မြန်မာနိုင်ငံ အရှေ့တောင်ပိုင်းတနင်္သာရီဒေသကြီးအခြေစိုက်ပင်လယ်ကမ်းခြေမှ ကျေးရွာ(၁၁)ရွာသည်ဒေသတွင်းအခြေစိုက်
ကမ္ဘာလှည့်ခရီးသွားလုပ်ငန်းများတွင်ပါဝင်မည်ဖြစ်ကြောင်း ဟိုတယ်နှင့်ခရီးသွားညွှန်ကြားမှုဦးစီးဌာနရုံး၏အဆိုရသိရှိရသည်။

လက်ရှိတွင် စီမံကိန်းအား ပြည်ထောင်စုအဆင့် အစိုးရထံသို့တင်သွင်းထားပြီဖြစ်ပြီး၊ လက်ရှိ၂၀၁၆-၂၀၁၇ ဘဏ္ဍာနှစ်အတွင်း
အကောင်အထည်ဖော်ဆောင်ရွက်မည်ဖြစ်သည်။

“ဒေသတွင်းအခြေစိုက်ကမ္ဘာလှည့်ခရီးသွားလုပ်ငန်းဆိုတာနိုင်ငံခြားရင်းနှီးမြှုပ်နှံမှု အမျိုးအစားတစ်ခုနဲ့တူပါတယ်။ ဒါပေမယ့်
ဒေသဖွံ့ဖြိုးတိုးတက်မှုနဲ့ ပတ်သတ်တဲ့အခန်းကဏ္ဍတွေ့မှာဒေသခံတွေလဲပါဝင်ကြမှာမို့လို့ဒီ စီမံကိန်းမှာဒေသတွင်းနေထိုင်သူ
တွေလဲ ပါဝင်မှာပါ။ ဒေသခံတွေအတွက် ကိုယ့်အားကိုယ်ကိုးနိုင်လာကြပါလိမ့်မယ်။ ဟိုတယ်နှင့်ခရီးသွားညွှန်ကြားမှုဦးစီးဌာန
ကစီမံကိန်းတစ်ခုလုံးကို ကြီးကြပ်ပါမယ် ” ဟုတနင်္သာရီဒေသရှိဟိုတယ်နှင့်ခရီးသွားညွှန်ကြားမှုဦးစီးဌာနမှ ညွှန်ကြားရေးမှူးဖြစ်
သူဦးနိုင်ဝင်းကပြောကြားခဲ့သည်။

ကမ္ဘာလှည့်ခရီးသည်များ နေထိုင်ရန်အတွက် တိုင်းရင်းသားရိုးရာအိမ်များကို ကျေးရွာ(၁၁)ရွာတွင် ဆောက်လုပ်မည်ဖြစ်ပြီးရိုး
ရာအစားအစာ၊ လက်မှုပညာများနှင့်တိုင်းရင်းသားဘဝနေထိုင်မှုပုံစံ၊ ကမ္ဘာလှည့်ခရီးသည်များလေ့လာနိုင်ရန်အတွက်သဘာဝ
ပတ်ဝန်းကျင်စသည် တို့ကိုလည်းပံ့ပိုးပေးမည်ဖြစ်သည်။ ဒေသတွင်းနေထိုင်သူများကိုယ်တိုင်လုပ်ကိုင်မည့် စီးပွားရေးလုပ်ငန်း
များလည်းပါဝင်မည်ဖြစ်သည်။

ရရှိလာ​မည့် မည်သည့်အကျိုးအမြတ်ကို မဆိုစီးပွားရေးလုပ်ငန်းရှင်များနှင့်ဒေသခံနေထိုင်သူများအတွင်း ၅၀-၅၀ စီခွဲယူမည်
ဖြစ်သည်ဟုဦးနိုင်ဝင်းက ဆက်လက်ပြောကြားခဲ့သည်။

ဒေသတွင်းအခြေစိုက် ကမ္ဘာလှည့်ခရီးသွားလုပ်ငန်းအား ပံ့ပိုးပေးမည့်ကျေးရွာများမှာ ထားဝယ်ခရိုင်တွင် - စန်းလန်း၊ ညော
ပြင်၊ မတာနှင့်ဆင်ဖြူတိုင် တို့ဖြစ်ကြပြီး ၊ မြိတ်ခရိုင်ရှိ ကျေးရွာများမှာ -ဥယျာဉ်သောင်းကန်၊ ဒုန်ညောင်မိုင်၊ ဒုန်ကမာကျောင်း၊
ဒဟွန်တို့ဖြစ်ကြပြီး၊ ကော့သောင်းခရိုင်ရှိကျေးရွာများမှာ - မကျုံးဂ၊ ညောင်ဝီ နှင့်ဂျာလန်း တို့ဖြစ်ကြသည်။