ဘီးကီး - ကီၢ်ပယီၤပဒိၣ်စံး, အ၀ဲဒၣ်တပာ်ဒ့ၣ်ပာ်ကမၣ် ကညီဒီကလုာ်စၢဖှိၣ်ကရၢ လၢဒီကလုာ်တၢ်မုာ်တၢ်ခုၣ်အ တၢ်လဲၤကျဲကတာ်ထီအသးအဃိ ဖဲကလုာ်ဒူၣ်ဖီၣ်စုက ၀ဲၤကရူၢ် အပူၤကွံာ်အတၢ်ဆၢတဲာ်လၢ ကဆိ ကတီၢ်ပာ် တၢ်တဲသကိးတၢ် တစိၢ်တလီၢ်၀ံၤအလီၢ်ခံလီၤ.

"ပတပာ်ဒ့ၣ်ပာ်ကမၣ်ပှၤနီတဂၤလၢ ဘၣ်ဃးတၢ်မုာ်တၢ် ခုၣ်တၢ်လဲၤကျဲအတၢ်အိၣ်သး လၢအမၤအသးခဲအံၤန့ၣ် ဘၣ်. မ့ၢ်ဒၣ်တၢ်မုၢ်ဆ့ၣ်မုၢ်ဂီၤမၤအသးလီၤ." ပဒိၣ်ပှၤက တိၤတၢ်ပၢ အူစီၤထ့စံး၀ဲ ဘၣ်ဃးကညီဒီကလုာ် စၢဖှိၣ်က ရၢအတၢ်ဟူးအဂ့ၢ်လီၤ.

"ပမၤနၢၤကွံာ်တၢ်တာ်တၢ်ဒ်န့ၣ်အသိးသ့ မ့ၢ်လၢဘူးထီၣ် လံလၢပကမၤနၢၤ တၢ်ဂ့ၢ်ကီအဒိၣ်အဒိၣ်ဘၣ်ဃးတၢ်မုာ် တၢ်ခုၣ်အဂ့ၢ်အဃိလီၤ." အ၀ဲဒၣ်စံး၀ဲဖဲတၢ်ထံၣ်လိာ်ဒီးတၢ် ကစီၣ်သန့ ဖဲန့ၢ်ပၠံၣ်ဒီၣ် မုၢ်ဆၣ်အနံၤလီၤ.

ပှၤကတိၤတၢ်ပၢ သဆၣ်ထီၣ်ကလုာ်ဒူၣ်ဖီၣ်စုက၀ဲၤကရူၢ်သ့ၣ်တဖၣ်လၢ ကကတိၤတၢ်ပျီပျီဒီးပဒိၣ် ဒီးသုး ဒ်သိးအ၀ဲ သ့ၣ်ကမၤစၢၤလိာ်အသးကဒဲကဒဲကသ့အဂီၢ်လီၤ.

လၢလံာ်လၢအကွဲးဟ့ၣ်ယုၢ် ထံကီၢ်ပှၤကူၣ်လိာ်တၢ် ဒီၢ်အီၣ်ဆါစူးကၠံၣ် လၢအမ့ၢ်စ့ၢ်ကီး ဒီကလုာ်တၢ်ဃူလိာ်ဖိးလိာ် က့ၤဒီးတၢ်မုာ်တၢ်ခုၣ်၀ဲၤလီၢ်ပှၤပၢၤလီၢ်ဆ့ၣ်နီၤ, မုၢ်ဘူၣ်အနံၤ, ကညီဒီကလုာ်စၢဖှိၣ်ကရၢစံး၀ဲလၢ အ၀ဲ ဒၣ်ကပတုာ် ပာ်တၢ်တဲသကိးတၢ်ဒီးပဒိၣ်ဒီးသုးတစိၢ်တလီၢ် ဒ်သိးကပျဲတၢ်ဆၢကတီၢ်လၢ ကကူၣ်လိာ်သးဒီးအကရၢဖိ ဘၣ်ဃး တၢ်မုာ်တၢ်ခုၣ်တၢ်လဲၤကျဲ အတၢ်အိၣ်သးလၢခ့ခါခဲအံၤအဂီၢ်လီၤ.

