ကီၢ်ယပၣ်ထုးထီၣ်တၢ်သိၣ်တၢ်သီလၢ ကကိးပှၤမၤတၢ်ဖိ လၢတၢ်မၤလၢအနးဖဲ လါဒံၣ်စ့ဘၢၣ် ၈ သီလီၤ.

ကီၢ်ယပၣ် ထုးထီၣ်တၢ်သိၣ်တၢ်သီ၀ဲအံၤ ဒ်သိးကဘှါၡဲပှၤမၤတၢ်ဖိကၤ တၢ်ဂ့ၢ်ကီအဂီၢ်လီၤ. တချုးလၢတၢ်မၤထွဲတၢ်သိၣ်တၢ်သီ၀ဲ အံၤဒံးဘၣ်, ကီၢ်ပယီၤဆှၢပာ်အပှၤမၤတၢ်ဖိဆူကီၢ်ယပၣ်လီၤ.

ကီၢ်ယပၣ်ဟ့ၣ်လီၤအသးလၢ ကကိးအါထီၣ်ကီၢ်ပယီၤပှၤမၤတၢ်ဖိ လၢတၢ်ထုးထီၣ်တၢ်ဖိတၢ်လံၤ ဒီးတၢ်သူၣ်တၢ်ဖျးတၢ်မၤသနၢၣ် တဖၣ်လီၤ. ဖဲလါအ့ြဖ့ၣ်, ကီၢ်ပယီၤဒီးကီၢ်ယပၣ် ဆဲးစုမုၢ်ကျၢၢ် တၢ်နၢ်ပၢၢ်အတၢ်အၢၣ်လီၤ ဒ်သိးကဆှၢလီၤပှၤကထီၣ်တၢ်သိၣ်လိ ဘၣ်ဃး တၢ်သ့တၢ်ဘၣ်ကျဲတဖၣ်အဂီၢ်လီၤ.

၀့ၡ့ၤ, ပှၤမၤတၢ်ဖိ၀ဲၤကျိၤ ပှၤနဲၣ်တၢ်ခိၣ်ကျၢၢ် စံး၀ဲ, "ကီၢ်ယပၣ်ဟ့ၣ်လီၤအသးလၢ ကကိးကီၢ်ပယီၤပှၤမၤတၢ်ဖိ ဒ်သိးကမၤတၢ် လၢတၢ်ကွၢ်ထွဲပှၤသးပှၢ်အလီၢ်တဖၣ်လီၤ. ပကျဲးစၢးမၤတၢ် ဒ်သိးကဆှၢလီၤ ပှၤမၤတၢ်ဖိဆူကီၢ်ယပၣ်အဂီၢ်လီၤ. ကရၢဃုန့ၢ်တၢ် မၤတဖၣ် တၢ်ပျဲအ၀ဲသ့ၣ်လၢကဆှၢနုာ် လံာ်တၢ်လိၣ်ဘၣ်ပှၤမၤတၢ်ဖိလီၤ."

ကီၢ်ယပၣ်အတၢ်ရဲၣ်တၢ်ကျဲၤအိၣ်လၢ ကကိးကီၢ်ချၢပှၤမၤတၢ်ဖိ ၃၀၀,၀၀၀ ဘျဲၣ် လၢတၢ်သူၣ်ထီၣ်ဘှီထီၣ်တၢ်မၤ, တၢ်ထုးထီၣ်တၢ် အီၣ်တၢ်အီ, တၢ်မၤန့ၢ်တၢ်တၢ်မၤ, တၢ်ကွၢ်ထွဲပှၤဆါ ဒီးတၢ်မၤသနၢၣ်လၢအဂၤတဖၣ်, လၢယဲၢ်နံၣ်အတီၢ်ပူၤလီၤ.

ကီၢ်ပယီၤပှၤမၤတၢ်ဖိလၢ အဲၣ်ဒိးမၤတၢ်လၢကီၢ်ယပၣ်တဖၣ် ကဘၣ်ဖျိ၀ဲယပၣ်ကျိာ်တၢ်ဒိးစဲး N4 ပတီၢ်လီၤ.