ဖိသၣ် ၄၆ ဂၤလၢအိၣ်ဖျဲၣ်လၢကီၢ်ပယီၤသုးလီၢ်ပှၤမၤတၢ်ဖိ လၢကီၢ်ကၠီၣ်တဲၣ် ဒီးအခဲအံၤအိၣ်လၢတၢ်ကွၢ်ထွဲဖိၣ်ဃဲအလီၢ် ဒီးမၤလိတၢ် လၢထံကီၢ်အပူၤ
ဘၣ်တၢ်ဟ့ၣ်လီၤအ၀ဲသ့ၣ် ကၠီၣ်တဲၣ်ထံဖိကီၢ်ဖိလံာ်အုၣ်သးခး, အဂ့ၢ် ပှၤဂ့ၢ်၀ီတၢ်ဟူးဂဲၤ လၢပိာ်မုၣ်ဒီးဖိသၣ်အဂီၢ်က ရၢ Social Action for
Children and Women (SAW) စံး၀ဲလီၤ.

ကၠီၣ်တၢ်နုာ်လီၤဟးထီၣ်ထံလီၢ်ကီၢ်ပူၤ ပဒိၣ်ပှၤဘၣ်မူဘၣ်ဒါ ထုး ထီၣ်ဟ့ၣ်လီၤထံဖိကီၢ်ဖိလံာ်အုၣ်သးခး လၢကၠိဖိ ၄၆ ဃုဂၤ လၢာ်အဂီၢ် ဖဲမဲၢ်ဆီးကီၢ်ဆၣ်,
တးက်ကီၢ်ရ့ၣ် ဖဲလါဖ့ၤဖီအါရံၤ ၄ သီလီၤ. တၢ်ဟ့ၣ်လီၤထံဖိကီၢ်ဖိလံာ်အုၣ်သးခး တၢ်မုၢ်လၢ်အိၣ်၀ဲ လၢကဆီတလဲအ၀ဲသ့ၣ်သးသမူလီၤ, ဒီၢ်အ့အ့မၢ်,
SAW ပှၤ နဲၣ်တၢ်စံး၀ဲလီၤ.

ဖိသၣ် ၄၆ ဂၤအံၤအိၣ်ဒီးလံာ်လဲၢ်တၢ်အုၣ်သးလၢအစံး အ၀ဲ သ့ၣ်အိၣ်ဖျဲၣ်ဖဲမဲၢ်တီတၢ်ဆါဟံၣ် မ့တမ့ၢ် လၢကၠီၣ်တဲၣ်ကမျၢၢ် တၢ်ဆါဟံၣ် လၢမဲၢ်ဆီးန့ၣ်လီၤ.
ဒီၢ်အ့အ့မၢ်စံး၀ဲလၢ အ၀ဲဒၣ်အ တၢ်ကရၢကရိ ပလီၢ်သူၣ်ပလီၢ်သးလၢ ကပာ်ဃာ်အ၀ဲသ့ၣ်လံာ်လဲၢ်ခဲ လၢာ်ဖဲအ၀ဲသ့ၣ်တူၢ်လိာ်ဖိသၣ် လၢအ
၀ဲသ့ၣ်တၢ်ကွၢ်ထွဲပူၤအခါလီၤ.

လၢအပူၤကွံာ် သုးလီၢ်ပှၤမၤတၢ်ဖိအဖိ လၢတအိၣ်ဒီးကၠီၣ်တဲၣ်ထံဖိကီၢ်ဖိလံာ်အုၣ်သးတဖၣ် မၤလိတၢ်လၢကၠီၣ်တဲၣ်ကၠိတန့ၢ်ဘၣ်. သနာ်က့, ဖဲ ၂၀၀၈,
ကၠီၣ်တဲၣ်ပဒိၣ်ထုးကွံာ်တၢ်ြတီ၀ဲအံၤ လၢသုးလီၢ်ဖိသၣ်အဂီၢ်လီၤ.

"ပသ့ၣ်ညါဘၣ်တၢ်ဂ့ၢ်၀ဲအံၤအလီၢ်ခံ, ပကျဲးစၢးဆှၢပဖိဆူကၠီၣ်တဲၣ်ကၠိ, ဘၣ်ဆၣ် ဖဲအစးထီၣ်ခီၣ်ထံးအခါ ပတၢ်ကျဲးစၢးတကဲထီၣ်ဘၣ်" အ၀ဲဒၣ်စံး၀ဲလီၤ.
အ၀ဲဒၣ်ဆဲးတဲဒံး၀ဲလၢ အ၀ဲဒၣ်တၢ်ကရၢကရိ ကျဲးစၢးဆှၢစ့ၢ်ကီး ဖိသၣ်တနီၤဆူ နီၢ်သဘျ့ကၠိ, ဘၣ်ဆၣ်အပှ့ၤဒိၣ် မးလီၤ.

အ၀ဲဒၣ်စံး၀ဲ, အ၀ဲသ့ၣ်ဖိသၣ် လဲၤထီၣ်ကၠီၣ်တဲၣ်ကၠိယဲၢ်နံၣ်, ဒီးကၠိခိၣ်နၢ်ဟ့ၣ်လီၤအ၀ဲသ့ၣ် ဟီၣ်က၀ီၤကၠီၣ်တဲၣ်ထံဖိကီၢ်ဖိလံာ်အုၣ်သး ခး (လၢဘၣ်တၢ်သ့ၣ်
ညါလၢ အနံၣ် ၁၀ ခး) လီၤ. ပှၤလၢအဒိးန့ၢ်ခးသ့ၣ်တဖၣ်အံၤ အခွဲးအယာ်အိၣ်လၢကဒိးန့ၢ် ကသံၣ်တၢ်ကွၢ်ထွဲ ကလီ လၢကီၢ်ကၠီၣ်တဲၣ်ဖဲအ၀ဲသ့ၣ်
ဆူးဆါအခါလီၤ. ဖိသၣ်လဲၤတၢ်က့ၤတၢ်သဘျ့န့ၢ်စ့ၢ်ကီး ဆူ၀့ၢ်ကံၣ်မဲ လၢတၢ်မၤလိမၤဒီးအဂီၢ် လီၤ, အ၀ဲဒၣ်စံး.

ဖိသၣ် ၄၆ အံၤအသးနံၣ်မ့ၢ်၀ဲ ၁၀ ဆူ ၁၈ နံၣ်အဘၢၣ်စၢၤ, ဒီးမၤလိတၢ်လၢ ၄ တီၤဒီး ၁၀ တီၤလီၤ.