ဟီၣ်ခိၣ်လၢကီၢ်သုးမုၢ်ဒိၣ်ဟံးန့ၢ်, ၂၃၂ အ့ခၢၣ်ဘျဲၣ်တၢ်ဟ့ၣ်လီၤကဒါဆူ ဟီၣ်ခိၣ်ကစၢ်လၢက မၤအီၣ်၀ဲတစိၢ်တလီၢ်အဂီၢ်

...

ဟီၣ်ခိၣ်လၢကီၢ်သုးမုၢ်ဒိၣ်ဟံးန့ၢ်, ၂၃၂ အ့ခၢၣ်ဘျဲၣ်တၢ်ဟ့ၣ်လီၤကဒါဆူ ဟီၣ်ခိၣ်ကစၢ်လၢက မၤအီၣ်၀ဲတစိၢ်တလီၢ်အဂီၢ်

KIC, 20 Jun 2016

URL: http://kicnews.org/2016/06/%E1%80%85%E1%80%85%E1%80%B9%E1%80%90%E1%80%95%E1%80%B9%E1%82%8F%E1%80%BD%E1%80%84%E1%80%B9%E1%80%B7-%E1%80%9D%E1%80%94%E1%8
ကညီကီၢ်စဲၢ်ပဒိၣ် တၢ်ပၢဆှၢကွၢ်ထွဲစံာ်ပှဲၤ၀ဲၤကျိၤ ဟ့ၣ်ကဒါက့ၤစံာ်လီၢ် ၂၃၂.၄ အ့ခၢၣ်ဆူဟီၣ်ခိၣ်ကစၢ်ဂံၢ်ထံး
ဖဲလါယူၤ (၁၇) သီ အနံၤန့ၣ်လီၤ. စံာ်လီၢ်သ့ၣ်တဖၣ်အံၤအပူၤကွံာ် ဘၣ်တၢ်ဟံးန့ၢ်ဆူၣ်အီၤလၢ ကီၢ်ပယီၤသုးမုၢ်
ခီၣ်ချ့သုးရ့ၣ် (၃၃၈) ဒီး (၃၃၉). ကီၢ် စဲၢ်တၢ်ပၢဆှၢဃိာ်တၢ်ဒုးဃာ်, ဒီးအပူၤကွံာ်နီၢ်ဂံၢ် (၂) စဲးဖီကဟၣ်ဟီၣ်က၀ီၤ
သ့ၣ်တဖၣ်န့ၣ်လီၤ.

ဟီၣ်ခိၣ်လၢတၢ်ဟ့ၣ်က့ၤ၀ဲတဖၣ် မ့ၢ်လၢကညီကီၢ်စဲၢ်အပူၤ - သၤမိ တီၤသ၀ီလၢ သါတီၤကၠံကီၢ်ဆၣ်, လ့ခနးသ
၀ီလၢ ဖၣ်အၣ်ကီၢ်ဆၣ်, ဒီးကီးလဲသ၀ီလၢ လူၢ်ပျဲၢ်ကီၢ်ဆၣ်တဖၣ်လီၤ. တၢ်ဟ့ၣ်လီၤက့ၤဟီၣ် ခိၣ်အမူးအံၤ ဘၣ်
တၢ်မၤအီၤဖဲကၤသၤယၤဘျီဒိၣ်, ဖၣ်အၣ်၀့ၢ်, က ညီကီၢ်စဲၢ်အပူၤ, ဒီးကညီကီၢ်စဲၢ်ကိတိၤခိၣ်ကျၢၢ် ဒီးပှၤဘၣ်မူ
ဘၣ်ဒါ လၢတၢ်ပၢဆှၢကွၢ်ထွဲစံာ်ပှဲၤ၀ဲၤကျိၤ တဖၣ်ဟဲထီၣ်၀ဲန့ၣ်လီၤ.

ဒ်ကီၢ်စဲၢ်တၢ်ပၢဆှၢကွၢ်ထွဲစံာ်ပှဲၤ ဒီးတၢ်မၤနီၣ်မၤဃါစရီ၀ဲၤကျိၤ အ ပှၤနဲၣ်တၢ်အူနဲၤအီၣ်စံး၀ဲအသိး, "ဟီၣ်ခိၣ်
လၢတၢ်ဟ့ၣ်ကဒါက့ၤ၀ဲခဲ အံၤတဖၣ် တၢ်ကွၢ်ထံဆိကမိၣ်လၢအဂ့ၢ်လီၤတံၢ်လီၤဆဲးဒီး တၢ်ထံၣ် န့ၢ်၀ဲလၢတၢ်တ
မၤအီၣ်အီၤဘၣ်. ပဟ့ၣ်ကဒါက့ၤဟီၣ်ခိၣ်သ့ၣ်တဖၣ် အံၤ ပကွၢ်လၢပှၤမၤစံာ်ဖိတဖၣ်မၤအီၣ်၀ဲဒ်လဲၣ်အဖီခိၣ်လီၤ.
ပမ့ၢ်မၤလၢတၢ်သိၣ်တၢ်သီအကျဲတၢန့ၣ်ဒီး နဟ့ၣ်က့ၤဟီၣ်ခိၣ်ကသ့အ ဂီၢ်နဘၣ်အိၣ်ခိးကွၢ် မတၤလၢထီဒါ၀ဲက
အိၣ်လၢတလါအတီၢ်ပူၤလီၤ. ဒီးနမ့ၢ်ဘၣ်လဲၤတဆီဘၣ်တဆီ ဒ်တၢ်သိၣ်တၢ်သီအကျဲတၢ န့ၣ်ဒီး ကတံာ်တာ်၀ဲ
(၈၉) သီလီၤ. လၢတၢ်န့ၣ်အဃိ, ဒ်သိးပှၤမၤစံာ်ဖိတဖၣ် သူၣ်လီၤဖျးလီၤတၢ်ကချုးဆၢချုးကတီၢ်အဂီၢ် ပဟ့ၣ်
မၤအီၣ်ဆိပာ်အ၀ဲသ့ၣ် လၢတစိၢ်တလီၢ်အဂီၢ်လီၤ. ၀ံၤဘျီပကစးထီၣ်မၤဒ်တၢ်သိၣ်တၢ်သီအကျဲတၢ လၢတၢ်က
ဟ့ၣ်က့ၤအ၀ဲသ့ၣ်လၢ တၢ်မၤကျဲအနီၢ်နီၢ် လၢအဆိအချ့န့ၣ်လီၤ.

