ဘီၢ်ထီၤတၢ်ဆီၣ်ထွဲတၢ်ကူၣ်ဘၣ်ကူၣ်သ့တရဲၣ်တၢ်ကျဲၤကၠိ Bop Htaw Education Empowerment Program,
လၢအမ့ၢ်တီၤ တဆံဖျိ ကၠိခံနံၣ်တနံၣ် လၢဘၣ်တၢ်ကွၢ်ထွဲမၤအီၤလၢ မိၢ်ဒီကလုာ်တၢ်ကူၣ်ဘၣ်ကူၣ်သ့ကမံးတံာ်
Mon National Education Committee (MNEC), ဘၣ်တၢ်သုးအလီၢ်ဆူ သၤဖၠူၤစယၢ်ကီၢ်ဆၣ်, မိၣ်ကီၢ်စဲၢ်အ
ပူၤန့ၣ်လီၤ.

"ပ၀ဲဘီၢ်ထီၤကၠိအံၤ ပမုၢ်လၢ်လၢပကသိၣ်လိမၤယုၤကၠိဖိ ဒ်သိးကကဲ ထီၣ်ကၠိသရၣ်လၢအိၣ်ဒီးအကံၢ်အစီ ဒီးအိၣ်
ဒီးတၢ်သ့တၢ်ဘၣ်လၢ ဆိ ကမိၣ်ပဲာ်ဖးနီၤဖးတၢ်လၢအကစၢ်ဒၣ်၀ဲသ့ အဂီၢ်လီၤ. ပသိၣ်လိစ့ၢ်ကီး ကိၤလၤ၀ါကျိာ်
အပတီၢ်လွံၢ် ဒီး တုၤအပတီၢ်ထီလီၤ. ကၠိဖိတဖၣ် မ့ ဘၣ်မၤလိတၢ်သ့တၢ်ဘၣ်ဒ်သိးအံၤလၢ၀့ၢ်တကူၣ်န့ၣ်, ကဘၣ်
ဟ့ၣ်ဘၣ် အပှ့ၤဖးဒိၣ်လီၤ. အဃိန့ၣ်, ယဆိမိၣ်လၢမ့ၢ်တၢ်ခွဲးတၢ်ယာ်ဖးဒိၣ်လၢ ကၠိဖိတဖၣ်အဂီၢ် လၢမၤလိဘၣ်
တၢ်ဖဲအံၤလီၤ. အ၀ဲသ့ၣ်တလိၣ်ဟ့ၣ် ဘၣ်စ့အါအါဘၣ် ဘၣ်ဆၣ်တၢ်သိၣ်လိအ၀ဲသ့ၣ်လၢ တၢ်သိၣ်လိကျဲလၢ
အဂ့ၤအမူးနီၢ် ဒီးတၢ်သိၣ်လိအ၀ဲသ့ၣ်လၢ စုတၢ်မၤနီၢ်နီၢ်လီၤ." မံၣ်ဖိ ဟဲၤ လၢအမ့ၢ်ဘီၢ်ထီၤကၠိခံနံၣ်တၢ်ရဲၣ်တၢ်
ကျဲၤ အပှၤသုးကျဲၤနဲၣ်တၢ်, စံး၀ဲလီၤ.

ကၠိအ၀ဲအံၤစးထီၣ်အိးထီၣ်လၢ ၂၀၀၀ နံၣ်ဒီးမ့ၢ်၀ဲခံနံၣ်တၢ်ရဲၣ်တၢ်ကျဲၤကၠိလီၤ. ပှၤလၢအဲၣ်ဒိးထီၣ်ကၠိအ၀ဲအံၤ
ဘၣ်မ့ၢ်ကၠိဖိလၢအဖျိ တီၤထီကၠိလၢကီၢ်ပဒိၣ်ကၠိ မ့တမ့ၢ် MNEC ကၠိတဖၣ်လီၤ. မိၣ်ကၠိသရၣ်လၢအဲၣ်ဒိးထီၣ်ကၠိ
အ၀ဲအံၤ ကဘၣ်မ့ၢ်ပှၤလၢအသိၣ်လိပာ် လံတၢ်လၢကၠိတဖျၢၣ်ဂ့ၤတဖျၢၣ်ဂ့ၤ သၢနံၣ်လီၤ.

တီၤဖျိကၠိ ခံနံၣ်တၢ်ရဲၣ်တၢ်ကျဲၤ အကၠိနံၣ်လၢ ၂၀၁၆ - ၂၀၁၇ အ ဂီၢ်, စးထီၣ်ဖဲ လါယူၤတသီ ဖဲတၢ်လီၢ်အဆၢ
ကတီၢ်ခဲအံၤ သၤဖၠူၤ စယၢ်ကီၢ်၀့ၢ်ပူၤန့ၣ်လီၤ. MNEC ကွၢ်ထွဲမၤ၀ဲကၠိ အိၣ်၀ဲ (၁၃၈) ဖျၢၣ်, ပၣ်ဃုာ်၀ဲ ဘီၢ်ထီၤကၠိ,
တီၤထီကၠိသၢဖျၢၣ်, တီၤခၢၣ်သးကၠိတဆံဃုဖျၢၣ်, ဒီးတီၤဖုၣ်ကၠိ ဃိးဆံခွံဖျၢၣ်လီၤ.