Huawei, လၢအမ့ၢ် ဟီၣ်ခိၣ်ချၢခီပနံၣ်အဒိၣ်လၢအဟ့ၣ်ထီၣ် ICT တၢ်သူၣ်လီၤ ဆီလီၤ ဒီး smart devices တဖၣ် ဒီး Rectors' Committee
လၢဘၣ်တၢ်ဆီၣ်ထွဲအီၤလၢ တၢ်ကူၣ်ဘၣ်ကူၣ် သ့ ကိတိာ် ဆဲးတၢ်နၢ်ပၢၢ်အတၢ်အၢၣ်လီၤ Memorandum of Understanding (MoU) လၢ တၢ်ဂ့ၢ်
တၢ်ကျိၤဒီးတၢ်ဆဲးကျိးစဲးဖီကဟၣ်တၢ်သ့တၢ်ဘၣ် တၤလၣ် တၢ်လဲၤထီၣ်လဲၤထီအတၢ်ရဲၣ် တၢ်ကျဲၤ ICT Talent Development Program အဂီၢ်,
ဒ်သိးကဆီၣ်ထွဲတၢ်ဖံးတၢ်မၤလၢ ကမၤလၢပှဲၤတၢ်လိၣ်ဘၣ် တၤလၣ်လၢ ထံကီၢ် ICT တၢ်မၤသနၢၣ်အဂီၢ်, ဒ်အလီၤပလိာ်ဒီး တၢ်မုၢ်လၢၢ်ကွၢ်စိလၢကသူၣ်ထီၣ်
ကီၢ်ပယီၤကမ့ၢ်ထံကီၢ်လၢ အိၣ်ဒီးဒံးကၠံးထၢၣ် တၢ်ဆဲးကျိးအလၢအပှဲၤအဂီၢ်လီၤ.

တၢ်ဆဲးစုမုၢ်ကျၢၢ်တၢ်နၢ်ပၢၢ်အတၢ်အၢၣ်လီၤ တၢ်မၤအီၤဖဲ Melia Hotel Yangon, လါဒံၣ်စ့ဘၢၣ် ၂၉ သီ, ၂၀၁၈, ဒီး Huawei Myanmar
CEO Mr. Zhang Liman ဒီး ဒီးက်ထၢၣ်စီၤ၀ဲစိ, လၢအမ့ၢ် Rectors' Committee ပှၤပၢၤလီၢ်ဆ့ၣ်နီၤတဖၣ်, မ့ၢ် ခၢၣ်စးလၢအ၀ဲသ့ၣ်တၢ်
ကရၢကရိစုာ်စုာ်အဂီၢ်လီၤ.

လၢသၢနံၣ်အတီၢ်ပူၤ ICT Talent Development Program MoU တၢ်အၢၣ်လီၤအဖီလာ်, တၢ်မၤသကိးတၢ်အသနၢၣ်အိၣ် ဃုခါ လၢအပၣ်
ဃုာ် တၢ်ဒုးအိၣ်ထီၣ် ICT Diploma Course System, တၢ်မၤစၢၤ Seeds for the Future" တၢ်ရဲဲၣ်တၢ်ကျဲၤ, တၢ်ဒုး အိၣ်ထီၣ် Huawai
Authorized Information and Network Academy (HAINA), တၢ်ဟ့ၣ်လီၤဖၠၣ်စိမိၤကၠိဖိလၢအဖျဲးကတၢၢ် စ့တၢ်ဆီၣ်ထွဲလၢကမၤလိ
ICT Talent Scholarship, ဒီးတၢ်ဟ့ၣ်တၢ်ဆီၣ်ထွဲလၢ စဲအ့ၣ်တၢ်ဃုသ့ၣ်ညါ ဘၣ်ထွဲ ICT အဂ့ၢ်, ဒီးတၢ် ကရၢကရိ Youth Open Day
မုၢ်နံၤဖဲ Huawei Customer Solution Innovation & Integration Center (CSIC) န့ၣ်လီၤ.