အူစီၤထ့စံး၀ဲ အ၀ဲဒၣ်မုၢ်လၢ်လၢ တၢ်တဲသကိးဘျဲးဘျဲးဘျီးဘျီၣ်လၢကညီဒီကလုာ်စၢဖှိၣ်ကရၢအကျါ ကမၤစၢၤဒီက လုာ်တၢ်မုာ်တၢ်ခုၣ်တၢ်လဲၤကျဲကလဲၤသးဆူညါ မ့ၢ်လၢအ၀ဲဒၣ်ထံၣ်လၢ အပူၤကွံာ်တချုးတၢ်ဆဲး တၢ်ပတုာ်တၢ်ဒုး တၢ်ခးအတၢ်အၢၣ်လီၤ တၢ်ဖုၣ်ထံၣ်ဖုၣ်ထီအိၣ်လၢကရၢပူၤဘၣ်ဆၣ် အ၀ဲသ့ၣ်မၤနၢၤကွံာ်၀ဲန့ၢ်အဃိလီၤ.

"အဃိဒီး, ပနာ်န့ၢ်အီၣ်ကညီဒီကလုာ်စၢဖှိၣ်ကရၢအလၢအပှဲၤလၢ ကမၤနၢၤတၢ်တာ်တၢ်၀ဲအံၤ ဘၣ်ဃးထံရူၢ်ကီၢ် သဲးတၢ်တဲန့ၣ်လီၤ." အ၀ဲဒၣ်စံး.

ကညီဒီကလုာ်စၢဖှိၣ်ကရၢ ပှၤပၢၤလီၢ်ဆ့ၣ်နီၤခံဂၤတဂၤ, ပဒိၣ်ကွဲၤထူ၀့ စံးဘၣ်အ့ယၣ်၀တံၣ်တၢ်ကစီၣ်ဖဲမုၢ်ယူၤအနံၤလၢ ကရၢ ဟ့ၣ်လီၤအသးဒံးဒၣ်တၢ်လၢ ကမၤန့ၢ်တၢ်မုာ်တၢ်ခုၣ်လၢအဂၢၢ်အကျၢၤ ခီဖျိတၢ်တဲသကိး တၢ်လၢ ထံကီၢ်ဒီဘ့ၣ်တၢ်ပတုာ်တၢ်ဒုး တၢ်ခးအတၢ်အၢၣ်လီၤအဖီခိၣ်န့ၣ်လီၤ.

ဘၣ်ဆၣ်အ၀ဲဒၣ်အၢၣ်လီၤ၀ဲ, လၢကလုာ်ဒူၣ်ဖီၣ်စုက၀ဲၤကရၢ, ပဒိၣ် ဒီးသုးအတၢ်ထံၣ်လိာ်အသး ဖဲတၢ်မုာ်တၢ်ခုၣ်တၢ်အိၣ်ဖှိၣ်ဖး ဒိၣ်ဖဲန့ၢ်ပၠံၣ်ဒီၣ်တလါအံၤအခီၣ်ထံးအပူၤ တၢ်တမၤန့ၢ်တၢ်အၢၣ်လီၤနီတမံၤလၢအ ၀ဲသ့ၣ်အကျါ ဘၣ်ဃးသုးအတၢ်ဃ့လၢကရူၢ် ဖီၣ်စုက၀ဲၤကရူၢ်တဖၣ် ကညိကွံာ်တၢ်ထုးဖးသး ဒီးကအၢၣ်လီၤတၢ်ပာ်ထဲသုးမုၢ်ထဲတဖုဧိၤ,ဘၣ်ဆၣ်အ၀ဲသ့ၣ်အၢၣ်လီၤသကိး၀ဲ လၢတၢ်ဆၢကတီၢ်တဂၢၢ်တကျၢၤအဖီခိၣ် လၢကထံၣ်လိာ်တဲသကိးတၢ်ဆူညါကဒီးအဂီၢ်လီၤ.

