UNHCRဒီးကီၢ်ကၠီၣ်တဲၣ်ထံလီၢ်ကီၢ်ပူၤကိတိာ်ဝဲၤကျိၤဖီးလိာ်သုလၢကမၤတၢ်သမံသမိးလီၤတံၢ်က့ၤပှၤနီၢ်ဂံၢ်လၢအိၣ်ကဒုလၢဒဲကဝီၤ(၉)ဖျၢၣ်အပူၤဖဲ
ကီၢ်ပယီၤကီၢ်ကၠီၣ်တဲၣ်ကီၢ်ဆၢစးထီၣ်လၢလါယနူၤအါရံၣ်အပူၤဒ်ဒဲဝီၤတၢ်ကစီၣ်ဟ့ၣ်ထီၣ်ဝဲအသိးန့ၣ်လီၤ.

စီၤရီဘၢၣ်ထွ့လၢအမ့ၢ်ကညီဘၣ်ကီဘၣ်ခဲကမံးတံးပှၤပၢၤလီၢ်ဆ့ၣ်နီၤကတိၤစံးဂၢၢ်စံးကျၢၤဘၣ်ဃးဒီးတၢ်ရဲးတၢ်ကျဲၤအံၤန့ၣ်လီၤ.UNHCRဒီးကီၢ်
ကၠီၣ်တဲၣ်ထံလီၢ်ကီၢ်ပူၤကိတိာ်ဝဲၤကျိၤကမၤဝဲတၢ်သမံသမိးမၤလီၤတံၢ်ပှၤနီၣ်ဂံၢ်စရီအံၤလၢဒဲကဝီၤ(၉)ဖျၢၣ်လၢာ်တၢ်သမံသမိးဒီမၤနီၣ်မၤဃါပှၤနီၣ်ဂံၢ်
အံၤတမ့ၢ်ဝဲတၢ်မုၢ်လၢ်ကွၢ်စိလၢတၢ်လဲၤဆူကိၢ်သၢဘ့ၣ်တဘ့ၣ်အဂီၢ်ဒီးတၢ်က့ၤကဒါက့ၤအဂီၢ်စ့ၢ်ကီးဘၣ်.မ့ၢ်တၢ်သမံသမိးမၤလီၤတံၢ်က့ၤပှၤနီၣ်ဂံၢ်တၢ်
မၤနီၣ်မၤဃါန့ၣ်လီၤ.

စီၤရီဘၢၣ်ထွ့စံးဝဲလၢတၢ်သမံသမိးမၤလီၤတံၢ်ပှၤနီၣ်ဂံၢ်အံၤပှၤဘၣ်ကီဘၣ်ခဲဖိကအိၣ်ဝဲဒ်အမ့ၢ်ပှၤသီဒီးပှၤလီၢ်လံၤဘၣ်ဆၣ်ပှၤလၢအိၣ်ဒီးတၢ်မၤ
နီၣ်မၤဃါသ့ၣ်တဖၣ်တၢ်ကထုးကွံာ်အစရီဧါတထုးကွံာ်ဘၣ်န့ၣ်တၢ်ကစီၣ်တအိၣ်ဖျါထီၣ်ဝဲဘၣ်န့ၣ်လီၤ.ဘၣ်ဆၣ်ပှၤလၢတပာ်ဖျါအသးဘၣ်
တဖၣ်တၢ်တသမံသမိးဒီးမၤနီၣ်ဃုာ်အီၤဘၣ်န့ၣ်လီၤ.

ဘၣ်ကီဘၣ်ခဲတၢ်ကစီၣ်သန့ပာ်ဖျါဝဲဒၣ်လၢမုၢ်မဆါတနံၤအံၤ(UNHCR)အိၣ်စ့ၢ်ကီးဒီးတၢ်ထံၣ်လိာ်အိၣ်သကိးဘၣ်ဃးဒီးတၢ်သမံသမိးဒီးမၤနီၣ်
မၤဃါတၢ်တိာ်ကျဲၤလၢဒဲကဝီၤတနီၤလံန့ၣ်လီၤ.

