တၢ်အုၣ်ကီၤလၢတၢ်ဘုၣ်တၢ်ဖီၣ်အဂီၢ် တၢ်ကစးထီၣ်မၤလၢနံၣ်ကတၢၢ်

...

တၢ်အုၣ်ကီၤလၢတၢ်ဘုၣ်တၢ်ဖီၣ်အဂီၢ် တၢ်ကစးထီၣ်မၤလၢနံၣ်ကတၢၢ်

Myanmar Times, 16 Aug 2018

URL: https://www.mmtimes.com/news/livestock-insurance-be-launched-year-end.html
ကီၢ်ပယီၤကစးထီၣ်မၤ တၢ်အုၣ်ကီၤဖီလ်စံၣ်လၢကပၣ်ဃုာ် တၢ်ဘုၣ်တၢ်ဖီၣ်တၢ်အုၣ်ကီၤ အဆိကတၢၢ်တဘျီလၢအနံၣ် ၃၀ အတီၢ် ပူၤလီၤ. "ပတယာ်လၢ တၢ်ကစးထီၣ်မၤတၢ်ဘုၣ် တၢ်ဖီၣ်အတၢ်အုၣ်ကီၤ ဖဲနံၣ်ကတၢၢ်အံၤလီၤ."

ဒီၢ်စဲၤဒၤအူ, လၢအမ့ၢ်ပှၤရဲၣ်ကျဲၤ နဲၣ်တၢ်လၢ ကီၢ်ပယီၤတၢ်အုၣ်ကီၤတၢ်မၤ Myanma Insurance, စံးဘၣ် The Myanmar Times တၢ် ကစီၣ်လီၤ.

ထံကီၢ်ပၢ ကီၢ်ပယီၤတၢ်အုၣ်ကီၤတၢ်မၤ, တၢ်ဘုၣ်ဆၣ်ဖိကီၢ်ဖိဒီး တၢ်ကွၢ်ထွဲဆၣ်ဖိကီဖိတၢ်အိၣ်ဆူၣ်အိၣ်ချ့၀ဲၤကျိၤ လၢသူၣ်ဖျး, ဘုၣ်ဖီၣ် ဒီးတၢ်ဟ့ၣ်ထံကိတိာ်အဖီလာ်, ကီၢ်စံၣ်ကဖိအိၣ်သူၣ်လီၤသး InfoCorp Technologies ဒီးကီၢ်ပယီၤ RGK+Z&A Group မၤသကိးတၢ် ဒ်သိးကစးထီၣ်တၢ်မၤကွၢ်တၢ်တိာ်ကျဲၤလၢ ဘုၣ်ဖီၣ်တၢ်အုၣ်ကီၤတၢ်မၤ, လၢစ့တၢးကဆီၣ်ထွဲ၀ဲန့ၣ်လီၤ.

တၢ်အုၣ်ကီၤတၢ်မၤ တၢ်မၤအီၤအကျဲ ကပၣ်ဃုာ်၀ဲတၢ်ဆဲးလီၤမံၤသၣ် တၢ်ဘုၣ်တၢ်ဖီၣ် လၢကစူးကါ၀ဲ InfoCorp Technologies စဲးဖီကဟၣ်တၢ်သ့တၢ်ဘၣ်လၢ ကကွၢ်နီၣ်မၤဃါဆၣ်ဖိကီၢ်ဖိ လၢတၢ် မၤတံာ်တာ်တန့ၢ်ဘၣ်လီၤ.

တၢ်၀ဲအံၤပၣ်ဃုာ်၀ဲ တၢ်သွီလီၤဒံးကၠံး တၢၣ်အက့ digital chip လၢဆၣ်ဖိကီၢ်ဖိအပူၤန့ၣ်လီၤ, အဂ့ၢ် အူစ့ၤ ယၤမီၤ, လၢအမ့ၢ်ပှၤပၢဆှၢရဲၣ်ကျဲၤတၢ်ခိၣ်ကျၢၢ်လၢ RGK+Z&A Group စံး၀ဲလီၤ.

တၢ်ဆဲးလီၤမံၤသၣ်အလဲလၢကျီၢ်တဒုအဖီခိၣ် တၢ်တယာ်၀ဲမ့ၢ် US$2 လီၤ. ဆၣ်ဖိကီၢ်ဖိအလုၢ်အပှ့ၤအဖီခိၣ် ၁ တမျးကယၤဃၣ် ဃၣ်လီၤ.

အခဲအံၤ, ကီၢ်ပယီၤတၢ်အုၣ်ကီၤတၢ်မၤ ကွဲးပာ်လီၤဘုၣ်ဖီၣ်တၢ်မၤ တၢ်အုၣ်ကီၤဖီလ်စံၣ် လၢအပၣ်ဃုာ် တၢ်မ့ၢ်သံ မ့တမ့ၢ် တၢ်ဆူးတၢ်ဆါ မ့ဘၣ် တၢ်ကဘၣ်ဟ့ၣ်ကၣ်တၢ်လုၢ်တၢ်ပှ့ၤဒ်လဲၣ်အဂ့ၢ်လီၤ. ဖီလ်စံၣ်တၢ်ဟ့ၣ်ကၣ်ကအိၣ်ဒ်လဲၣ် တၢ်ကဘၣ်ဘိးဘၣ်သ့ၣ်ညါဒံးလီၤ.

လၢပဒိၣ်နီၣ်ဂံၢ်စရီအဖီခိၣ်, လၢကီၢ်ပယီၤအပူၤ ကျီၢ်နီၣ်ဂံၢ်အဒုအိၣ်၀ဲ ၁၁.၅ ကကွဲၢ်ဒုလီၤ.