ဖဲ ၂၀၁၄, Huawei ဒီးကီၢ်ပယီၤစဲအ့ၣ်ဒီးစဲးဖီကဟၣ်တၢ်သ့တၢ်ဘၣ်ကိတိာ် (ခဲအံၤဘၣ်တၢ်ပာ်ဖှီၣ်က့ၤအီၤဒီး တၢ်ကူၣ်ဘၣ်ကူၣ်သ့ ကိတိာ်) ဆဲး
စုမုၢ်ကျၢၢ် "ICT Talent Development MOU" န့ၣ်လီၤ. စးထီၣ်လၢန့ၣ်လံၤလံၤ, Huawei "ICT Talent Develop ment Program"
မၤစၢၤတ့ၢ်ကီၢ်ပယီၤလၢဒုးအိၣ်ထီၣ် ICT တၢ်သ့တၢ်ဘၣ်လၢတၢ်လိၣ်ဘၣ်အါ လၢကျဲအါဘိလီၤ. လၢအပူၤကွံာ် လွံၢ်နံၣ်အတီၢ်ပူၤ, Huawei သိၣ်လိ ICT
တၢ်သ့တၢ်ဘၣ်ကၠိဖိ ၁,၅၀၀ ဘျဲၣ် လၢကီၢ်ပယီၤအဂီၢ်လီၤ. "ICT talent Development MOU" အသီ၀ဲအံၤ, မ့ၢ်တၢ်မၤဂ့ၤထီၣ် တၢ်အလီၢ်လံၤ
တခါလၢအပူၤကွံာ်န့ၣ်လီၤ.

Mr. Zhang Lima, လၢအမ့ၢ် Huawei Myanmar CEO ပှၤပၢဆှၢတၢ်ခိၣ်ကျၢၢ်, စံး၀ဲ, "တၢ်ဂ့ၢ်တၢ်ကျိၤ စဲးဖီကဟၣ်တၢ်သ့ၣ်တၢ် ဘၣ် အခဲအံၤဆီ
တလဲ တၢ်အိၣ်မူသနၢၣ်ကိးကပၤဒဲးလီၤ. ကီၢ်ပယီၤအခဲအံၤ နုာ်လီၤလံ တၢ်သ့ၣ်ညါနၢ်ပၢၢ်အတ၀ၢ ပာ်ဖျါထီၣ် တၢ်ခဲလၢာ်လၢသ့ၣ်ညါတၢ်, တၢ်ခဲလၢာ်စဲ
ဘူးလိာ်အသး, တၢ်ခဲလၢာ်သ့ၣ်ညါနၢ်ပၢၢ်တၢ်လီၤ. တၢ်သ့ၣ်တဖၣ်ခဲလၢာ်အံၤ မၤလီၤဖး အသးဒီး ICT တၢ်သ့တၢ်ဘၣ်တၢ်ဆီၣ်ထွဲ လၢနီၣ်ဂံၢ်အါဒီး အကံၢ်
အစီထီၣ်ဘး, တသ့ဘၣ်. လၢအခဲအံၤ ကီၢ်ပယီၤလိၣ်ဘၣ်ဒံး, ICT ပှၤသ့ပှၤဘၣ် ၂၀၀,၀၀၀ ဘျဲၣ်, ဒီးပတယာ်လၢဆူညါ ၂၀၂၅ ကီၢ်ပယီၤကအိၣ်
ဒီး ICT ပှၤသ့ပှၤဘၣ်လၢအမၤတၢ် ၁.၃ ကကွဲၢ်လီၤ. ပကွဲမုာ်အါထီၣ်တၢ်ကရၢကရိ ဒီးနီၢ်တဂၤပှၤကညီ လၢကဟံးလိာ်စုဒီးပှၤ ဒ်သိးကဆဲး
မၤအါထီၣ်တၢ်အလုၢ်အပှ့ၤ ဘၣ်ဃး တၢ်မၤဂ့ၤထီၣ်ကီၢ်ပယီၤပှၤကညီဂံၢ်ထံးကံၢ်စီအဂီၢ်, မၤလၢပှဲၤပမူပဒါလၢ တၢ်ဆီၣ်ထွဲ ကီၢ်ပယီၤမုၢ်ကျိၤ၀ဲၤကွာ်ဒီးပှၤဂ့ၢ်၀ီ
တၢ်လဲၤထီၣ်လဲၤထီ လၢအတူၢ်ယံာ်တူၢ်ထၢအဂီၢ်န့ၣ်တက့ၢ်."

