ကီၢ်ပယီၤပှၤဘၣ်ကီဘၣ်ခဲဖိအိၣ်လကီၢ်ကၠီၣ်တဲၣ်ပူၤတဖၣ်အဂီၢ်တၢ်ပတုာ်ကွံာ်တၢ်ပတံထီၣ်ဆူကီၢ်အမဲရကၣ်

...

ကီၢ်ပယီၤပှၤဘၣ်ကီဘၣ်ခဲဖိအိၣ်လကီၢ်ကၠီၣ်တဲၣ်ပူၤတဖၣ်အဂီၢ်တၢ်ပတုာ်ကွံာ်တၢ်ပတံထီၣ်ဆူကီၢ်အမဲရကၣ်

Karen News, 29 Jan 2014

URL: http://www.kicnews.org/2014/01/%E1%80%99%E1%80%9A%E1%80%B9%E1%80%9C%E1%80%A1%E1%80%B0%E1%80%B8%E1%80%85%E1%80%81%E1%80%94%E1%80%B9%E1%80%B8%E1%80%90%E
ဖဲလါယနူၤအါရံၤ၂၃သီအနံၤလၢမဲၢ်ဟီၣ်စီၣ်ကီၢ်ရ့ၣ်အပူၤမဲၢ်လးအူဒဲကဝီၤတၢ်ပတံထီၣ်တၢ်သုးလီၢ်သုးကျဲဆူကီၢ်အမဲရကၣ်စးထီၣ်လါအီးကထိဘၢၣ်၂၀၁၃နံၣ်လံၤလံၤဘၣ်ကီဘၣ်ခဲဘီမုၢ်စၢဖှိၣ်ကရၢဘိးဘၣ်ရၤလီၤဝဲလၢတၢ်ပ
တုာ်ကွံာ်ဝဲဒၣ်လံန့ၣ်လီၤ.
ကညီဘၣ်ကီဘၣ်ခဲကမံးတံး(KRC)ကလံၤစိးပှၤဘၣ်မူဘၣ်ဒါစီၤတူတူစံးဝဲဒၣ်,“နီၢ်နီၢ်န့ၣ်မဲၢ်လးအူဒဲကဝီၤတၢ်ပတံထီၣ်တၢ်သုးလီၢ်သုးကျဲဆူကီၢ်အမဲရကၣ်အံၤဘၣ်ကီဘၣ်ခဲဘီမုၢ်စၢဖှိၣ်ကရၢဘိးဘၣ်ရၤလီၤဝဲလၢတၢ်ပတုာ်
ကွံာ်အီၤလၢလါအီးကထိဘၢၣ်လံန့ၣ်လီၤ.ဘၣ်ဆၣ်ခီဖျိလၢပှၤအိၣ်ဒံးလၢကပတံထီၣ်ဒံးအဃိဘၣ်တၢ်သုးနံၤသုးသီအီၤန့ၣ် လီၤ.ဆၢကတီၢ်ခါခဲအံၤ ဖဲလါယနူၤအါရံၤအပူၤတၢ်ပတုာ်ကွံာ်အီၤသပှၢ်ကတၢၢ်လံ”အဂ့ၢ်ပာ်ဂၢၢ်ပာ်
ကျၢၤစံးဘၣ်ခ့ၣ်အၣ်စံၣ်တၢ်ကစီၣ်န့ၣ်လီၤ.
တကးဒံးဘၣ်မဲၢ်ရၤမိၢ်ဒဲကဝီၤလၢအိၣ်ဘူးဒီးမဲၢ်လးအူဒဲကဝီၤတၢ်ပတံထီၣ်တၢ်သုးလီၢ်သုးကျဲဆူကီၢ်အမဲရကၣ်စ့ၢ်ကီးဘၣ်တၢ်ပတုာ်ကွံာ်ဝဲဒၣ်တဘျီဃီလံအဂ့ၢ်စီၤတူတူစံးဝဲန့ၣ်လီၤ.ပှၤလၢအိၣ်လၢဒဲကဝီၤပူၤဒီးပတံထီၣ်
ဆူကီၢ်အမဲရကၣ်န့ၢ်သ့သ့ၣ်တဖၣ်တၢ်ကိးဝဲထဲဒၣ်ပှၤလီၢ်လံၤလၢအိၣ်ဒီးတၢ်ပာ်ပနီၣ်အီၤဒီးပှၤလၢအဘူးအတံၢ်အိၣ်လံလၢကီၢ်အမဲရကၣ်သ့ၣ်တဖၣ်ဧိၤန့ၣ်လီၤ.
