မိၣ်ကီၢ်စဲၣ်ပဒိၣ် ြကၢးမၤစၢၤပှၤမၤအံသၣ်လၢမိၣ်ကီၢ်စဲၣ် ဒ်သိးကမၤန့ၢ်စ့ဒုးလိၢ်လၢစ့တၢး ဒ်သိးအ၀ဲသ့ၣ်တၢ်မၤကဂၢၢ်ကြကၢးအ ဂီၢ်, အဂ့ၢ် မ့တ့ၤ၀့မီၣ် (နဲၣ်ဟူၣ်) လၢအမ့ၢ်မိၣ်ကီၢ်စဲၣ်ပှၤမၤအံသၣ်ကရၢ ကရၢဖိတဂၤလၢ ဖါငၣ်, သၣ်ဖၠူၣ်စယၣ်ကီၢ်ဆၣ်စံး၀ဲလီၤ.

"ပဒိၣ်တလိၣ်ထုးထီၣ်ဟ့ၣ်စ့ဒုးလိၢ်ဘၣ်. လၢအလီၢ်, အ၀ဲသ့ၣ်ြကၢးဟ့ၣ်လီၤ တၢ်ကတိၤဆီၣ်ထွဲလၢစ့တၢး ဒ်သိးကဒုးလိၢ်စ့ဆူပှၤ မၤအံသၣ်, ဒ်အလီၤပလိာ်ဒီးစ့တၢးအတၢ်ဘျၢအသိးန့ၣ်လီၤ. ပှၤမၤအံသၣ်ဖိ ကဘၣ်ဆှၢထီၣ် လံာ်ဒိနီၣ်ဂံၢ် (၇) ကဘၣ်စံး၀ဲလၢ မ့ၢ်အ၀ဲသ့ၣ်တၢ် လၢကမၤန့ၢ်စ့ဒုးလိၢ်အဂီၢ်လီၤ. ၀ံၤဒီး, အ၀ဲသ့ၣ်ကန့ၢ်ဘၣ်စ့တၢးတၢ်ဆီၣ်ထွဲ လၢအ၀ဲသ့ၣ်ပနံာ်တၢ်မၤအဂီၢ်လီၤ." နဲၣ်ဟူစံးဘၣ် မိၣ်တၢ်ကစီၣ်သန့လီၤ.

ဖဲအမ့ၢ်တၢ်ဖိတၢ်လံၤလၢ ပှၤအီၣ်တၢ်ဖိတဖၣ်လိၣ်ဘၣ်၀ဲ, ဒီးသိပှ့ၤဒီးပှၤမၤတၢ်ဖိအလဲအါထီၣ်အဆၢကတီၢ်, အခဲအံၤအံသၣ်တ ပီၣ်အစှၤကတၢၢ်အပှ့ၤအိၣ်၀ဲ ၁၀၀ ကၠးလီၤ, အ၀ဲဒၣ်စံး.ဘၣ်ဆၣ်, ပဒိၣ်အဖီလ်စံၣ်တအိၣ် နီတမံၤလၢ ကဒုးလိၢ်စ့လၢအံသၣ်တၢ်မၤအဂီၢ်, ဒ်အမ့ၢ်ပဒိၣ်ဟံးန့ၢ်စ့လၢစ့တၢးအိၣ် ဒီးဒုးလိၢ်က ဒါ၀ဲဆူပှၤမၤအံသၣ်ဖိ တၢ်ဒ်န့ၣ်အသိးတဖၣ်, အဂ့ၢ်ဒီးက်ထၢၣ် မ့ကၠံၤ၀့, လၢအမ့ၢ်န့ဆၢၣ်ဂံၢ်ထံးကံၢ်စီ ဒီးတၢ်ကွၢ်ထွဲကတီၤခိၣ် ဃၢၤန့ဆၢၣ်ကိတိာ်ခိၣ် စံး၀ဲလီၤ.

"စ့တၢးဒုးလိၢ်စ့ ဒ်အတၢ်ဘျၢဒီးတၢ်သိၣ်တၢ်သီအသိးလီၤ. ပှၤပတံထီၣ်တၢ်ဖိ မ့ၢ်ဆှၢထီၣ်အ၀ဲသ့ၣ်စ့ဒုးလိၢ်အလံာ်ဒိလၢအကမူးက မၣ်တအိၣ်န့ၣ်ဒီး, အ၀ဲသ့ၣ်ကန့ၢ်ဘၣ်စ့ဒုးလိၢ်န့ၣ်လီၤ. မ့ၢ်တၢ်လီၤဆီလၢပဒိၣ် ကဘၣ်ဟံးမူဒါလၢ တၢ်ဒုးလိၢ်စ့အဂီၢ်လီၤ. ပဒိၣ်အ ဖီလ်စံၣ်လီၤဆီဒီးစ့တၢးလီၤ. မ့ၢ်လၢစ့ဒုးလိၢ် ဘၣ်ဃးထဲလၢပှၤဟံးလိၢ်စ့ဒီးစ့တၢးအဘၢၣ်စၢၤအဃိဒီး, ပဒိၣ်အမူအဒါတအိၣ်နီတ မံၤဘၣ်. ပဒိၣ်အဖီလ်စံၣ်တအိၣ်စ့ၢ်ကီးလၢ ကဘၣ်ဟံးန့ၢ်စ့လၢစ့တၢး ဒီးဒုးလိၢ်ကဒါ၀ဲဆူပှၤမၤပနံာ်တၢ်မၤဖိဘၣ်." ဒီးက်ထၢၣ် မ့ကၠံ၀့ စံးဘၣ်မိၣ်တၢ်ကစီၣ်သန့လီၤ.

သနာ်က့, ပဒိၣ်ကဒုးသ့ၣ်ညါ ကိတိာ်အဂၤလၢအဘၣ်ထွဲတဖၣ် ဒ်သိးကမၤစၢၤပနံာ်တၢ်မၤဖိလၢ တအိၣ်ဒီးလံာ်က့လဲၢ်က့တဖၣ် ဒ်သိးကမၤန့ၢ်လံာ်ဒိနီၣ်ဂံၢ် (၇) အဂီၢ်လီၤ. ဒ်န့ၣ်အသိး, ပဒိၣ်ကမၤစၢၤစ့ၢ်ကီး ပှၤမၤတၢ်သူၣ်တၢ်ဖျးကစၢ် လၢအမၤန့ၢ်လံာ်ဒိနီၣ် ဂံၢ် (၇) ဒီးအဲၣ်ဒိးဆီတလဲက့ၤတၢ်အခွဲး ဆူတၢ်မၤလၢအဂၤတဖၣ်လီၤ, ကိတိာ်ခိၣ်စံး၀ဲလီၤ.

အံသၣ်တၢ်မၤလၢမိၣ်ကီၢ်စဲၣ် တၢ်လီၢ်အလဲၢ်အိၣ်ဘူးကထီၣ်ဘး ၃,၀၀၀ အ့ခၢၣ် လၢသၣ်ဖၠူၣ်စယၣ်, ယ့, ဒီးပီၣ်ကီၢ်ဆၣ် ဒီးထုးထီၣ် အံသၣ်တနံၣ် ၃၀,၀၀၀၀ မဲၢ်ထရံၣ်တၣ်လီၤ.