ဖဲတၢ်ဆဲးတၢ်အၢၣ်လီၤအမူးအဆၢကတီၢ်, Huawei ဘိးဘၣ်သ့ၣ်ညါစ့ၢ်ကီး၀ဲ အတၢ်သးအိၣ်လၢ ကဆီၣ်ထွဲအါထီၣ်ဆူညါ ဒီးမၤ စၢၤဒုးအိၣ်ထီၣ်
Huawei Authorized Information and Network Academy (HAINA) တၢ်ရဲၣ်တၢ်ကျဲၤခံဘျီတဘျီလၢကီၢ်ပ ယီၤ လၢအပၣ်ဃုာ်
cloud and storage resources, ဖဲ University of Computer Studies, Yangon (UCSY) န့ၣ်လီၤ. Huawei ကဟ့ၣ်ထီၣ်
တၢ်သိၣ်လိလံာ်လၢအဘၣ်ထွဲ above cloud and storage, hardware, software, TTT (Train the Trainer) တၢ်သိၣ်လိ,
ဒီးတၢ်ဆီၣ်ထွဲအတၢ်လိၣ်လၢအဂၤတဖၣ် လၢတၢ်ကဆီလီၤပာ်လီၤ HAINA အဂီၢ်လီၤ.

အါန့ၢ်အန့ၣ်, Huawei ဃုထၢစ့ၢ်ကီး ကၠိဖိလၢအဖၠဲးခဲလၢာ် ၅၀ ဂၤ လၢစဲးဖီကဟၣ် ဖၠၣ်စိမိၤတဖၣ်, ဒီးခီၣ်ဖၠူထၢၣ်ဖၠၣ်စိမိၤတဖၣ် လၢထံကီၢ်ဒီတဘ့ၣ်
လၢတနံၣ်အံၤ, အိၣ်ဒီးတၢ်ဆဲးကျိးမၤသကိးတၢ်လၢ တၢ်ကူၣ်ဘၣ်ကူၣ်သ့ကိတိာ်လီၤ. ကၠိဖိတဂၤစုာ်စုာ်ဒိးန့ၢ် $1,000 ဒ်အမ့ၢ်စ့တၢ်ဆီၣ်ထွဲလၢ
အ၀ဲသ့ၣ်တၢ်မၤလိအဂီၢ်လီၤ. စ့့တၢ်ဆီၣ်ထွဲလၢ Huawei ICT Talent Scholarships လၢကၠိဖိ လၢဘၣ်တၢ်ဃုာ်ထၢအီၤအဂီၢ်, တၢ်ဟ့ၣ်
လီၤအီၤဖဲတၢ်အမူးလၢ၀့ၢ်တကူၣ်လီၤ. စးထီၣ် ၂၀၁၄ တုၤမုၢ်မဆါတနံၤအံၤ, တၢ်ရဲၣ် တၢ်ကျဲၤဟ့ၣ်လီၤလံ စ့တၢ်ဆီၣ်ထွဲလၢတၢ်မၤလိတၢ်အဂီၢ် ဆူကၠိဖိ
၁၅၀ ဂၤ လၢဖၠၣ်စိမိၤကၠိ ၆၂ ဖျၢၣ်လီၤ.