လၢထံကီၢ်ခံဘ့ၣ် တၢ်အၢၣ်လီၤအသီဖီခိၣ် ပှၤလဲၤတၢ်ဖိလၢအခီ မၠး၀တံၣ်-မဲၢ်ဆီးကီၢ်ဆၢ တၢ်ကပျဲအိၣ်အ၀ဲသ့ၣ်
လၢမဲၢ်ဆီးဟီၣ်က၀ီၤ တၢ်ဆၢကတီၢ်တုၤနွံသီန့ၣ်လီၤ. တၢ်အၢၣ်လီၤအသီအ၀ဲအံၤ တၢ် ကစးထီၣ်စူးကါအီၤ ဖဲလါ
အီးထိဘၢၣ် ၁ သီ, ၂၀၁၆ လီၤ.

ကီၢ်ပယီၤ ပှၤမၤတၢ်ဖိ, တၢ်နုာ်လီၤဟးထီၣ်ထံလီၢ်ကီၢ်ပူၤ ဒီးပှၤနီၢ်ဂံၢ်စရီကိတိၤ ဒီး ကီၢ်ကၠီၣ်တဲၣ် ထံလီၢ်ကီၢ်ပူၤကိတိၤ
ဒီးကၠီၣ်တဲၣ် စီၤပၤတၢ်နုာ်လီၤဟးထီၣ် ထံလီၢ်ကီၢ်ပူၤ၀ဲၤကျိၤသ့ၣ်တဖၣ်အၢၣ်လီၤတူၢ်လိာ်သကိး၀ဲ လၢကမၤအါထီၣ်
တၢ်ဆၢကတီၢ်လၢ တၢ်ခီကီၢ် ဆၢတၢ်ပျဲအံၤန့ၣ်လီၤ. လၢအပူၤကွံာ်တၢ်အၢၣ်လီၤအပူၤ မၠး၀တံၣ်-မဲၢ်ဆီးလံာ်တၢ်ပျဲတ
စိၢ်တလီၢ် တၢ်ဟ့ၣ်အခွဲးထဲလၢတနံၤအဂီၢ် စးထီၣ်ဂီၤ ၆ နၣ် ရံၣ်တုၤဟါခီ ၆ နၣ်ရံၣ်ဧိၤလီၤ.

ဒ်ပဒိၣ်ပှၤဘၣ်မူဘၣ်ဒါတဖၣ်စံး၀ဲအသိး, ဒ်သိးကန့ၢ်ခီကီၢ်ဆၢ လံာ်တၢ်ပျဲတစိၢ်တလီၢ်အဂီၢ် ပှၤကဘၣ်ဒုးနဲၣ်ကီၢ်ပယီၤ
ထံဖိကီၢ် ဖိလံာ်အုၣ်သး NRC card ဒီးဟ့ၣ်လီၤစ့ ၁,၅၀၀ ကၠးလၢတၢ် ကဆဲးလီၤမံၤအဂီၢ် ဖဲကီၢ်ပယီၤတၢ်နုာ်လီၤဟး
ထီၣ်ထံလီၢ်ကီၢ် ပူၤ၀ဲၤဒၢး ဒီး ဘၣ်ဟ့ၣ်စ့ ၂၀ ဘး ဖဲကၠီၣ်တဲၣ်တၢ်နုာ်လီၤဟးထီၣ် ထံလီၢ်ကီၢ်ပူၤ ၀ဲၤဒၢးန့ၣ်လီၤ. ပှၤလၢ
အစိာ်လံာ်တၢ်ပျဲတဖၣ် တၢ် ပျဲအီၤအခွဲးလၢ ကလဲၤတုၤလၢဖိၣ်ြဖၣ် ဒီးမဲၢ်ရမးကီၢ်ဆၣ် လၢ ကီၢ်ကၠီၣ်တဲၣ် မဲၢ်ဆီးဟီၣ်
က၀ီၤပူၤန့ၣ်လီၤ.

ပှၤလၢအခီဃီၤကီၢ်ဆၢလၢအကစၢ်ဒၣ်၀ဲကါတဖၣ် ကဘၣ်ဟ့ၣ်စ့ ၂၅,၀၀၀ ကၠး ဒီးတၢ်ဟ့ၣ်အီၤအခွဲးထဲလၢ ကဟး
လၢမဲၢ်ဆီး၀့ၢ်ပူၤ ဒီးတၢ်တပျဲကလဲၤတုၤလၢဖိၣ်ြဖၣ်ဒီး မဲၢ်ရမးကီၢ်ဆၣ်န့ၣ်ဘၣ်.

ကိးနံၤဒဲး ပှၤလၢအခီကီၢ်ဆၢလၢဖိးသဲစးအကျဲ ခီဖျိကၠီၣ်တဲၣ်-ကီၢ်ပယီၤတၢ်ရ့လိာ်မုာ်လိာ်တိၤ ဒ်သိးကမၤတၢ်လၢမဲၢ်ဆီး
အိၣ်၀ဲအါအ သိး, ပှၤလၢအခီဆူမဲၢ်ဆီးဒီးချံ လၢတၢ်လီၢ်အါတီၤလၢတိၤအဖီလာ် အိၣ်၀ဲအါဂၤစ့ၢ်ကီးန့ၣ်လီၤ.