ကယါကီၢ်စဲၣ်တၢ်ဘျၢလီၤစ့ကမံးတံာ် အၢၣ်လီၤဟ့ၣ်တၢ်ပျဲ တၢ်ဃ့ထီၣ်ဘၣ်ဃးတၢ်ဘျၢလီၤစ့ခဲလၢာ် ၁၁ ခါ, ဖဲတၢ် အိၣ်ဖှိၣ်လၢတၢ်မၤအီၤဖဲ
လါဒံၣ်စ့ဘၢၣ်က တၢၢ်န့ၣ်လီၤ.

လၢတၢ်စးထီၣ်ဒုးအိၣ်ထီၣ် ကမံးတံာ်လံၤလံၤ, ကယါကီၢ်စဲၣ်ဒိးန့ၢ်တၢ်ဘျၢလီၤစ့ ၁၁ ခါ, တၢ်ဘျၢလီၤစ့လီၤလၢခဲ လၢာ် အမဲရကၤဒီလၣ် ၃
ကကွဲၢ် ဒီးစ့ပယီၤ ၁၂ ဘ့လယၢၢ်ကၠး, ဒိးအိၣ်ထီၣ်န့ၢ်တၢ်မၤ ၄၄၀ လၢကီၢ်ပူၤကမျၢၢ်အဂီၢ် လီၤ.

တၢ်ဘျၢလီၤစ့သ့ၣ်တဖၣ်ပၣ်ဃုာ်၀ဲ, တၢ်ကွၢ်တၢ်ဂီၤမူ အလီၢ်တၢ်တိာ်ကျဲၤတခါ, တၢ်အိၣ်ကသုၣ်အိၣ်ကသီ အလီၢ် တၢ်တိာ်ကျဲၤတခါ,
တၢ်သူၣ်တၢ်ဖျးတၢ်တိာ် ကျဲၤတခါ, ဟိၣ်ထဲလ်တၢ်တိာ်ကျဲၤတခါ, ဒီးတၢ်ခူၣ် လၢၢ်တၢ်တိာ်ကျဲၤတခါ လီၤ.

ကယါကီၢ်စဲၣ်တၢ်ဘျၢလီၤစ့ကမံးတံာ် တၢ်ဒုးအိၣ်ထီၣ် အီၤ ဖဲလါမ့ၤ ၂၀၁၇, ဒီးတၢ်အိၣ်ဖှိၣ်သကိးလၢတၢ် ဘျၢလီၤစ့အဂီၢ် တၢ်မၤအီၤလၢတၢ်သ့ၣ်
ညါပာ်ပနီၣ်အ ကျဲဖဲလါမ့ၤ ၂၆, ၂၀၁၈ လီၤ. တၢ်အိၣ်ဖှိၣ်သကိးလၢတၢ်ဘျၢလီၤစ့အ ဂီၢ်, ဒိးန့ၢ်တၢ်ဘျၢလီၤစ့တၢ်ဃ့ထီၣ်အခီၣ်ထံး ၁၀ ခါ,
ဖဲတၢ်သူၣ်စ့နံၣ်ခီဃီၤအဆိကတၢၢ်တ၀ာ်, ဒီးတၢ်ဘျၢလီၤစ့အ သီတခါကဒီးဖဲ တၢ်သူၣ်စ့နံၣ်ခီဃီၤ လၢခံတ၀ာ်အတီၢ်ပူၤလီၤ.

"ဖဲ ၂၀၁၇ ကယါကီၢ်စဲၣ် တဒိးန့ၢ်တၢ်ဘျၢလီၤစ့တၢ်ဃ့ထီၣ်နီတခါဘၣ်. ဘၣ်ဆၣ်, ဖဲ ၂၀၁၈ ကတၢၢ်, ကီၢ်စဲၣ်ဒိးန့ၢ် တၢ်ဘျၢလီၤစ့တၢ်ဃ့ထီၣ်
တခါကဒီး ဒီးခဲလၢာ်ပာ်ဖှိၣ်တၢ်ဘျၢလီၤစ့အိၣ်၀ဲ ၁၁ ခါလီၤ. သနာ်က့, တၢ်၀ဲအံၤမ့ၢ် တၢ်ပ နီၣ်အဂ့ၤတခါ လၢကယါကီၢ်စဲၣ်အဂီၢ်လီၤ."
အူအီၣ်နဲၣ်အူ, လၢအမ့ၢ် တၢ်ဘျၢလီၤစ့ဒီးခီပနံၣ်တၢ်ပၢဆှၢရဲၣ်ကျဲၤ ၀ဲၤ ကျိၤ, ပှၤနဲၣ်တၢ်ခိၣ်ကျၢၢ် စံး၀ဲလီၤ.

ပှၤဘျၢလီၤစ့တဖၣ် အါဒၣ်တက့ၢ်သးစဲ၀ဲတၢ်မၤလၢ တၢ်သူၣ်တၢ်ဖျး, ဟိၣ်ထဲလ် ဒီးတမှံၤတၢ်ဟဲဟး, ဒီးတၢ်ခူၣ်စၢၢ် ထးလၢကယါကီၢ်စဲၣ်ပူၤလီၤ.
လၢတၢ်မၤသနၢၣ်ကျါလၢ တၢ်မုၢ်လၢ်အိၣ်ဒိၣ်ကတၢၢ်မ့ၢ်၀ဲ, ဟိၣ်ထဲလ်ဒီးတမှံၤတၢ်ဟဲ ဟးတၢ်မၤသနၢၣ်, လၢခါဆူညါတၢ်ဘျၢလီၤစ့အဂီၢ်လီၤ, အဂ့ၢ်
တၢ်ဘျၢလီၤစ့ကမံးတံာ် တၢ်ပာ်ဖျါ, စံး၀ဲလီၤ.