီၢ်ဒိၣ်ပဒိၣ်ကကွဲးပာ်လီၤတၢ်ရဲၣ်တၢ်ကျဲၤခိၣ်သ့ၣ် လၢတၢ်ကတ့ထီၣ်တၢ်မၤလိဒၢး, တၢ်သိၣ်လိအလီၢ်, ဘီဒၢၣ်, ဒီး ပှၤမၤတၢ်ဖိအိၣ်အလီၢ် လၢကၠိန့ၣ်လီၤ.

တုၤမ့ၢ်တၢ်မၤဘူၣ်လီၤဟီၣ်ခိၣ်လီၢ် ဆူတၢ်သ့တၢ်ဘၣ်ဒီးတၢ်လုၢ်အီၣ်သးသမူတၢ်သိၣ်လိ၀ဲၤကျိၤန့ၣ်ဒီး, စ့ဘးကၠဲးလၢတၢ်သူၣ်ထီၣ်အ ဂီၢ်, ကၠိသရၣ်ဒီးတၢ်သိၣ်လိပီးလီအဂီၢ် တၢ်ကဃ့ထီၣ်န့ၢ်အီၤ လၢတၢ်သူစ့နံၣ်တနံၣ် အဂီၢ်စုာ် စုာ်လီၤ.