ပဒိၣ်ကွဲၤထူ၀့စံး၀ဲလၢ ကညီဒီကလုာ်စၢဖှိၣ်ကရၢကရၢဖိတဖၣ် ကဘၣ်မၤန့ၢ် "တၢ်နၢ်ပၢၢတမံၤဃီ" လီၤ. မ့ၢ်လၢကရၢမၤတၢ်လၢ ဒံၣ်မိၣ်ကရ့ၣ်စံၣ်သနူအဖီခိၣ် ဒီးတၢ်ထံၣ်အိၣ်အါမံၤအါကလုာ်အဃိဒီး, အ၀ဲဒၣ်စံး, "အခီပညီတမ့ၢ်လၢ ပလီၤဖးဘၣ်."

အ၀ဲဒၣ်စံး၀ဲ, ကညီဒီကလုာ်စၢဖှိၣ်ကရၢ ကကူၣ်လိာ်အသးလၢအကရၢဖိကဒဲကဒဲအကျါ ဘၣ်ဃး NCA တၢ်အၢၣ်လီၤအဂ့ၢ်, လၢ တၢ်အိၣ်သးတၢ်ဆီတလဲအိၣ်ထီၣ် လၢတၢ်မၤထွဲထီၣ်အီၤအဖီခိၣ်,

ဒီးတၢ်တဲသကိးတၢ်အကျဲအတၢ်ဆီလီၤပာ်လီၤ အတၢ်အိၣ်သး လၢအခဲအံၤအဖီခိၣ်န့ၣ်လီၤ. ဘၣ်ဆၣ်, အ၀ဲဒၣ်တမုၢ်လၢ်၀ဲလၢ တၢ်ကူၣ်လိာ်သးကယံာ်တလၢကဲၢ်ဆိးဘၣ်.

အူစီၤထ့စံး၀ဲ, ပဒိၣ်စ့ၢ်ကီးအဲၣ်ဒိးမၤထွဲတၢ်လဲၤကျဲဒ် NCA ပာ်လီၤ၀ဲအသိး, လီၤဆီဒၣ်တၢ်လၢအခဲအံၤ အ၀ဲသ့ၣ်မၤထွဲတၢ်လဲၤ ကျဲ န့ၢ်တတ၀ာ်ဃၣ်ဃၣ်လံအဃိလီၤ.

ပဒိၣ်, သုး ဒီးကလုာ်ဒူၣ်ဖီၣ်စုက၀ဲၤကရၢတဖၣ် အၢၣ်လီၤသကိးလံ၀ဲလၢ ကကွၢ်ကဒါက့ၤ တၢ်တဲသကိးကျဲအတၢ်ဆီလီၤပာ်လီၤ လၢအိၣ်ပာ်အခဲအံၤ ဒ်သိးကရၢအဂၤတဖၣ်နုာ်လီၤပၣ်ဃုာ်ကသ့အဂီၢ်လီၤ.

ကလုာ်ဒူၣ်ဖီၣ်စုက၀ဲၤကရၢတဖၣ် ရဲၣ်ကျဲၤစ့ၢ်ကီး၀ဲလၢကထံၣ်လိာ်အသးဒီး ပဒိၣ်ဒီးထံရူၢ်ကီၢ်သဲးပၣ်တံၣ် လၢအမ့ၢ်ခၢၣ်စးလၢကီၢ် စၢဖှိၣ်, ကီၢ်ဒိၣ်, ဒီးကီၢ်စဲၣ်ဘျီၣ်ဒိၣ်သ့ၣ်တဖၣ် ဒ်သိးကတၢၣ်ပီၣ်သကိး တၢ်တဲသကိး အကျဲ, ဖဲတနွံအံၤကတၢၢ်, ၀့ၢ်တကူၣ်န့ၣ်လီၤ.