ပှၤရၢၢ်ခၢၣ်ဖိ ဒီးခၠီဖိ အဂၤလၢအကယၤ ဃ့ၢ်ဆူကီၢ်ဘဲကလါဒ့ၡ် ဖဲကီၢ်ပယီၤသုးဒီး ရၢၢ်ခၢၣ်သုး ခးလိာ်အသးလၢပလဲၢ်၀ၣ်

...

ပှၤရၢၢ်ခၢၣ်ဖိ ဒီးခၠီဖိ အဂၤလၢအကယၤ ဃ့ၢ်ဆူကီၢ်ဘဲကလါဒ့ၡ် ဖဲကီၢ်ပယီၤသုးဒီး ရၢၢ်ခၢၣ်သုး ခးလိာ်အသးလၢပလဲၢ်၀ၣ်

The Irrawaddy, 06 Feb 2019

URL: https://www.irrawaddy.com/news/hundreds-arakanese-chin-flee-bangladesh-army-aa-clash-paletwa.html
၀့ၢ်တကူၣ် - ရၢၢ်ခၢၣ်ဒီးခၠီကလုာ်ဒူၣ် ပှၤလီၢ်အိၣ်ကမှံ ၂၅၀ ဃၣ်ဃၣ် လၢခၠီကီၢ်ဆၣ် ပလဲၢ်၀ၣ်ကီၢ်ဆၣ် ဘၣ်ဃ့ၢ်ထီၣ်လၢအ၀ဲသ့ၣ်ဟံၣ် ဃီဆူကီၢ်ဘဲကလါဒ့ၡ်
မဟါတနွံ ခီဖျိတၢ်ဒုးဆူၣ်လၢကီၢ်ပယီၤသုးမုၢ်ဒီး ရၢၢ်ခၢၣ်သုးမုၢ်ဒိၣ် Arakan Army (AA) အဘၢၣ်စၢၤအဃိ လီၤ. တၢ်ကစီၣ်ပာ်ဖျါ၀ဲလၢ ဖိသၣ်
တနီၤလၢအ၀ဲသ့ၣ်အကျါ အိၣ်တဆူၣ်ဘၣ်နးမး မ့ၢ်လၢပှၤဘၣ်ကီဘၣ်ခဲတဖၣ် အတၢ်အီၣ်တၢ်အီ တအိၣ်, တၢ်ကူတၢ်သိး ဒီးတၢ်အိၣ်ကဒုအလီၢ်
အိၣ်လၢတၢ်လီၢ်လၢ တၢ်ဂီၢ်အတၢ်အိၣ်သးပူၤအဃိလီၤ, အဂ့ၢ် ခွဲးယာ်ပှၤမၤတၢ်ဖိတ ဂၤစံး၀ဲ လီၤ.

တၢ်ကစီၣ်ပာ်ဖျါ၀ဲလၢ ကသံၣ်ဒီးတၢ်ဟ့ၣ်တၢ်မၤစၢၤပှၤမၤတၢ်ဖိတ ဖၣ်ကျဲးစၢးလဲၤဆူအ၀ဲသ့ၣ်အအိၣ်, ဘၣ်ဆၣ်တၢ်လီၢ်လၢအ၀ဲသ့ၣ် ဃ့ၢ်အိၣ်၀ဲ မ့ၢ်တၢ်လီၢ်
ကီဒိၣ်မးလၢပှၤကလဲၤတုၤအဂီၢ်လီၤ.

၀့သ့, လၢအမ့ၢ်ကီၢ်ဘဲကလါဒ့ၡ် ဘၤဒၤဘဲကီၢ်ရ့ၣ် ပှၤဂ့ၢ်၀ီခီမၡ့ၣ် လၢအိၣ်သူၣ်လီၤအသးဖဲ ရူၤမၤအူပၤစံၤလၤ (ကီၢ်ရ့ၣ်အဒ့), စံး ဘၣ်အ့ယၣ်၀တံၣ်တၢ်
ကစီၣ်လၢ ဖဲအပူၤကွံာ်နွံကတၢၢ် အ၀ဲဒၣ်ထံၣ် လိာ်သးဒီးသ၀ီဖိလီၢ်အိၣ်ကမှံ ဖဲသ၀ီဆံးအဘူးတဖျၢၣ် လၢပှၢ်ယိာ် အလီၢ် လၢဟီၣ်က၀ီၤသ၀ီဖိတဖၣ်
ကိး၀ဲလၢ သူၤစၤပၤရၤ, တၢ်ဒ့ၣ်စၢၤစှီၤစှၤဒီး Remakri BGB (ကီၢ်ဘဲကလါဒ့ၡ် သုးခိးကီၢ်ဆၢ) သူၣ်ဒဲအလီၢ် Camp လီၤ.

