ကီၢ်ပယီၤအထံဖိကီၢ်ဖိလၢအအါ ဒိးသန့ၤထီၣ်သးလၢတၢ်သူၣ်တၢ်ဖျး လၢကလုၢ်အီၣ်အသးသမူအဂီၢ်, အဃိသတးဒီး ကီၢ်ပဒိၣ် အိၣ်ဒီးတၢ်
ရဲၣ်တၢ်ကျဲၤလၢ ကကွၢ်ပာ်လီၤက့ၤ ဘုအပှ့ၤလၢအစှၤကတၢၢ် လၢကိးနံၣ်ဒဲး ဒ်အမ့ၢ်ကျဲတဘိလၢကဒီကဒၢ ပှၤမၤစံာ် ဖိဃုာ်ဒီးပှၤသူစွဲတၢ်ဖိ, အဂ့ၢ်
အူလၣ်ကၠီၣ်, လၢအမ့ၢ်သူၣ်ဖျး, ဘုၣ်ဖီၣ်ဒီးတၢ်ဟ့ၣ်ထံ ကိတိာ်ခိၣ်ခံဂၤတဂၤ, စံးဝဲဖဲဘျီၣ်ဒိၣ်လာ်ခီ န့ၣ်လီၤ.

တၢ်ပာ်လီၤဘုအပှ့ၤအစှၤကတၢၢ် အခီပညီမ့ၢ် တၢ်ဖိတၢ်လံၤတခါခါ အလုၢ်ပှ့ၤ လၢသဲစးပာ်လီၤဝဲလၢတၢ်ဆါအီၤသ့န့ၣ်လီၤ. တၢ်အပှ့ၤ အစှၤက
တၢၢ်လၢတၢ်ပာ်လီၤအီၤ ဒ်သိးတၢ်ကမၤထွဲတုၤလီၤတီၤ လီၤအဂီၢ်, ကဘၣ်မ့ၢ်တၢ်အပှ့ၤလၢ ပှၤဆါတၢ်ဖိဆါကဲ ဒီးပှၤပှ့ၤတၢ် ဖိပှ့ၤကဲ equilibrium
price အပှ့ၤဖီခိၣ်န့ၣ်လီၤ. တၢ်အပှ့ၤအစှၤ ကတၢၢ်လၢတၢ်ပာ်လီၤအီၤအါတက့ၢ်မ့ၢ် အစှာ်ကတၢၢ်တၢ်မၤအဘူး အလဲ, လၢအမ့ၢ်တၢ်အပှ့ၤအစှၤက
တၢၢ်လၢ တၢ်ဟ့ၣ်ဝဲလၢတၢ်မၤအ ဂီၢ်န့ၣ်လီၤ. တၢ်အလုၢ်အပှ့ၤအစှၤကတၢၢ် ညီနုၢ်တၢ်သူအီၤစ့ၢ်ကီး လၢတၢ်သူၣ်တၢ်ဖျးတၢ်မၤသနၢၣ် ဒ်သိးတၢ်ကကျဲးစၢး
ဒီသဒၢ ပှၤမၤစံာ်ဖိအဂီၢ်န့ၣ်လီၤ.

တၢ်အပှ့ၤအစှၤကတၢၢ်လၢတၢ်ပာ်လီၤအီၤ မ့တမ့ၢ်လၢ ပှၤဆါတၢ်ဖိဆါကဲ ဒီးပှၤပှ့ၤတၢ်ဖိပှ့ၤကဲအပှ့ၤအဖီခိၣ်ဘၣ်ဒီး, ဖၠါတဆါဝဲ လၢ equilibrium
အပှ့ၤဖီလာ်ဘၣ် ဒီးတၢ်အပှ့ၤအစှာ်ကတၢၢ်လၢတၢ်ပာ်လီၤအီၤ အခီပညီတအိၣ်ဘၣ်လီၤ. ကိတိာ်ခိၣ်ခံဂၤတ ဂၤစံးဝဲလၢ ကိတိာ်မၤသကိးတၢ်ဒီး
ကီၢ်ပယီၤဘုဟုတၢ်မၤကရၢ ဒ်သိးကပာ်လီၤတၢ်အပှ့ၤအစှၤကတၢၢ် ခီဖျိဒုးအိၣ်ထီၣ် ပှၤဟ့ၣ် ကူၣ်ဟ့ၣ်ဖးတၢ်ကမံးတံာ် လၢဖၠါအပှ့ၤအဂီၢ်န့ၣ်လီၤ.

"ကမံးတံာ်ကကျဲးစၢးအဂ့ၤကတၢၢ် လၢကမၤဂၢၢ်ဘုအပှ့ၤထီၣ်ပှ့ၤလီၤ ဒ်သိးကမၤဂ့ၤထီၣ်ပှၤမၤစံာ်ဖိ တၢ်လုၢ်အီၣ်သးသမူအဂီၢ် လီၤ. ပအဲၣ်ဒိးမၤစၢၤ
တၢ်သူၣ်ဘုတၢ်မၤ ဒ်သိးကမ့ၢ်ပနံာ်တၢ်မၤလၢ န့ၢ်ကျိၣ်န့ၢ်စ့အဂီၢ်, ဒ်န့ၣ်အသိး ပကကျဲးစၢးဘှီဘၣ်မၤဘၣ် က့ၤတၢ်လၢအလိၣ် ဒ်သိးပှၤသူၣ်ဘုတဖၣ်
ကန့ၢ်ဘၣ်တၢ်အထိးနါ, ဒီးကြတီဘုအပှ့ၤသုတထီၣ်ဒိၣ်တဂ့ၤ ဒ်သိးကဒီသဒၢပှၤသူစွဲ တၢ်ဖိအဂီၢ်လီၤ." အဝဲဒၣ်စံး.

ဖဲလါမးၡး ၈ သီ, ၂၀၁၈, ကီၢ်ပယီၤဘုဟုကရၢ ပာ်လီၤဘုအပှ့ၤအစှၤကတၢၢ်အဆိကတၢၢ်တဘျီဖဲ အဒၢတကထိ ၅၀၀,၀၀၀ ကၠး
(၁ ဒၢ အိၣ်ဝဲ ၄၆ ပီၢ်) ဒီးကအိၣ်ဝဲဒ်န့ၣ်တုၤလၢ တၢ်ပာ်လီၤကဒီးအစှၤကတၢၢ်ဘုအပှ့ၤအသီတဘျီန့ၣ်လီၤ.

တၢ်ဆၢတဲာ်လၢ တၢ်ကပာ်လီၤအစှၤကတၢၢ်ဘုအပှ့ၤ မ့ၢ်ဒ်သိးကဒီသဒၢပှၤမၤစံာ်ဖိ သုတၡူလၢဘုအပှ့ၤဘၣ် ဖဲတၢ်ကူးတၢ်အ ကတီၢ်တဂ့ၤ,
လၢအမ့ၢ်တၢ်အကတီၢ်ဖဲ ဘုအပှ့ၤလီၤမ့ၢ်လၢဘုအိၣ်အါဝဲအဃိလီၤ.