ဘျီၣ်ဒိၣ်လာ်ခီပှၤတ့တၢ်သိၣ်တၢ်သီတဂၤ ဃ့ထီၣ်၀ဲလၢကရနံၣ်ကီၢ်စဲၣ်ပဒိၣ် ကတဲသကိးတၢ်ဒီးခွဲးယာ်ပှၤဂဲၤလိာ်တၢ် ဒ် သိးကဘှါၡဲတၢ်ဂ့ၢ်ကီ
လၢဟီၣ်က၀ီၤအပူၤအဂီၢ်, ဖဲတၢ်ဖီၣ်န့ၢ်ခွဲးယာ်ပှၤဂဲၤလိာ်တၢ်အဂၤတဆံ လၢလွဲၢ်ကီၢ်ဖဲမုၢ်ဖီဖးနံၤဂီၤ ခီ, အဂ့ၢ် ဟီၣ်က၀ီၤတၢ်ကစီၣ်သန့ စံး၀ဲလီၤ.

ခိၤသီမးစ်, လၢအမ့ၢ်ခွဲးယာ်ပှၤဂဲၤလိာ်တၢ် လၢဘၣ်တၢ်ဆှိးလၢကွွီၢ်သၢဘျီ မ့ၢ်လၢအတၢ်ပၣ်ဃုာ်လၢအပူၤကွံာ် တၢ်ထီဒါ ပဒိၣ်လၢလွဲၢ်ကီၢ်၀့ၢ်
ဘၣ်ဃးတၢ်ပာ်ထီၣ်သုးခိၣ်ကျၢၢ်အီၣ်ဆါ တၢ်ဂီၤစိးပျၤသး, စံးဘၣ်အ့ယၣ်၀တံၣ်တၢ်ကစီၣ် ဘၣ်ဃးပှၤ ဖီၣ်ပှၤကညီလၢအသီအဂ့ၢ်လီၤ.

ဖဲမုၢ်လ့ၢ်ဧိၤဟါခီ, တၢ်ဖီၣ်ပှၤဂဲၤလိာ်တၢ် ၃၆ ဂၤ ဒီးတၢ်ပျၢ်ကွံာ် အ၀ဲသ့ၣ်လၢတၢ်အုၣ်ကီၤဖီခိၣ် ဖဲတၢ်တနၤန့ၣ်လီၤ. ပှၤလၢ ဘၣ်တၢ်ပျၢ်အီၤအကျါဃုဂၤ
တၢ်က့ၤဖီၣ်ကဒါအ၀ဲသ့ၣ်တဂီၤ အံၤ ဃုာ်ဒီးပှၤဂဲၤလိာ်တၢ်အဂၤလွံၢ်ဂၤ, ဖဲအ၀ဲသ့ၣ်က့ၤစး ထီၣ်ကဒီး တၢ်ပာ်ဖျါသးထီဒါပဒိၣ်အခါလီၤ.

ပၢၤကီၢ်ဖီၣ်ပှၤဂဲၤလိာ်တၢ် ဖဲဟီၣ်က၀ီၤ NLD ၀ဲၤဒၢးမဲာ်ညါ ဖဲ အ၀ဲသ့ၣ်တၢ်ပာ်ဖျါတၢ်ထီဒါပဒိၣ် သူၣ်ဒဲအလီၢ်, စးထီၣ်မုၢ်ဒဲး လံၤလံၤန့ၣ်လီၤ?

ဖဲမုၢ်ဖီဖးနံၤ, ခွဲးယာ်ပှၤဂဲၤလိာ်တၢ်တဘျုးဂၤ ထံၣ်လိာ်အသးဒီးကရနံၣ်ကီၢ်စဲၣ်ဘျီၣ်ဒိၣ် ပှၤပၢၤလီၢ်ဆ့ၣ်နီၤ အူလၣ်ထွ့ ဒ် သိးကပာ်ဖါအ၀ဲသ့ၣ်
တၢ်သူၣ်တမုာ်သးတမုာ်အဂီၢ်လီၤ. အ၀ဲသ့ၣ်ဃ့ထီၣ်၀ဲ လၢတၢ်ကမၤတၢ်ထံၣ်လိာ်တဲသကိးတၢ် ဒ် သိးကတၢၣ်ပီၣ်တၢ်ဂ့ၢ်ကီဘၣ်ဃး တၢ်ဂီၤစိး
ပျၤသးအဂ့ၢ်န့ၣ်လီၤ.

မုၢ်ဖီဖးနံၤတၢ်ဖီၣ်ပှၤဂဲၤလိာ်တၢ် ဘၣ်ဃးတၢ်ဂီၤစိးပျၤသးအဂ့ၢ် အနီၣ်ဂံၢ်ခဲလၢာ်ထီၣ်ဘး ၆၈ ဂၤန့ၣ်လီၤ.

ကရနံၣ်ဒီကလုာ် တၢ်လဲၤထီၣ်လဲၤထီပၣ်တံၣ် ဖဲမုၢ်ဖီဖးနံၤ ဆှၢလံာ်ဟ့ၣ်ယုၢ်တဘ့ၣ်ဆူ ကီၢ်ခိၣ်အူ၀့မၠ့ၣ် ဒီးထံကီၢ်ပှၤကူၣ် လိာ်တၢ် ဒီၢ်အီၣ်ဆါစူးကၠံၣ်,
စံး၀ဲလၢဘၣ်ဃး ကရနံၣ်ကီၢ်စဲၣ်ပဒိၣ်အတၢ်မၤအဂ့ၢ် အ၀ဲသ့ၣ်သူၣ်တမုာ်သးတမုာ်ဘၣ်လီၤ.