သဲစးဘျီၣ်ဒိၣ်ထးခီ အၢၣ်လီၤတူၢ်လိာ်ပဒိၣ်တၢ်ရဲၣ်တၢ်ကျဲၤ လၢ ကဟ့ၣ်လီမ့ၣ်အူလၢခိခိၣ်ဒူသ၀ီတၢ်လီၢ်အဂီၢ်, ကသူ၀ဲစ့ယူၤရိၤ ၃ က ကွဲၢ်လၢကီၢ်အံၣ်တလံၣ်ဟ့ၣ်လီၤမၤစၢၤ၀ဲ, အဂ့ၢ် အူလၣ်ကၠီၣ်, လၢအ မ့ၢ်ကိတိာ်ခိၣ် ခံဂၤတဂၤ ကိတိာ်ဘၣ်ဃးတၢ်သူၣ်တၢ်ဖျး, တၢ်ဘုၣ်တၢ် ဖီၣ် ဒီးတၢ်ဟ့ၣ်ထံ, စံး၀ဲလၢအတၢ်ကတိၤလီၤတၢ်လၢထံကီၢ်ဘျီၣ်ဒိၣ် အပူၤ, ဖဲလါအီကူး ၁၃ သီလီၤ.

ကိတိာ်ကဟ့ၣ်လီၤ စိလၣ်ဘ့ၣ်ဘၣ်လၢ ပှၤအါဂၤပှ့ၤန့ၢ် ခီဖျိတၢ်ရဲၣ်တၢ်ကျဲၤအံၤန့ၣ်လီၤ. ကျဲအိၣ်၀ဲဒၣ်ခံကလုာ်လီၤ. အဆိကတၢၢ် တကလုာ်မ့ၢ် စိလၣ်ဘ့ၣ်ဘၣ်လၢနီၢ်တဂၤအဂီၢ် လၢတၢ်ထီထီၣ်အီၤလၢဟံၣ်တဖျၢၣ်စုာ်စုာ် မ့တ မ့ၢ် တၢ်သူၣ်ထီၣ်တဖျၢၣ်စုာ်စုာ်သ့ လီၤ. ကျဲခံကလုာ်တကလုာ်မ့ၢ်စိလၣ်ဘ့ၣ်ဘၣ်လိလီၤသးဒီပၣ် လၢ ကဟ့ၣ်လီမ့ၣ်အူလၢဟံၣ်အါဖျၢၣ်အဂီၢ် မ့တမ့ၢ် လၢသ၀ီဒီတဖျၢၣ်အ ဂီၢ်လီၤ.

နီၢ်တဂၤဂီၢ်စိလၣ်ဘ့ၣ်ဘၣ် ကလီၤဆီလိာ်သးလၢအဂံၢ်အဘါ ဒီးအ ပှ့ၤကလံၤလီၤ. အဆံးကတၢၢ်မ့ၢ်အဂံၢ်အိၣ် 30w ဒီးအပှ့ၤလီၤ လၢ ၂၂၀,၀၀၀ ကၠးလီၤ. ဟံၣ်ကစၢ်ဘၣ်ဟ့ၣ် ၁၉,၀၀၀ ကၠးလၢတၢ်ဖိတၢ် လံၤအဂီၢ်,

ဒီးအဂၤလၢအိၣ်တ့ၢ် ပဒိၣ်ကဟ့ၣ်န့ၢ်၀ဲခီဖျိတၢ် ရဲၣ်တၢ်ကျဲၤအံၤန့ၣ်လီၤ. ဒ်န့ၣ်အသိး, စိလၣ်ဘ့ၣ်ဘၣ်လၢအဂံၢ်အိၣ် 60w, အပှ့ၤလီၤလၢ ၂၇၀,၀၀၀ ကၠး, ဒီးဟံၣ်ကစၢ်ဘၣ်ဟ့ၣ် ၅၀,၀၀၀ ကၠး, ဒီးလၢလီၢ်ခံကတၢၢ် စိလၣ်ဘ့ၣ် ဘၣ်လၢအဂံၢ်အိၣ် 100w အပှ့ၤလီၤလၢ ၃၇၀,၀၀၀ ကၠး, ဒီးဟံၣ်ကစၢ်ဘၣ်ဟ့ၣ်၀ဲ ၁၅၀,၀၀၀ ကၠးလီၤ.

လၢစိလၣ်ဘ့ၣ်ဘၣ်လိလီၤအသးဒီတပၣ်အဂီၢ်, ပှၤဘျၢလီၤစ့ကထၢ၀ဲလီမ့ၣ်အူအလဲ လၢတၢ်ဆၢကတီၢ်တကတီၢ်အဂီၢ် ဒ်အအၢၣ် လီၤဒီးသ၀ီဖိအသိး, လၢန့ၣ်၀ံၤအလီၢ်ခံသ၀ီဖိတဖၣ် ကပၢဘၣ်စိလၣ်ဘ့ၣ် ဘၣ်လိ လီၤအသးခဲလၢာ်န့ၣ်လီၤ, အဂ့ၢ် အူလၣ်ကၠီၤ စံး ၀ဲလီၤ. စိလၣ်ဘ့ၣ်ဘၣ်လိလီၤသးဒီကမျၢၢ် အဒိၣ်အထီထဲလဲၣ် မ့တမ့ၢ် အပှ့ၤကလံၤအိၣ်ထဲလဲၣ် တၢ်တသ့ၣ်ညါဘၣ်အီၤတဘျီဃီ ဒံးဘၣ်.

ခိခိၣ်ဒူသ၀ီတၢ်လဲၤထီၣ်လဲၤထီ၀ဲၤကျိၤ ကရဲၣ်ကျဲၤမၤထွဲ၀ဲတၢ်ရဲၣ်တၢ်ကျဲၤအံၤ ဒ်အလီၤပလိာ်ဒီးတၢ်အၢၣ်လီၤလၢ ပှၤဘျၢလီၤစ့ ဒီးဟီၣ်က၀ီၤကမျၢၢ်အဘၢၣ်စၢၤန့ၣ်လီၤ.