စီၤအီနဲး(မဲၢ်လးဒဲကဝီၤခိၣ်)စံးဘၣ်ကညီတၢ်ကစီၣ်လၢဟံၣ်လၢအါန့ၢ်ဒံး(၄၀,၀၀၀)ဘျဲၣ်ဖဲတၣ်(ခ်)ကီၢ်ရ့ၣ်,ထၣ်စီၣ်ယါကီၢ်ဆၣ်အပူၤအိၣ်ဒီးတၢ်
ထံးလိာ်တၢၣ်ပီၣ်သကိးဝဲတၢ်တိာ်ကျဲၤလၢတၢ်သမံသမိးမၤလီၤတံၢ်ပှၤနီၣ်ဂံၢ်အံၤန့ၣ်လီၤ.

မဲၢ်လးဒဲကဝီၤအပူၤကဝီၤဒိၣ်(A)ဒီးကဝီၤဒိၣ်(B)ဘၣ်တၢ်ထံၣ်လိာ်တၢၣ်ပီၣ်သကိးဘၣ်ဃးဒီးတၢ်သမံသမိးမၤလီၤတံၢ်ပှၤနီၣ်ဂံၢ်အံၤလံန့ၣ်လီၤ.ပှၤကိး
ဂၤဒဲးလၢအသးနံၣ်အိၣ်လံ(၁၁)နံၣ်ဒီးဆူဖီခိၣ်သ့ၣ်တဖၣ်တၢ်ကဟ့ၣ်လီၤအဝဲသ့ၣ်ခၣ်(card)ဒီးစုမုၢ်ကျၢၢ်အပနီၣ်လၢအဖီခိၣ်ဒီးတၢ်ကမၤနီၣ်မၤ
ဃါအီၤန့ၣ်လီၤ.တၢ်ဒုးသ့ၣ်ညါဝဲပှၤအိၣ်လၢဒဲကဝီၤအပူၤသ့ၣ်တဖၣ်လၢ်တၢ်ဂ့ၢ်အံၤန့ၣ်လီၤ.

နီၢ်ထူလွဲလၢအမ့ၢ်ကရ့ၣ်နံၣ်ဘၣ်ကီဘၣ်ခဲကမံးတံးနဲၣ်ရွဲၢ်အျၣ်လၢမဲၢ်ဟီၣ်စီၣ်စံးဘဒ်ကညီတၢ်ကစီၣ်ဒီးစံးဝဲလၢအဝဲမုၢ်လၢ်ဝဲလၢတၢ်သမံသမိး
မၤနီၣ်မၤဃါပှၤနီၣ်ဂံၢ်အံၤကမ့ၢ်တၢ်ဘျုးတၢ်ဖှိၣ်လၢပှၤဘၣ်ကီဘၣ်ခဲဖိအဂီၢ်လၢကျဲတဘိဘိန့ၣ်လီၤ.

တၢ်မ့ၢ်တဲတ့ၢ်လံပှၤလၢတၢ်ရဲၣ်တၢ်ကျဲၤအံၤတမ့ၢ်တၢ်မုၢ်လၢ်ကွၢ်စိလၢတၢ်လဲၤဆူကီၢ်သၢဘ့ၣ်တဘ့ၣ်အဂီၢ်ဒီးတၢ်က့ၤကဒါက့ၤအဂီၢ်ဘၣ်ဒၣ်လဲာ်တၢ်
ဆိကမိၣ်အိၣ်ထီၣ်ဝဲဒၣ်အါမးခီဖျိတၢ်မၤအကျဲလၢမုၢ်မဆါတနံၤအံၤန့ၣ်လီၤ.ပမုၢ်လၢ်လၢတၢ်သမံသမိးမၤနီၣ်မၤဃါပှၤနီၣ်ဂံၢ်အံၤကမၤစၢၤကီပှၤခီ
ဖျိတၢ်ဒီသဒၢပမ့ၢ်ဘၣ်တၢ်ဖီၣ်ပှၤဖဲပဟးထီၣ်လၢဒဲကဝီၤအချၢအကတီၢ်န့ၣ်လီၤ.

