ကီၢ်ပယီၤထံဖိကီၢ်ဖိတဖၣ် အခဲအံၤလဲၤအိၣ်သကိးကီၢ်ကၠီၣ်တဲၣ်သ့ သူ၀ဲတၢ်ဘံၣ်တၢ်ဘၢလံာ်ပိာ်ကျဲ လၢတၢ်မၤသီ ထီၣ်အီၤ ခီဖျိ ကီးသီကျဲ, အဂ့ၢ် တၢ်နုာ်လီၤဟးထီၣ်ထံလီၢ်ကီၢ်ပူၤ၀ဲၤကျိၤ စံး၀ဲလီၤ.

၀ဲၤကျိၤစးထီၣ်ထုးထီၣ်ဟ့ၣ်လီၤ ကီၢ်ဆၢလံာ်ပိာ်ကျဲ ဖဲလါဒံၣ်စ့ဘၢၣ် ၈ သီ, လၢပှၤလၢအဲၣ်ဒိးလဲၤအိၣ်သကိး ရနီကီၢ်ရ့ၣ် လၢကီၢ် ကၠီၣ်တဲၣ်, သ့ၣ်တဖၣ်အဂီၢ်လီၤ. ကီၢ်ဆၢလံာ်ပိာ်ကျဲအကျိၤအကွာ် တၢ်မၤစဲဘူးဒီး server လၢန့ၢ်ပၠံၣ်ဒီၣ် ဒီးပဒိၣ်သ့ၣ်ညါ၀ဲတဘျီ ဃီ ဖဲပှၤလၢအမံၤအိၣ်လၢလံာ်သူပူၤတဖၣ် blancklist ပၣ်ဃုာ်၀ဲန့ၣ်လီၤ.

"လၢအပူၤကွံာ် ပမၤလၢာ်ဂီၤတၢ်ဆၢကတီၢ်လၢ ပကကွဲးဒိထံဖိကီၢ်ဖိလံာ်အုၣ်သးခးဒီးစဲပနီၣ်အီၤလၢ ၀ဲၤဒၢးတၢ်စဲပနီၣ်လီၤ. အခဲ အံၤပှၤတတီတလိၤသ့ၣ်တဖၣ်အိၣ်၀ဲ ဒီးတဘျီတခီၣ်အ၀ဲသ့ၣ်ဖၢနုၤ ပှၤအဂၤတဂၤ လၢအ၀ဲသ့ၣ်အလီၢ်လီၤ. ပှၤလၢအမၤပှဲၤအ ၀ဲသ့ၣ်အလီၢ် မ့မ့ၢ်ဘၣ်ဖုးပှၤလၢအမံၤအိၣ်လၢလံာ်သူစရီပူၤဒီး ကမ့ၢ်တၢ်လီၤပျံၤလၢထံကီၢ်အဂီၢ်လီၤ. ပမ့ၢ်သူစဲးဖီကဟၣ်ကျဲ၀ဲ အံၤဒီး, ပတလိၣ်ဘၣ်ယိၣ်လၢၤတၢ်လၢ တၢ်ဘံၣ်တၢ်ဘၢအဂီၢ်ဘၣ်. ကမ့ၢ်တၢ်အဘျုး မ့ၢ်လၢပဆဲးကွၢ်လၢန့ၢ်ပၠံၣ်ဒီၣ်သ့ ဒီးဖဲအံၤသ့ စ့ၢ်ကီးအဃိန့ၣ်လီၤ. တၢ်အကျိၤအကျဲ၀ဲအံၤ တၢ်စးထီၣ်သူအီၤလၢ မူၤစဲၤ, မၠၣ်၀တံၣ်, ဒီးတၣ်ခၠံၣ်လ့းတဖၣ်လီၤ. ပှၤမၤတၢ်သ့တ ဖၣ်ကလဲၤဆူ မၠ့း, မီၤတီ, ဒီးထံခံြတဲၤလၢဒ၀ဲၢ်လီၤ. တၢ်အဂၤ တၢ်တဆီတလဲဘၣ်, ထဲလၢတၢ်အကျိၤအကွာ်ကဆီတလဲလီၤ." ကိၣ်ကိၣ်, လၢအမ့ၢ်ပှၤမၤစၢၤပှၤနဲၣ်တၢ် ဒီးကီၢ်ဆၢဟီၣ်က၀ီၤပှၤကွၢ်ထွဲတၢ် လၢတၢ်နုာ်လီၤဟးထီၣ်ထံလီၢ်ကီၢ်ပူၤကိတိာ် စံး၀ဲ လီၤ.

ပှၤလဲၤတၢ်ဖိလၢအစိာ် ကီၢ်ဆၢလံာ်တၢ်ပျဲတစိၢ်တလီၢ် တၢ်ပျဲ အ၀ဲသ့ၣ်အိၣ်ဃုနၤဒီးနွံနံၤလၢတၢ်လဲၤတဘျီအဖီခိၣ်, ဒီးပှၤလၢအ စိာ်ကီၢ်ဆၢလံာ်တၢ်ပျဲတဖၣ် တၢ်ပျဲအ၀ဲသ့ၣ် တဆံသၢ နၤဒီး တဆံလွံၢ်နံၤလီၤ.

"လၢအပူၤကွံာ် ကီးသီဟီၣ်က၀ီၤကမျၢၢ်တဖၣ် ကဘၣ်အုၣ်ကီၤတၢ်လၢအ၀ဲသ့ၣ်အဂီၢ်လီၤ. ပှၤတမှံၤမ့ၢ်တက့ၤဘၣ်ဒီး အ၀ဲသ့ၣ် ဘၣ်ၡဲတၢ်ဂ့ၢ်လီၤ. အခဲအံၤ အ၀ဲသ့ၣ်ဘၣ်ဒုးနဲၣ်အခးဒီး တၢ်ပျဲအ၀ဲသ့ၣ်ခီကီၢ်ဆၢလီၤ. ထဲလၢပှၤလၢကီးသီတဖၣ်ဧိၤ တၢ်ဟ့ၣ်အ၀ဲ သ့ၣ်လံာ်တၢ်ပျဲခီကီၢ်ဆၢလီၤ. မ့မ့ၢ်ပှၤလၢ ကီၢ်ရ့ၣ်လၢအဂၤတဖၣ် အ၀ဲသ့ၣ်ကဘၣ်စိာ်၀ဲလံာ်ခီကီၢ်ဆၢ တစိၢ်တလီၢ်လီၤ." ကီးသီ ဟီၣ်က၀ီၤကမျၢၢ်တဂၤစံး၀ဲလီၤ.

ပှၤလၢအစိာ်လံာ်ခီကီၢ်ဆၢတဖၣ် လဲၤအိၣ်သကိး၀ဲသ့ထဲကီၢ် ကၠီၣ်တဲၣ် ဒီးတၢ်တိာ်ပာ်၀ဲလၢ ပှၤလၢအဲၣ်ဒိးမၤတၢ်လၢကီၢ်ကၠီၣ်တဲၣ် ပူၤသ့ၣ်တဖၣ်အဂီၢ်ဘၣ်.