စီၤတံဖိလၢမဲၢ်လးအူဒဲကဝီၤစံးဘၣ်ခ့ၣ်အၣ်စံၣ်လၢလါအဝဲအံၤ၂၃သီန့ၣ်တၢ်ကပတုာ်ကွံာ်တၢ်ပတံထီၣ်ဆူကီၢ်အမဲရကၣ်အဃိပဝဲဒၣ်ဟံၣ်ဖိဃီဖိပလဲၤပတံထီၣ်အီၤလီၤ.ဘၣ်မနုၤအဃိလဲၣ်န့ၣ်ထံကီၢ်လၢအဂုၤအဂၤတဖၣ်မ့ၢ်
ကကိးပှၤဧါပတလီၤတံၢ်ဘၣ်အဃိန့ၣ်လီၤ.ဖဲနံၤအဝဲန့ၣ်ပှၤလၢလဲၤပတံထီၣ်ကအိၣ်ဒၣ်ထဲပှၤခံဆံဂၤဧိၤလီၤ.
စီၤတူတူစံးဝဲဒ်ညီနုၢ်အသိးမဲၢ်လးအူဒဲကဝီၤအတၢ်ပတံထီၣ်တၢ်သုးလီၢ်သုးကျဲဆူကီၢ်အမဲရကၣ်အဂီၢ်လၢတနွံအတီၢ်ပူၤမ့ၢ်ဝဲထဲမုၢ်လ့ဧိၤအနံၤဒီးလဲၤထီၣ်ဆူဖှ့ဘီလူၢ်ဘၣ်ကီဘၣ်ခဲဘီမုၢ်စၢဖှိၣ်ကရၢဝဲၤဒၢးလၢမဲၢ်လးအူ
ဒဲကဝီၤပူၤသ့သနာ်က့မ့မ့ၢ်နံၤအဝဲန့ၣ်ဘၣ်လဲၤပတံထီၣ်ဆူကဝီၤဒ့ (၈)န့ၣ်လီၤ.
လၢအပူၤကွံာ်၂၀၁၃နံၣ်လါယနူၤအါရံၤ၂၅သီန့ၣ်ဘၣ်ကီဘၣ်ခဲဘီမုၢ်စၢဖှိၣ်ကရၢအမဲရကၣ်ပှၤဘၣ်မူဘၣ်ဒါလၢအမ့ၢ်ဒ့ဘ့ၣ်ရီဘ့ၣ်စၣ်လဲၤဆူမဲၢ်လးဒဲကဝီၤအကတီၢ်ဘိးဘၣ်ရၤလီၤဆိဝဲလၢတၢ်သုးလီၢ်သုးကျဲဆူကီၢ်အမဲရကၣ်
အတၢ်ရဲၣ်တၢ်ကျဲၤအံၤကဘၣ်တၢ်ပတုာ်ကွံာ်အီၤဖဲ၂၀၁၃ နံၣ်လါယူၤ ၅ သီန့ၣ်လီၤ.
ဒဲကဝီၤလၢအိၣ်ဖဲကီၢ်ကၠီၣ်တဲၣ်-ကီၢ်ပယီၤကီၢ်ဆၢဒ်အမ့ၢ်မဲၢ်လး,အူးပၠၣ်,နိၣ်ဖိ,မဲၢ်လးအူ,မဲၢ်ရၤမိၢ်,ထၣ်မ်ဟ့ၣ်ဒီးဘၣ်ဒိၣ်ယါပှၤဘၣ်ကီဘၣ်ခဲဖိလၢအိၣ်လၢဒဲကဝီၤပူၤသ့ၣ်တဖၣ်ခီဖျိဘၣ်ကီဘၣ်ခဲဘီမုၢ်စၢဖှိၣ်ကရၢတၢ်ဆှၢပှၤဆူကီၢ်သၢဘ့ၣ်တ
ဘ့ၣ်အတၢ်ရဲၣ်တၢ်ကျဲၤအံၤစးထီၣ်လၢ၂၀၀၆ နံၣ်လံၤလံၤပှၤလၢလဲၤဘၣ်ဆူကီၢ်အမဲရကၣ်,ခဲနဒၣ်, အီၣ်စထြ့လယါ,နီၤဝ့,စွံၣ်စလဲၣ်,ဖံၣ်လဲၣ်ဒီးယပၣ်ကီၢ်တဖၣ်မ့ၢ်အိၣ်သနာ်က့ပှၤနီၣ်ဂံၢ်အိၣ်ဒံးလၢဒဲကဝီၤသ့ၣ်တဖၣ်အံၤအပူၤအိၣ်ဝဲ
၁၃၂,၀၀၀ ဂၤခီဖျိ ၂၀၁၃ နံၣ်လါနိၣ်ဝ့ ဘၢၣ်ကညီဘၣ်ကီဘၣ်ခဲအတၢ်ပာ်ဖျါအဃိတၢ်သ့ၣ်ညါဘၣ်ဝဲဒၣ်န့ၣ်လီၤ.