ဒ်တၢ်ပာ်ဖျါသဃဲၤလၢတၢ်ဘိးဘၣ်ရၤလီၤအီၤဖဲခံသီတၢ်အိၣ်ဖှိၣ်ဝံၤအလီၢ်ခံအသိး,ကလုာ်ဒူၣ်ဖီၣ်စုကဝဲၤကရူၢ်,(NLD)ကရၢဒီးထံရူၢ်ကီၢ်သဲးကရူၢ်အဂၤတဖၣ်စံးဝဲဒၣ်လၢအဝဲသ့ၣ်အၢၣ်လီၤအီလီၤဝဲလၢကပာ်ဖှိၣ်ထီၣ်သကိးသးဒီးဒုးအိၣ်ထီၣ်ဝဲ ဖဲၣ်ဒၢၣ်ရၢၣ်စၢဖှိၣ်ကရၢန့ၣ်လီၤ.

တၢ်ဘိးဘၣ်သ့ၣ်ညါအံၤတၢ်ရၤလီၤအီၤဖဲကလုာ်ဒူၣ်ဖီၣ်စုကဝဲၤကရူၢ်,ထံရူၢ်ကီၢ်သဲးကလုာ်ဒူၣ်သိၣ်မှံၤကရၢ,ဒံၣ်မိၣ်ြခ့ၣ်စံၣ်ကရူၢ်,ပိာ်မုၣ်ဒီးသးစၢ်ကရူၢ်သ့ၣ်တဖၣ်ထံၣ်လိာ်အိၣ်ဖှိၣ်သကိးဝဲလၢကီၢ်ပယီၤဒီးကၠီၣ်တဲၣ်ကီၢ်ဆၢဖဲလါအီကူးထီၣ်(၂၉)ဒီး (၃၀)သီဝံၤအလီၢ်ခံန့ၣ်လီၤ.

တၢ်အိၣ်ဖှိၣ်အံၤပာ်တၢ်သးစဲလၢကီၢ်ဒီဘ့ၣ်တၢ်ပတုာ်တၢ်ခး,တၢ်ဘှီဘၣ်မၤဂ့ၤထီၣ်က့ၤ(၂၀၀၈)တၢ်ဘျၢသဲစးခိၣ်သ့ၣ်ဒီးထံရူၢ်ကီၢ်သဲးတၢ်တၢၣ်ပီၣ်သကိးတၢ်လၢကလုာ်ဒူၣ်ကရူၢ်ဒီးကီၢ်ပဒိၣ်တဖၣ်အဘၢၣ်စၢၤန့ၣ်လီၤ.

ခဲအံၤမ့ၢ်ဝဲတၢ်ဆၢကတီၢ်လၢတၢ်ကဘၣ်တဲသကိးတၢ်ဘၣ်ဃးဒီကလုာ်တၢ်မၤဃူမၤဖိးလိာ်က့ၤတၢ်,မၤလီၤတံၢ်ဒ်သိးတၢ်ကဒုးအိၣ်ထီၣ်ဝဲဒံၣ်မိၣ်ြခ့ၣ်စံၣ်ဒီးကီၢ်စၢဖှိၣ်ဒိးသန့ၤထီၣ်သးလၢတၢ်တီတၢ်ြတၢ်,တၢ်ထဲသိးတုၤသိး,ဒီးတၢ်အိၣ်ဒီးအသူးအသ့ၣ် အလၤကပီၤအဖီခိၣ်အဂ့ၢ်”,တၢ်ပာ်ဖျါသဃဲၤစံးဝဲန့ၣ်လီၤ.

ပှၤလၢအဂၤတဖၣ်အကျါ,ပှၤဟဲထီၣ်တၢ်အိၣ်ဖှိၣ်(၁၁၃)ဂၤမ့ၢ်ဝဲခၢၣ်စးသ့ၣ်တဖၣ်လၢကလုာ်ဒူၣ်စၢဖှိၣ်ကီၣ်ကးကရၢ,ကလုာ်ဒူၣ်စၢဖှိၣ်သိၣ်မှံၤကရၢ,(NLD)ကရၢဒီး(၈၈)တၢ်လီၤစၢၤလီၤသွဲၣ်လၢတၢ်မုာ်တၢ်ခုၣ်တဖၣ်န့ၣ်လီၤ.

တၢ်အိၣ်ဖှိၣ်အံၤမ့ၢ်ဝဲထံရူၢ်ကီၢ်သဲးပၣ်တံၣ်ဒီးကလုာ်ဒူၣ်စၢဖှိၣ်ကီၣ်ကးကရၢအဘၢၣ်စၢၤတၢ်အိၣ်ဖှိၣ်ခံဘျီတဘျီန့ၣ်လီၤ.တၢ်အိၣ်ဖှိၣ်တၢတဘျီဘၣ်တၢ်မၤအီၤဖဲလါယူၤလံထီၣ်သီအကတီၢ်န့ၣ်လီၤ.(NLD)ကရၢဒီး(၈၈)တၢ်လီၤစၢၤလီၤသွဲၣ်မၤသကိး တ့ၢ်တၢ်မုာ်တၢ်ခုၣ်အတၢ်မၤတပူၤဃီလၢတၢ်ဘှီဘၣ်မၤဂ့ၤထီၣ်က့ၤတၢ်ဘျၢသဲစးခိၣ်သ့ၣ်ဒီးမၤဂၢၢ်ကျၢၤထီၣ်က့ၤတၢ်စၢ ဃာ်လၢကလုာ်ဒူၣ်သ့ၣ်တဖၣ်အဘၢၣ်စၢၤတချုးခဲကၢာ်တနံၣ်ဒီကလုာ်တၢ်ဃုထၢအိၣ်ထီၣ်ဒံးဘၣ်န့ၣ်လီၤ