အ၀ဲဒၣ်စံး၀ဲလၢ, ဒ်ပှၤလီၢ်အိၣ်ကမှံတဖၣ်စံး၀ဲအသိး, ကီၢ်ပယီၤသုး ဒွဲၣ်အူအီၣ်ကွံာ်ဟံၣ်လၢ ကမီၤ၀ၣ် သ၀ီဒီးခ့ၤသၤလ့သ၀ီ လၢ ပလဲၢ်၀ၣ်ဟီၣ်က၀ီၤထးခီ
အပူၤကွံၤမဟါတနွံလီၤ. ခၠီကလုာ်ဒူၣ်တကရူၢ် ပှၤနီၣ်ဂံၢ်အိၣ် ၁၂၄ ဂၤ, ဟဲတုၤဖဲ ဘဲၤဒၤဘဲၤကီၢ်ရ့ၣ် ရူၤမၤကီၢ်ဆၣ် ဖဲမုၢ်ဒဲးအနံၤလီၤ. လၢခံတနံၤ, ရၢၢ်ခၢၣ်ကမျၢၢ် ၁၂၆ ဂၤ
လၢတၢ်လီၢ်အါတီၤ ဟဲနုာ်လီၤလၢဟီၣ်က၀ီၤတခါဃီအ ပူၤလီၤ.

၀့ထ့ၤစံး၀ဲ လၢပှၤကရူၢ်အကျါ ဖိသၣ်အိၣ်၀ဲ ၆၀ ဂၤ, ပၣ်ဃုာ်၀ဲဖိသၣ်အိၣ်ဖျဲၣ်သီ စှၤဂၤလီၤ. ပှၤဘၣ်ကီဘၣ်ခဲတဖၣ် အဆ့အယၣ်တ အိၣ်ဘၣ်. အ၀ဲဒၣ်စံး၀ဲ
မ့ၢ်လၢအ၀ဲသ့ၣ်ဆ့ကၤလၢၤတအိၣ်အဃိ, တၢ်ဘၣ်ယိၣ်အိၣ်လၢဖိသၣ်အကျါ န့ၢ်ဘၣ်ပသိၣ်ဘၣ်တၢ်ခုၣ်သ့, စံး ဒံး၀ဲလၢဖိသၣ်ယဲၢ်ဂၤဃၣ်ဃၣ် သးပ့ၤနီၣ်အသး
လၢမုၢ်ဆၣ်အနံၤလံၤလံၤလီၤ.

ဖဲအ၀ဲဒၣ်ဟဲက့ၤတုၤ ရူၤမၤ၀့ၢ် လၢရဲမၤကရံၤအခါ, အ၀ဲဒၣ်ဆှၢလီၤကသံၣ်သရၣ် ဒီးပှၤဂ့ၢ်၀ီတၢ်မၤစၢၤပှၤမၤတၢ်ဖိတနီၤ ဒ်သိးက မၤပူၤဖျဲးဖိသၣ် ဒီးဟ့ၣ်ထီၣ်ဂ့ၢ်ဂီၢ်အူ
ကသံၣ်တၢ်မၤစၢၤ ဆူပှၤဘၣ်ကီဘၣ်ခဲအိၣ် အဂီၢ်လီၤ.

အ၀ဲဒၣ်စံး၀ဲ, အခီၣ်ထံးရၢၢ်ခၢၣ်ပှၤလီၢ်အိၣ်ကမှံတဖၣ် အဲၣ်ဒိးလဲၤဃ့ၢ်ဆူ ကီၢ်ဆၣ်အဘူးကတၢၢ်လၢအမ့ၢ် ကၠီၣ်ထီၤကီၢ်ဆၣ်ဒီး ပလဲၢ် ၀ၣ်ကီၢ်ဆၣ်, ဘၣ်ဆၣ် မ့ၢ်လၢတၢ်ဒုး
ဘၣ်တဘျုးသီလံအဃိဒီး, အ၀ဲသ့ၣ်ပာ်လီၤအသးလၢ ကခီဂာ်ကီၢ်ဘဲကလါဒ့ၡ်ကီၢ်ဆၢ ဒီးဟး လၢခီၣ်ခံနံၤလီၤ. ဖဲတၢ်လဲၤဆူ ဘဲၤဒၤဘဲကီၢ်ရ့ၣ်အခါ,
အ၀ဲသ့ၣ်ထံၣ်ဒီး ရၢၢ်ခၢၣ်သုးဖိလၢကီၢ်ပယီၤကီၢ်ဆၢ, လၢအဟ့ၣ်အ၀ဲသ့ၣ်လၢ ဟုသးတနီၤလီၤ.