ကီၢ်ပယီၤကလုာ်ဒူၣ်ပၢၢ်ဆၢတၢ်ကရူၢ်အါဖုအိၣ်ဒီးသူၣ်ဆူၣ်သးဂဲၤလၢကစးထီၣ်တဲကျဲၤသကိးတၢ်ဘၣ်ဃးတၢ်မုာ်တၢ်ခုၣ်ဒီးပဒိၣ်လၢကဟဲ
တဖုအဂ့ၢ်,အဝဲသ့ၣ်စံးဝဲဖဲလၢမုၢ်ဒဲးအနံၤတၢ်ဃုထၢလၢ(NLD)ကရၢဒိးန့ၢ်ဘၣ်တၢ်မၤနၢၤဝံၤအလီၢ်ခံန့ၣ်လီၤ.

ပှၤပၢၢ်ဆၢတၢ်ကရူၢ်တနီၤနီၤစံးဘၣ်(Dpa)တၢ်ကစီၣ်လၢတၢ်အစၢအိၣ်ဖျါအံၤကဒါလီၤန့ၢ်ကျဲလၢတၢ်ကပတုာ်ကွံာ်ထံလီၢ်ကီၢ်ပူၤတၢ်ဒုးတၢ်
ယၤလၢဆံဖှိၣ်နံၣ်တဖၣ်အတီၢ်ပူၤန့ၣ်လီၤ.လါနါလၢအမ့ၢ်ပှၤန့ၢ်စံးကတိၤတၢ်လၢကခၠ့ၣ်တၢ်သဘျ့သုးမုၢ်ဒိၣ်စံးဝဲ,ပအိၣ်ဒီးတၢ်သူၣ်ဆူၣ်
သးဂဲၤလၢကစးထီၣ်တၢ်ကတိၤသကိးတၢ်မုာ်တၢ်ခုၣ်န့ၣ်လီၤ.

ပဒိၣ်လၢကဟဲတဖုလၢအီၣ်ဆါစူးကၠံၣ်ကတီခိၣ်ရိာ်မဲဝဲအံၤအဖီခိၣ်ပတအိၣ်ဒီးတၢ်သ့ဒ့ဒီနီတမံၤဘၣ်န့ၣ်လီၤ.ပနာ်လၢပသူၣ်ထီၣ်တၢ်မုာ်
တၢ်ခုၣ်နီၢ်နီၢ်ကသ့ဝဲဒၣ်န့ၣ်အဂ့ၢ်,စံးဘၣ်ဝဲ(Dpa)တၢ်ကစီၣ်ခီဖျိလီလၢတဲစိန့ၣ်လီၤ.(SSA)ကရၢဂ့ၢ်လိာ်ဝဲလၢကဆဲးလီၤစုမုၢ်ကျၢၢ်လၢတၢ်
ပတုာ်တၢ်ခးအတၢ်အၢၣ်လီၤအီလီၤဖဲလါအီးကထိဘၢၣ်အပူၤမ့ၢ်လၢပဆိကမိၣ်လၢတၢ်ဆဲးလီၤစုမုၢ်ကျၢၢ်အံၤဟဲစိာ်ဃီၤန့ၢ်ပှၤတၢ်မုာ်တၢ်ခုၣ်
နီၢ်နီၢ်တသ့ဘၣ်အဃိန့ၣ်လီၤယဆိကမိၣ်လၢတၢ်ဂ့ၢ်ဒ်အံၤအဃိသုးမုၢ်ဟဲထီၣ်ဒုးပှၤဆူၣ်ဆူၣ်န့ၣ်အဂ့ၢ်,သုးခိၣ်ဒိၣ်ဖိစဲလါစံးဘၣ်(Dpa)တၢ်
ကစီၣ်ခီဖျိလၢလီတဲစိန့ၣ်လီၤ.

ဒ်လဲၣ်ဂ့ၤပအိၣ်ကတဲာ်ကတီၤပာ်ပသးလၢပကကတိၤသကိးတၢ်ဒီး(NLD)တီခိၣ်ရိာ်မဲပဒိၣ်အံၤန့ၣ်အဂ့ၢ်,အဝဲစံးဝဲန့ၣ်လီၤ.(UWSA)ကရၢ
လၢအမ့ၢ်ပှၤဖီၣ်စုကဝဲၤကရၢလၢအဒိၣ်ကတၢၢ်အကျါတဖုအံၤတူၢ်လိာ်မုာ်စ့ၢ်ကီးဝဲ(NLD)ကရၢအတၢ်မၤနၢၤန့ၣ်လီၤ.