၀့ၢ်တကူၣ် - ကီၢ်စၢဖှိၣ်သဲစးဘျီၣ်ဒိၣ် ပှၤတ့တၢ်သိၣ်တၢ်သီဘူးထီၣ် ၆၇ မျး ကယၤ ဟ့ၣ်၀ဲတၢ်ဖးဖဲမုၢ်ပျဲၤနံၤဂီၤခီ ဒ်သိးကဒုးအိၣ်ထီၣ် ကမံးတံာ်
တဖု လၢကကွဲးဘှီဘၣ် ကီၢ်ပယီၤဂံၢ်ခီၣ်ထံၣ်တၢ်ဘျၢသဲစး လၢတဖိးမံဒီးဒံၣ်မိၣ် ကရ့ၣ်စံၣ်တၢ်ဘျၢ, အဂီၢ်လီၤ.

သဲစးဘျီၣ်ဒိၣ်အၢၣ်လီၤတူၢ်လိာ် တၢ်ဒုးအိၣ်ထီၣ်ကမံးတံာ် တၢ်ဖး လၢအဘၣ်အသး ၄၁၄ တၢ်ဖး, တၢ်ဖးလၢအထီဒါ၀ဲ ၁၉၁ တၢ်ဖး,
ဒီးတၢ်ဖးလၢ ဟးဆှဲးဟ့ၣ်တၢ်ဖး ၆ တၢ်ဖးလီၤ. တၢ်ဟ့ၣ်တၢ်ဖး တၢ် မၤအီၤလၢတၢ်ခူ သူၣ်သနာ်က့, ခၢၣ်စးလၢအထီဒါတၢ်ဟူးတၢ်ဂဲၤ ၃၁
မျးကယၤ ကမ့ၢ်သုးခၢၣ်စးလၢ ဘၣ်တၢ်ပာ်ထီၣ်လၢသုးမုၢ်ခိၣ် ကျၢၢ်, လၢအိၣ်ဒီးလီၢ်ဆ့ၣ်နီၤ ၂၅ မျးကယၤလၢဘျီၣ်ဒိၣ်အပူၤ, ဒီး သုးဆီၣ်ထွဲ
ကီၢ်စၢဖှိၣ်တၢ်ဃူတၢ်ဖိးဒီးတၢ်လဲၤထီၣ်လဲၤထီပၣ်တံၣ် Union Solidarity and Development Party (USDP), လၢ အိၣ်ဒီးလီၢ်ဆ့ၣ်နီၤ
၅ မျးကယၤလၢဘျီၣ်ဒိၣ်အပူၤ, သ့ၣ်တဖၣ်လီၤ.

ဖဲတၢ်ဟ့ၣ်တၢ်ဖး၀ံၤအလီၢ်ခံ, ဘျီၣ်ဒိၣ်ပှၤပၢၤလီၢ်ဆ့ၣ်နီၤ တံၤခိၤမၠၣ် ဘိးဘၣ်သ့ၣ်ညါ၀ဲလၢ ကမံာ်တံာ်ပှၤပၢၤလီၢ်ဆ့ၣ်နီၤကမ့ၢ်၀ဲ ဘျီၣ် ဒိၣ်ပှၤပၢၤလီၢ်ဆ့ၣ်နီၤခံဂၤတဂၤ
အူထိထိဟ့, ကမံးတံာ်ကဘၣ်တၢ်ကရၢထီၣ်အီၤလၢ ပှၤတ့တၢ်သိၣ်တၢ်သီနီၣ်ဂံၢ်ပှဲၤသိးသိးလၢ ဘျီၣ်ဒိၣ်လာ်ခီဒီးထးခီခံခါလၢာ်, ဒီးပၣ်ဃုာ်
သုးခၢၣ်စးဒီး ခၢၣ်စးသဘျ့ဖိတဖၣ်လီၤ.

ဂံၢ်ခီၣ်ထံးတၢ်ဘျၢသဲစး လၢဘၣ်တၢ်ကွဲးပာ်လီၤလၢ အခါဖဲန့ၣ်သုးပဒိၣ် ဖဲ ၂၀၀၈, ဘၣ်တၢ်ပဲာ်အၢပဲာ်သီ ဒ်အမ့ၢ်တဖိးမံဒီးဒံၣ်မိၣ်က ရ့ၣ်စံၣ်
သနူအသိးလီၤ. တၢ်ဘျၢသဲစး ပာ်လီၤဆီဘျီၣ်ဒိၣ်လီၢ်ဆ့ၣ်နီၤ ၂၅ မျးကယၤ, လၢဟီၣ်က၀ီၤဒီးဒီကလုာ်ပတီၢ်ခံခါလၢာ်, လၢ သုးအဂီၢ်,
ဒီးဟ့ၣ်သုးမုၢ်ခိၣ်ကျၢၢ် တၢ်စိတၢ်ကမီၤလၢကပာ်ထီၣ် တၢ်ဒီသဒၢကိတိာ်ခိၣ်, ထံလီၢ်ကီၢ်ပူၤဂ့ၢ်၀ီကိတိာ်ခိၣ်, ဒီးကီၢ်ဆၢဂ့ၢ်၀ီ ကိတိာ်ခိၣ်န့ၣ်လီၤ.
သုးဃုထၢထီၣ်ထံကီၢ် ကီၢ်ခိၣ်ခံသၢဂၤ သ့စ့ၢ်ကီးလီၤ.

တၢ်ကဘှီဘၣ်တၢ်ဘျၢသဲစးအဂီၢ် တၢ်ကလိၣ်ဘၣ်တၢ်အၢၣ်လီၤတူၢ်လိာ် လၢသဲစးဘျီၣ်ဒိၣ်ပှၤတ့တၢ်သိၣ်တၢ်သီအနီၣ်ဂံၢ်ခဲလၢာ် အါန့ၢ် ဒံး ၇၅ မျးကယၤ,
အဃိဒီးဟ့ၣ်၀ဲသုးတၢ်စိတၢ်ကမီၤတုၤလီၤထီၣ်ဘး လၢကဂ့ၢ်လိာ်တၢ်ဆီတလဲတမံၤဂ့ၤတမံၤဂ့ၤ သ့၀ဲလီၤ.