လၢတၢ်ဂ့ၢ်တၢ်ကစီၣ်ကိတိာ် တၢ်တီခိၣ်ရိၣ်မဲအဖီလာ် ဒီးလၢခၠီကီၢ်စဲၣ်ပဒိၣ်တၢ်ကွၢ်ပၢဆှၢအဖီလာ်, တၢ်အိးထီၣ်သုးလီၢ်လံာ်ရိဒၢး အမူး လၢတၢ်မၤသဃဲၤ
အီၤဒီး တၢ်ဂ့ၢ်တၢ်ကစီၣ်ဒီးကမျၢၢ်တၢ်ရ့လိာ်ဝဲၤကျိၤ Information and Public Relations Department (IPRD) ဒီးဒီၢ်ခ့ၣ်ကၠံၣ်ဖီၣ်ဒ့ၡၢၣ် Daw
Khin Kyi Foundation ဘၣ်တၢ်မၤအီၤဖဲ ဟါခါကီၢ်ရ့ၣ် IPRD ဝဲၤဒၢး, မဟါတနံၤဂီၤခီလီၤ.

ဘၣ်ဃး IPRD တၢ်ဆဲးကျိးမၤတၢ်လိၤလိၤဒီးကမျၢၢ်အဂ့ၢ်, တၢ်မၤ အါထီၣ်ဖိသၣ်တၢ်ဖးလံာ်ဒၢး ဒီးတၢ်ကွၢ်ကီအလီၢ်လၢအဆံး ဖဲ IPRD ဝဲၤဒၢး
ဒီးလံာ်ရိဒၢး, ဒီးတၢ်မၤသကိးတၢ်ဒီးဒီၢ်ခ့ၣ်ကၠံၣ်ဖီၣ်ဒ့ ၡၢၣ် ဒ်သိးကဖၢနုာ်အါထီၣ် တၢ်သိၣ်လိခီၣ်ဖၠူထၢၣ်ဘျီၣ် ဒီးသုးလီၢ် လံာ်ရိဒၢးတၢ်မၤ ဒ်သိးတၢ်က
သုးထီထီၣ် ကမျၢၢ်အိၣ်သူၣ်လီၤသး ပှၤတဝၢဝဲၤလီၢ်အဂီၢ်လီၤ. လၢကမ့ၢ်တၢ်ဖးလံာ်လီၢ်, ကမျၢၢ်တၢ်တဲ သကိး, ဒီးတၢ်သိၣ်လိလီၢ်အမဲာ်ညါ, တၢ်
ပာ်လီၤစ့ၢ်ကီးတၢ်လိာ်ကွဲ ပီးလီ ဒ်သိးကကဲတၢ်လီၢ်လၢ ကမျၢၢ်အိၣ်ဖှိၣ်ရိဖှိၣ်အဂီၢ်လီၤ. တၢ် မၤကမျၢၢ်တၢ်တဲသကိး ဘၣ်ဃးတၢ်ဂ့ၢ်လၢအဘၣ်ဘျီး
ဘၣ်ဒါဒီးတၢ် ဆၢကတီၢ်ဒီးတၢ်လီၢ်တၢ်ကျဲ ဒ်သိးကမျၢၢ်ကမၤသ့ၣ်ညါအသးလၢ တၢ်စူးကါဒံၣ်မိၣ်ကရ့ၣ်စံၣ်အကျိၤအကျဲ ဒီးတၢ်ပဲာ်ထံနီၤဖးတၢ်
တၢ်သ့တၢ်ဘၣ်တဖၣ်လီၤ. ဖဲတၢ်ကျဲးစၢးမၤ တၢ်မၤလၢအဘၣ်ဘျုးလၢကမျၢၢ်အဂီၢ်အခါ, ကမျၢၢ်နီၢ်ကစၢ်စ့ၢ်ကီးကဘၣ်နုာ်လီၤပၣ် ဃုာ်လၢတၢ်ကျဲးစၢး
အပူၤ, အဂ့ၢ် ကီၢ်စၢဖှိၣ်ကိတိာ်ခိၣ်စံးဝဲလီၤ. လၢခံ ကီၢ်စဲၣ်ကိတိာ်ခိၣ်ကျၢၢ် အူပီၣ်လူမ့ထဲ ကတိၤတၢ်ဘၣ်ဃး တၢ်မၤအါထီၣ် ပှၤသးစၢ်တၢ်ဖးလံာ်အနီၣ်ဂံၢ်
ဒီးတၢ်ကသူပှၤသးစၢ်လၢမၤလိဘၣ်တၢ်အဂံၢ်အဘါ လၢဟီၣ်ကဝီၤတၢ်လဲၤထီၣ်လဲၤ ထီအဂီၢ်လီၤ.

ဒီၢ်ခ့ၣ်ကၠံၣ်ဖီၣ်ဒ့ၡၢၣ်, တၢ်ဒုးအိၣ်ထီၣ်အီၤဖဲ ၂၀၁၂ လီၤ. တၢ်တူၢ်တံၤတူၢ်တမှံၤ ဒီးတၢ်မၤလဲတၢ်ဘုၣ်အီၣ်ဘုၣ်အီ တၢ်သိၣ်လိကၠိ တၢ်ဒုးအိၣ်ထီၣ်အီၤ, ဒီးပှၤဂ့ၢ်ဝီ
တၢ်မၤဘၣ်ဃး တၢ်တ့ထီၣ်ဘှီထီၣ် ကျဲမုၢ်ကျဲဘိ, တိာ်, ဟံၣ်, ဒီးကၠိသရၣ်တၢ်အိၣ်ဆိးအလီၢ်ဒီးကၠိ တၢ်သူၣ်ထီၣ်, တၢ်မၤစၢၤမၤန့ၢ်စိလၣ်တၢ်ကပီၤ ဒီး
လီမ့ၣ်တၢ်ကပီၤ, တၢ်ခူၣ်ထံကမါဒီးထံကမျၢၢ်တဖၣ်, တၢ်မၤအီၤဃုာ်ဒီးတၢ်ဒုး အိၣ်ထီၣ် သုးလီၢ်လံာ်ရိဒၢး ၁၅ ဖျၢၣ်လီၤ. လံာ်ရိဒၢးတဖျၢၣ် တၢ်ဒုး
အိၣ်ထီၣ် ဃုာ်ဒီးတၢ်မၤသကိးတၢ်လၢ ဟါခါကမျၢၢ်ပှၤတဝၢ ဝဲၤလီၢ်, ဒီးသုးလီၢ်လံာ်ရိဒၢး ၁၄ ဖျၢၣ်, တၢ်ဒုးအိၣ်ထီၣ်ဃုာ်ဒီးတၢ်မၤသကိးတၢ်လၢ
IPRD လီၤ.

တၢ်အိးထီၣ်အမူးဝံၤအလီၢ်ခံ, ကီၢ်စၢဖှိၣ်ကိတိာ်ခိၣ် ဒီးပှၤပိာ်အခံတဖၣ် လဲၤအိၣ်သကိးခၠီကလုာ်ဒူၣ် ဒီကလုာ်ထူသနူဟံၣ်တၢ် ကွၢ်ကီအလီၢ်
လၢဟါခါဝ့ၢ်, တၢးထီတၢ်ကီၢ်လီၤအလီၢ် ဒီးတၢ်တ့ထီၣ် စၢၤဘါကဘီယူၤသန့ လၢဖလဲကီၢ်ဆၣ်န့ၣ်လီၤ.