ပှၤမၤစံာ်ဖိလၢအစံာ်လီၢ်ဟးဂီၤ ခီဖျိထံလုၢ်ဘၢတၢ်သကုၤအဃိသ့ၣ်တဖၣ်အဂီၢ် ကီၢ်ပဒိၣ်ကတီၤဘုချံ ၇၀,၀၀၀ နာ်လၢကမၤ စၢၤအ၀ဲသ့ၣ်, အဂ့ၢ် သူၣ်ဖျးခိၣ်နၢ်တဂၤ စံးဘၣ် The Myanmar Times တၢ်ကစီၣ်ဖဲမုၢ်ပျဲၤအနံၤလီၤ.

အူမၠိတ့ၣ်ထိ, လၢအမ့ၢ်ထိဘိနဲၢ်ရွဲၣ်ခံဂၤတဂၤလၢ သူၣ်ဖျး, ဘုၣ်ဖီၣ်ဒီးတၢ်ဟ့ၣ်ထံကိတိာ်, စံး၀ဲလၢအပူၤကွံာ်ခံလါတီၢ်ပူၤ, စံာ်လီၢ် လၢအ့ခၢၣ်လၢအကလီၢ်တဖၣ် ဘၣ်တၢ်မၤဟးဂီၤခီဖျိ ထံလုၢ်ဘၢတၢ်လီၤ.

"ကိတိာ်ကဟ့ၣ်လီၤပှမၤစံာ်ဖိတဖၣ်အဘုချံ ဒ်သိးကသူၣ်က ဒါက့ၤအ၀ဲသ့ၣ်အဘု, ဒီးမၤစၢၤအ၀ဲသ့ၣ်စ့ၢ်ကီးလၢတၢ်ထဲၣ် စံာ်လီၤ."

"အ၀ဲသ့ၣ်မ့ၢ်သူၣ်ကဒါက့ၤ၀ဲဒီး အ၀ဲသ့ၣ်လူၤတၢ်ဆၢကတီၢ်ချုး လီၤ. အ၀ဲသ့ၣ်မ့ၢ်သူၣ်၀ဲလၢအချံဒီး, ကလိၣ်၀ဲတၢ်ဆၢကတီၢ် ဖုၣ်ကိာ်လၢဘုကဘၣ်ကူး, စံးလၢအသီ ၉၀ အတီၢ်ပူၤ, အဃိ ဒီးဘုဟးထီၣ်ကဂ့ၤထဲသိးဒီး အညီနုၢ်လီၤ." အူမၠိတ့ၣ်ထိ စံးက ဒီး၀ဲလီၤ.

တၢ်သူၣ်တၢ်ဖျးကိတိာ်စံး၀ဲလၢ, ဖဲလါယူၤလံ ၂၇, စံာ်လီၢ် ၀.၇ ကကွဲၢ်အ့ခၢၣ်လၢကီၢ်ဒီတဘ့ၣ် ထံလုၢ်ဘၢအီၤ, လၢအကျါ ၃၀၀,၀၀၀ အ့ခၢၣ်ဟးဂီၤကွံာ်၀ဲလီၤ. အခဲအံၤပှၤမၤစံာ်ဖိတနီၤ လၢတၢ်စူၤခါဘုလၢအဟးဂီၤအလီၢ်
သူၣ်ကဒါက့ၤ၀ဲနံၣ်သိ, ဒီးအ ဂၤတနီၤနီၤကသူၣ်၀ဲပဲ ဒီးတၢ်လၢအဂၤလီၤ. အဂ့ၢ် အူမၠိတ့ၣ်ထိစံး၀ဲလီၤ.