တၢ်အၢၣ်လီၤလၢ မိၣ်ကလုာ်ဒူၣ်ထံရူၢ်ကီၢ်သဲးပၣ်တံၣ်အဒိၣ်ခံဖုအဘၢၣ်စၢၤ ကပာ်ဖှိၣ်သး၀ံၤအလီၢ်ခံ, အိၣ်တ့ၢ်ထဲကီၢ်ဆၣ်ပတီၢ် ပၣ် တံၣ်သၢဖုဧိၤ, လၢကပာ်ဖှိၣ်
အသးန့ၣ်လီၤ?

မိၣ်ထံရူၢ်ကီၢ်သဲးပၣ်တံၣ်လၢအမ့ၢ်, မိၣ်ဟီၣ်က၀ီၤခဲလၢာ် ဒံၣ်မိၣ်ကရ့ၣ်စံၣ်ပၣ်တံၣ် All Mon Region Democracy Party (AMDP) ဒီး မိၣ်ဒီကလုာ်ပၣ်တံၣ်
Mon National Party (MNP) အၢၣ်လီၤတူၢ်လိာ်၀ဲလၢကပာ်ဖှိၣ်အသး ဖဲလါအီကူူး ၇ သီ, ၂၀၁၈ ဖဲတၢ် အိၣ်ဖှိၣ်လၢ မိၣ်ကီၢ်စဲၣ်၀့ၢ်ခိၣ် မီၣ်လမၠဲၣ်န့ၣ်လီၤ.

မိၣ်စၢဖှိၣ်သးပၣ်တံၣ်အသီ အခီၣ်ထံးဆှၢထီၣ်တၢ်ဆဲးလီၤအမံၤဆူ ကီၢ်စၢဖှိၣ်တၢ်ဃုထၢကမံးတံာ်, လၢမိၣ်ပၣ်တံၣ်အမံၤအဖီလာ် လီၤ. သနာ်က့,
ကီၢ်စၢဖှိၣ်တၢ်ဃုထၢခီမၡ့ၣ် ဂ့ၢ်လိာ်မံၤအ၀ဲန့ၣ်လီၤ. ပၣ် တံၣ်ခၢၣ်စးတဖၣ် ဆှၢထီၣ်ပၣ်တံၣ်တၢ်ဆဲးလီၤမံၤတဘျီကဒီး လၢ 'မိၣ်တၢ်ဃူတၢ်ဖိးပၣ်တံၣ်' မံၤအဖီလာ်လီၤ.

"အိၣ်တ့ၢ်ကီၢ်ဆၣ်ပတီၢ်ကမံးတံာ်တခါဒံး လၢကပာ်ဖှိၣ်အသး (ကညီ ကီၢ်စဲၣ်, ကီးကရံးကီၢ်ဆၣ်) လီၤ. ကီၢ်ဆၣ်အိၣ်ဒံးခံဘ့ၣ်စ့ၢ်ကီး လၢ ကဘၣ်ပာ်ဖှိၣ်
အသးလီၤ. တဘ့ၣ်လၢ၀့ၢ်တကူၣ် ဒီးတဘ့ၣ်လၢပကိ လီၤ. ဘၣ်ဆၣ်တယံာ်ဘၣ် ပကမၤထွဲထီၣ်တၢ်ပာ်ဖှိၣ်သး လၢကီၢ် ဆၣ်လၢ၀့ၢ်တကူၣ် ဒီးပကိလီၤ."
နဲၣ်လယံၣ်တၤမၤ, လၢအမ့ၢ် တ ယံာ်ဘၣ်ကမ့ၢ် မိၣ်တၢ်ဃူတၢ်ဖိးပၣ်တံၣ် နဲၢ်ရွဲၣ်သဃဲၤတၢ, စံး၀ဲ လီၤ.

ကမံးတံာ်လၢကီၢ်ဆၣ် ၁၂ ဘ့ၣ်တၢ်ပာ်ဖှိၣ်ဃုာ်လံလီၤ. လၢမိၣ်ကီၢ်စဲၣ်တခီ, ကီၢ်ဆၣ်လၢပာ်ဖှိၣ်လံအသးမ့ၢ်, မီၣ်လ်မၠဲၣ်, ပီၢ်, သထူၣ်, ကၠဲၣ်ထိၤ, မူၣ်ဒိၤ, သၤဖၠူၤစယၣ်,
ဒီးယ့ ကီၢ်ဆၣ်တဖၣ်လီၤ. လၢန့ၣ်အမဲာ်ညါ, ကီးသီဒီးဘိၣ်ပၠ့ၤလၢ တနီသရံၣ်ကီၢ်ခီဒိၣ်, ဒီးကၠၤအ့ စ့ၣ်ကၠံကီၢ်ဆၣ်လၢကညီကီၢ်စဲၣ် တဖၣ်ပာ်ဖှိၣ်လံအသးစ့ၢ်ကီးလီၤ.