ကီၢ်ပယီၤကီၢ်ကၠီၣ်တဲၣ်ကီၢ်ဆၢဒဲကဝီၤ(၉)ဖျၢၣ်လၢအမ့ၢ်နိၣ်ဖိ,အူးပၠၣ်,မဲၢ်လး,မြၢ်ရၤမိၢ်,မဲၢ်လးအူ,ထၣ်(မ်)ဟ့ၣ်ဒိၣ်ယါ,ဘၣ်မဲၢ်နဲၣ်စွဲၤဒီးဘၣ်မဲၢ်စူးရံ(န်)
အပူၤ(TBC)အတၢ်မၤနီၣ်မၤဃါလီၢ်ခံကတၢၢ်ပှၤနီၢ်ဂံၢ်အိၣ်ဝဲ(၁၂၀,၀၀၀)ဂၤန့ၣ်လီၤ.(TBC)မ့ၢ်ပှၤဂ့ၢ်ဝီဘၣ်ထွဲအတၢ်လိၣ်ဘၣ်တၢ်မၤစၢၤကရၢလၢအ
ဟ့ၣ်တၢ်အီၣ်တၢ်အီဒီးတၢ်စူၣ်ထီၣ်တၢ်ပီးတၢ်လီဆူပှၤဘၣ်ကီဘၣ်ခဲဖိန့ၣ်လီၤ.

ပှၤဘၣ်ကီဘၣ်ခဲဖိအတၢ်ဂ့ၢ်မ့ၢ်ဝဲတၢ်မံၤဟူသၣ်ဖျါဖဲကီၢ်ပယီၤထံရူၢ်ကီၢ်သဲးတၢ်ဆီတလဲအိၣ်ထီၣ်ဝံၤအလီၢ်ခံန့ၣ်လီၤ.လီၤဆီဒၣ်တၢ်ပဒိၣ်ဒီးကလုာ်ဒူၣ်
ဖီၣ်စုကဝဲၤအဘၢၣ်စၢၤန့ၣ်လီၤ.ဖဲအပူၤကွံာ်နံၣ်ကီၢ်ပယီၤသုးခိၣ်ကျၢၢ်မ့အီၣ်လဲၣ်လဲၤထံၣ်လိာ်တ့ၢ်လံဒီးကၠီၣ်တဲၣ်သုးခိၣ်ကျၢၢ်ပရးယူၣ်အဆၢကတီၢ်
ပှၤဘၣ်ကီဘၣ်ခဲဖိအတၢ်ဂ့ၢ်အိၣ်လၢတၢ်တၢၣ်ပီၣ်ကတိၤသကိးတၢ်ရဲၣ်လီၤအပူၤန့ၣ်လီၤ.

တၢ်ကရၢကရိလၢဘၣ်ထွဲဒီးပှၤဘၣ်ကီဘၣ်ခဲဖိသ့ၣ်တဖၣ်ဃုာ်ဒီး(UNHCR)မ့ၢ်စံၣ်ဝဲလၢတအ့ၢ်ဒံးတၢ်ဆၢကတီၢ်ဘၣ်လံလၢတၢ်ကရဲၣ်ကျဲၤဘၣ်ဃး
ဒီးတၢ်က့ၤကဒါက့ၤဒံးဘၣ်ဒၣ်လဲာ်ပှၤအိၣ်လၢဒဲကဝီၤပူၤထံးဘၣ်ဝဲတၢ်ဖီၣ်ဃံးထီၣ်ဒီးတၢ်မၤဆူၣ်ထီၣ်သနူတၢ်ဘျၢသ့ၣ်တဖၣ်ခီဖျိကၠီၣ်တဲၣ်ပှၤဘၣ်မူ
ဘၣ်ဒါဒ်အမ့ၢ်တၢ်ဖီၣ်ဃံးထီၣ်တၢ်သိၣ်တၢ်သီ,တၢ်လဲၤထီၣ်က့ၤလီၤ,ပှၤဂ့ၢ်ဝီဘၣ်ထွဲအတၢ်လိၣ်ဘၣ်သ့ၣ်တဖၣ်အါသနၢၣ်အတၢ်ဟ့ၣ်မၤစၢၤပှၤဘၣ်ကီ
ဘၣ်ခဲဖိသ့ၣ်တဖၣ်လီၤစှၤဝဲဃုာ်ဒီးတၢ်အီၣ်တၢ်အီ,တၢ်အိၣ်ဆူၣ်အိၣ်ချ့အတၢ်ကွၢ်ထွဲမၤစၢၤ,တၢ်ကူၣ်ဘၣ်ကူၣ်သ့ဒီးတၢ်အဂုၤအဂၤသ့ၣ်တဖၣ်န့ၣ်
လီၤ.