ဒ်ဟီၣ်ခိၣ်ကစၢ်လၢတၢ်ဟံးန့ၢ်ဟီၣ်ခိၣ်လၢအ၀ဲသ့ၣ်အိၣ် စံး၀ဲအသိး, ဟီၣ်ခိၣ်လၢတၢ်ဟ့ၣ်က့ၤ၀ဲ ၂၃၂.၄ အ့ခၢၣ်
အံၤ မ့ၢ်တၢ်အဆံးအ စှၤလၢတၢ်ဟံးန့ၢ်အီၤအကျါ လၢအပူၤကွံာ်လီၤ. ဟီၣ်ခိၣ်အိၣ်ဒံး၀ဲအါမးလၢ တၢ်ကဘၣ်ဟ့ၣ်
က့ၤဆူ အကစၢ်ဂံၢ်ထံးအိၣ်လီၤ.

"ဟီၣ်ခိၣ်လၢတၢ်ဟ့ၣ်ကဒါက့ၤ၀ဲခဲအံၤတဖၣ် မ့ၢ်ဒၣ်တၢ်လၢအဆံးအစှၤလီၤ. ဟီၣ်ခိၣ်လၢသုးမုၢ်ဒိၣ်ဟံးန့ၢ်ဆူၣ်၀ဲ
အိၣ်အါမးဒီးအ၀ဲ သ့ၣ်တသူအီၣ်၀ဲနီတမံၤဘၣ်. ဟီၣ်ခိၣ်လၢတၢ်ဟ့ၣ်လီၤက့ၤ၀ဲခဲအံၤတဖၣ် အိၣ်စီၤစှၤယံၤမးဒီးသ
၀ီလီၤ. မ့ၢ်ဟီၣ်ခိၣ်လၢနမၤအီၣ်တၢ် တဂ့ၤဘၣ်, နကမၤတၢ်မနုၤလဲၣ်. အ၀ဲသ့ၣ်မ့အဲၣ်ဒိးဟ့ၣ် ဟ့ၣ်စၢ်ခီလၢပှၤကိး
ဂၤဒဲးဒ်သိးသိး, တဘၣ်မၤအိၣ်မဲာ်, ကွၢ်မဲာ်ပှၤကညီဒီး ဟ့ၣ်တဂ့ၤ. ဒီးတချုးဟ့ၣ်လဲၤသံကွၢ်ဆိလၢ ပှၤအနီၢ်ကစၢ်၀ံၤ
မးဟ့ၣ်. ဟီၣ်ခိၣ်လၢအ၀ဲသ့ၣ်ဟံးန့ၢ်ဆူၣ်လၢယအိၣ် အိၣ်အါမး, ဘၣ် ဆၣ်ဟီၣ်ခိၣ်လၢတၢ်ဟ့ၣ်က့ၤအီၤအကျါ
ယတၢ်တပၣ်နီတခါဘၣ်." စီၤပီၣ်ပၠါ, လၢအမ့ၢ်ကီးလဲသ၀ီဖိလၢ လူၢ်ပျဲၢ်ကီၢ်ဆၣ်, စံးဘၣ် KIC တၢ်ကစီၣ်န့ၣ်လီၤ.

စးထီၣ်လၢ ၁၉၉၁ လံၤလံၤ, ကီၢ်ပဒိၣ်ဟံးန့ၢ်ဆူၣ်သ၀ီဖိအဟီၣ်ခိၣ်လၢ ကညီကီၢ်စဲၢ်အပူၤအိၣ်အါမး, ဒီးသ၀ီဖိတ
ဖၣ်အဲၣ်ဒိး၀ဲလၢ ပ ဒိၣ်ကဟ့ၣ်ကဒါက့ၤအ၀ဲသ့ၣ်အဟီၣ်ခိၣ် လၢအဆိအချ့အဂ့ၢ်, ဟီၣ်က၀ီၤကမျၢၢ်လၢအိၣ်ခိး
တၢ်ကဟ့ၣ်က့ၤအ၀ဲသ့ၣ်ဟီၣ်ခိၣ်တဖၣ် စံး၀ဲဒၣ်လီၤ.