ပှၤဖီၣ်ခီထရဲးလၢအဒိးန့ၢ်လံာ်တၢ်ပျဲခဲလၢာ် ၄၁ ဖု, ဒုးအိၣ်ထီၣ်ကမျၢၢ်ခီပနံၣ်အဆိတကၢၢ်တခါလၢ မီၣ်လ်မၠဲၣ်, မိၣ်ကီၢ်စဲၣ်, အိၣ်ဒီး စ့မိၢ်ပှၢ်တၢ်ပာ်ဖှိၣ်သကိး K6 billion ကၠးလီၤ.

တၢ်ဒုးအိၣ်ထီၣ်ကမျၢၢ်ခီပနံၣ်အမူး လၢမိၣ်ကီၢ်စဲၣ်တၢ်လဲၤထီၣ်လဲၤထီအဂီၢ်, တၢ်မၤအီၤဖဲတၢ်စူၤစ့ဟိၣ်ထဲလ် Silver Rain Hotel မီၣ်လ်မၠဲၣ်, လါစဲးပထ့ဘၢၣ် ၉ သီလီၤ.

"အဆိကတၢၢ် ပကကွၢ်ဆိကမိၣ်တၢ်မၤအါဒၣ်တက့ၢ်လၢ တၢ်သူၣ်ထီၣ်ဘှီထီၣ်တပၤ မ့ၢ်လၢပှၤနုာ်လီၤပာ်ဖှိၣ်သကိးစ့အါဒၣ်တ က့ၢ် အတၢ်လဲၤခီဖျိအိၣ်လၢတၢ်သူၣ်ထီၣ်ဘှီထီၣ်တၢ်မၤတပၤအဃိလီၤ. ဒ်ပမ့ၢ်ကမျၢၢ်ခီပနံၣ်အသိး,

ပကမၤသကိးတၢ်တပူၤဃီ ဒ် သိးပကဘှါၡဲတၢ်ဂ့ၢ်ကီတမံၤဂ့ၤတမံၤဂ့ၤ ဖဲပမၤတၢ်သူၣ်ထီၣ်ဘှီထီၣ်တၢ်မၤအခါလီၤ. ဒ်ခီပနံၣ်ပှၤပၢၤလီၢ်ဆ့ၣ်နီၤအသိး, ယက မၤအဂ့ၤကတၢၢ် လၢပခီပနံၣ်တၢ်ကဲထီၣ်လိၣ်ထီၣ်အဂီၢ်လီၤ." ပှၤပၢၤလီၢ်ဆ့ၣ်နီၤ အီၣ်မိကၠီၣ် စံး၀ဲလီၤ.

"ပှၤဖီၣ်ၡဲၤယၤအဂၤ ၄၀ ဘျဲၣ်ပၢနုာ်သကိး၀ဲစ့ ၆ ဘ့ၣ်လယၢၢ်ကၠးလီၤ. ပစးထီၣ်ဒီးကမျၢၢ်ခီပနံၣ်လီၤ. လၢခံပကစးထီၣ်ပၢနုာ်သ ကိးစ့ လၢတၢ်သ့ၣ်ညါအါထီၣ်အဂီၢ်လီၤ. မ့ၢ်လၢပအိၣ်ဒီးကီၢ်ဆၣ်ခၢၣ်စးတဖၣ်အဃိ,

ပကဒုးသ့ၣ်ညါကီၢ်ဆၣ်အဘ့ၣ်တဆံခဲလၢာ် ဘၣ်ဃးတၢ်ဂ့ၢ်အံၤလီၤ. ၡဲၤယၤတခါလီၤလၢစ့ ၁၀,၀၀၀ ကၠးလီၤ. လၢၡဲၤယၤအခါ ၁၀ အဂီၢ်, စ့ကလီၤလၢ ၁၀၀,၀၀၀ ကၠး လီၤ. တုၤမ့ၢ်ပဒိးန့ၢ် တၢ်ဆဲးလီၤခီပနံၣ်မံၤ၀ံၤဒီး, ပကစးထီၣ်ဆါန့ၢ် ကမျၢၢ် ပၡဲၤယၤတဖၣ်လီၤ. တုၤနုၤတစု, ပခီပနံၣ်ကဒိၣ်ထီၣ် လီၤ."

ပှၤဖီၣ်ၡဲယၤ ၄၁ ဂၤစုာ်စုာ် ဟ့ၣ်လီၤ၀ဲစ့ ၃ ကကွဲၢ်ကၠး ဒီး ၅၀၀ ကကွဲၢ်ကၠးအဘၢၣ်စၢၤ လၢတၢ်ဒုးအိၣ်ထီၣ်ကမျၢၢ်ခီပနံၣ်တဖျၢၣ် အဂီၢ်လီၤ. တၢ်ဆီလီၤပာ်လီၤခီပနံၣ်တၢ်မၤ ဘၣ်တၢ်ရဲၣ်ကျဲၤမၤအီၤလၢ Myanmar Licensed Contractors Federation လီၤ.