ပှၤမၤတၢ်ဖိ, တၢ်နုာ်လီၤဟးထီၣ်ထံလီၢ်ကီၢ်ပူၤ ဒီးပှၤနီၣ်ဂံၢ်စရီဝဲၤကျိၤ ဒုးကဲထီၣ်လံထံဖိကီၢ်ဖိ ၁.၃ ကကွဲၢ်ဂ ၤနီၢ်ကစၢ်အဂ့ၢ်အ ကျိၤလၢဒံးကၠံးတၢၣ်
အကျဲ ဒ်အမ့ၢ်ကီၢ်ပဒိၣ်တၢ်မၤကျဲလၢ ကလူၤထီၣ်ခ့ခါဆၢကတီၢ်အသိး, အဂ့ၢ် ပှၤမၤတၢ်ဖိကိတိာ်ခိၣ် အူသ့ စွ့ၤ, စံးဝဲလီၤ.

အူသ့စွ့ၤစံးဝဲ, ကီၢ်ပဒိၣ်တယံာ်ဘၣ် ကသူဒံးကၠံးတၢၣ်ကျဲလၢတၢ်ဂ့ၢ်တၢ်ကျိၤအဂီၢ် ကဆီတလဲနီၢ်ကစၢ်တၢ်အုၣ်သးခးလၢစးခိဆူ နီၢ်ကစၢ်
တၢ်အုၣ်သးခးလၢ smart cards န့ၣ်လီၤ.

"တုၤလၢတနံၤအံၤ ပဒိးန့ၢ်လံနီၢ်ကစၢ်အက့ၢ်အဂီၤ ဒီးနီၢ် ကစၢ်အဂ့ၢ်အကျိၤလၢ ထံဖိကီၢ်ဖိ ၁.၃ ကကွဲၢ်ဂၤအဂီၢ်လံ န့ၣ်လီၤ." အဝဲဒၣ်စံးဘၣ်
သဲစးဘျီၣ်ဒိၣ် ဖဲမုၢ်ပျဲၤအနံၤလီၤ.

တၢ်ဂ့ၢ်တၢ်ကျိၤတဖၣ် တၢ်ထၢဖှိၣ်မၤန့ၢ်လၢ ကီၢ်ပယီၤလံာ် ခီကီၢ်အဝဲၤဒၢး, ဝဲၤဒၢးလၢအထုးထီၣ် ကီၢ်ချၢပှၤမၤတၢ်ဖိ လံာ်အုၣ်သး ဒီးနီၢ်ကစၢ်လံာ်အုၣ်သး
လၢတၢ်ထုးထီၣ်န့ၢ် လၢသုးလီၢ်ပှၤမၤတၢ်ဖိအဂီၢ် လၢကီၢ်ကၠီၣ်တဲၣ်လီၤ.

အူသ့စွ့ၤစံးဝဲ တၢ်မၤက့ၤတၢ်ဂ့ၢ်တၢ်ကျိၤလၢ ဒံးကၠံးတၢၣ်ကျဲ မ့ၢ်ဒံးကၠံးတၢၣ်ပဒိၣ်တၢ်ရဲၣ်တၢ်ကျဲၤ ဒီး တၢ်ထုးထီၣ်ဟ့ၣ်လီၤထံဖိ ကီၢ်ဖိလံာ်အုၣ်သးခး
အကျါတခါလီၤ.

တုၤမ့ၢ်တၢ်ထၢဖှိၣ်မၤန့ၢ်တၢ်ဂ့ၢ်တၢ်ကျိၤဝံၤဒီး တၢ်ကပာ်သဒၢအီၤလၢ ဒါထၤဘ့းစ် database အပူၤ, ဒီးပဒိၣ်ကထုးထီၣ်ဟ့ၣ်လီၤ ဒံးကၠံးတၢၣ် နီၢ်
ကစၢ်တၢ်အုၣ်သးခးန့ၣ်လီၤ.

"တၢ်ပာ်လီၤလံတၢ်ရဲၣ်တၢ်ကျဲလၢ တၢ်ကမၤထွဲဒီကလုာ်တၢ်ဆဲးလီၤမံၤသၣ် ဒီးထုးထီၣ်ဟ့ၣ်လီၤ smart cards ဖဲတၢ်ဆီတလဲ လံာ်က့လဲၢ်က့
ဆူ ဒံးကၠံးတၢၣ်ကျဲဝံၤအခါလီၤ." အဝဲဒၣ်စံး.

ဖဲအပူၤကွံာ်တဘျုးနံၣ်အခါ ကီၢ်ပဒိၣ်ကျဲးစၢးဒုးအိၣ်ထီၣ် လီမ့ၣ်အူကျဲ ပဒိၣ်တၢ်မၤအကျိၤအကွာ် ဘၣ်ဆၣ်တၢ်မၤတံာ်တာ်အသး မ့ၢ်လၢ ကျိၣ်စ့ဒီး
ပှၤသ့ပှၤဘၣ်ဂံၢ်ဘါ တအိၣ်အဃိလီၤ.

အူသ့စွ့ၤစံးဝဲ, တယံာ်ဘၣ်အဝဲဒၣ်အဝဲၤဒၢး ကဆှၢထီၣ်တၢ်ဃ့ထီၣ်ဆူဘျီၣ်ဒိၣ် ဘၣ်ဃးတၢ်ထုးထီၣ်ဟ့ၣ်လီၤ ဒံးကၠံးတၢၣ်နီၢ်ကစၢ် တၢ်အုၣ်သးခးန့ၣ်လီၤ.
အခဲအံၤ ထံဖိကီၢ်ဖိနီၢ်ကစၢ်အဂ့ၢ်အကျိၤတဖၣ် တၢ်ပာ်အီၤလၢလံာ်ြတံာ်ဃာ်အပူၤ လၢတၢ်ဘၣ်ယိၣ်အိၣ် လၢကဟါမ့ၢ်ဒီးကဟးဂီၤ, အဃိသ
တးဒီး ဒံးကၠံးတၢၣ်ကျဲတၢ်မၤအကျိၤအကွာ် မ့ၢ်တၢ်အရ့ဒိၣ်ဆိလၢ ပဒိၣ်အဂီၢ်န့ၣ်လီၤ.

ကိတိာ်ခိၣ်စံး, အဝဲဒၣ်ကဃ့ထီၣ်စ့ဘးကၠဲး ဆူဘျီၣ်ဒိၣ် လၢတၢ်ကဆီတလဲတၢ်မၤ ဆူဒံးကၠံးတၢၣ်ကျဲ တၢ်ရဲၣ်တၢ်ကျဲၤတခါစုာ်စုာ် အဂီၢ်လီၤ.