ကီၢ်စၢဖှိၣ်ပဒိၣ် ကဟ့ၣ်အါထီၣ်စ့တၢ်မၤစၢၤ ၇၉ ဘ့လယၢၢ်ကၠး လၢကီၢ်ဒိၣ်ဒီးကီၢ်စဲၣ်တဖၣ် လၢလါလၢအိၣ်တ့ၢ် လၢ ၂၀၁၈-၂၀၁၉ တၢ်သူစ့နံၣ် လၢက
တၢၢ်ဝဲဖဲ လါစဲးပထ့ဘၢၣ် ၃၁ သီ, အဂ့ၢ် ကျိၣ်စ့ကမံးတံာ် ဆၢတဲာ်ဝဲဖဲတၢ်အိၣ်ဖှိၣ် လၢတၢ်မၤအီၤဖဲ လါအ့ြဖ့ၣ် ၂၄ သီန့ၣ်လီၤ.

ကီၢ်ခိၣ်အူဝ့မၠ့ၣ် နဲၣ်လီၤဝဲလၢ ကီၢ်ဒိၣ်ဒီးကီၢ်စဲၣ်တဖၣ် စ့လၢတၢ်ဟ့ၣ်လီၤအါထီၣ်အဝဲသ့ၣ် ကဘၣ်သူဝဲတုၤလီၤတီၤ လီၤ လၢတၢ်မၤလၢအဘၣ်ဘျုးလၢ ဟီၣ်က
ဝီၤကမျၢၢ်တဖၣ်အဂီၢ်လီၤ. ကီၢ်ဒိၣ်ဒီးကီၢ်စဲၣ်ပဒိၣ် ကဘၣ်မၤလီၤတံၢ် တၢ်တိာ်ကျဲၤတဖၣ် ကဘၣ်မ့ၢ်လၢအိၣ်ဒီးအကံၢ်အစီဂ့ၤန့ၣ်လီၤ, အဝဲဒၣ်စံ့း.

ကီၢ်ဒိၣ်ဒီးကီၢ်စဲၣ်ပဒိၣ်ဃ့အါထီၣ်စ့ ၂၂၄.၇ ဘ့လယၢၢ်ကၠး ဘၣ်ဆၣ်ကီၢ်စၢဖှိၣ်ပဒိၣ်အၢၣ်လီၤထွဲဒၣ်သ့ထဲ ၁၂၁.၅၉၇ ဘ့လယၢၢ်, အဂ့ၢ် ကျိၣ်စ့ခီမၡ့ၣ်
ပှၤပၢၤလီၢ်ဆ့ၣ်နီၤခံဂၤတဂၤ ဒီးကီၢ်ခိၣ်ခံဂၤတဂၤ အူဟဲနရ့ၣ်ဘဲၤထံယိ စံးဝဲဖဲအ ပူၤကွံာ်တၢ်အိၣ်ဖှိၣ် လါအ့ြဖ့ၣ် ၉ သီန့ၣ်လီၤ.

လၢအခီၣ်ထံး တၢ်ဆၢတဲာ်အိၣ်လၢ လီၢ်ခၢၣ်သးကဟ့ၣ်လီၤအါထီၣ်ထဲ ၃၉ ဘ့လယၢၢ်, ဘၣ်ဆၣ်တၢ်ဟ့ၣ်လီၤအါ ထီၣ် ၄၀ ဘ့လယၢၢ်ကၠး လၢတၢ်လဲၤ
ထီၣ်လဲၤထီတၢ်တိာ်ကျဲၤတဖၣ်အဂီၢ်လီၤ. ကီၢ်စၢဖှိၣ်ပဒိၣ်လၢအခီၣ်ထံး အၢၣ် လီၤတူၢ်လိာ်ဝဲစ့တၢ်မၤစၢၤ ၁.၇ ြထ့ၣ်လယၢၢ်ကၠး လၢကီၢ်စဲၣ်ဒီးကီၢ်ဒိၣ်အဂီၢ်
လၢတၢ်သူစ့နံၣ်ဝဲအံၤလီၤ.

ယိၤဒိၣ်ကီၢ်စဲၣ်ဒိးန့ၢ် ၂၂၄ ဘ့လယၢၢ်ကၠး ဒီးစကဲကီၢ်ဒိၣ် ၁၈၂.၄ ဘ့လယၢၢ်ကၠး, အအါကတၢၢ်ခံခါတခါလီၤ. ကခၠ့ၣ် ကီၢ်စဲၣ်ဒိးန့ၢ် ၁၅၈.၃
ဘ့လယၢၢ်ကၠး, ကယါကီၢ်စဲၣ် ၅၅ ဘ့လယၢၢ်ကၠး, ဝ့ၢ်တကူၣ်ကီၢ်ဒိၣ် ၆၂.၆ ဘ့လယၢၢ်ကၠး ဒီး ကညီကီၢ်စဲၣ်ဒိးန့ၢ် ၇၉.၁ ဘ့လယၢၢ်ကၠးလီၤ.

ကီၢ်စၢဖှိၣ်ပဒိၣ် ပာ်လီၤန့ၢ်စ့ ၁.၈ ြထ့လယၢၢ်ကၠး လၢကီၢ်ဒိၣ်ဒီးကီၢ်စဲၣ်အဂီၢ် လၢစ့ဘးကၠဲးလၢတၢ်သူစ့နံၣ်တနံၣ်အံၤ အဖီလာ်လီၤ.