လၢဒီကလုာ်ဒံၣ်မိၣ်ကရ့ၣ်စံၣ်စၢဖှိၣ်ပဒိၣ် NLD ၂၀၁၆ ဟံးန့ၢ်တၢ်စိကမီၤ၀ံၤအလီၢ်ခံ ကီၢ်ပယီၤအတၢ်ရ့လိာ်ဒီး ထံဂုၤကီၢ်ဂၤဟဲ ဂ့ၤထီၣ်, အဂ့ၢ် အူကၠီၤစ့ၤယၤ လၢအမ့ၢ်ထီဘိနဲၢ်ရွဲၣ်လၢ ထံဂုၤကီၢ်ဂၤကိတိာ်
Ministry of Foreign Affiars (MOFA), စံး၀ဲဖဲမဟါတနံၤလီၤ.

"ဖဲပကွၢ်ကဒါက့ၤပတၢ်ဖံးတၢ်မၤအဂ့ၢ်အခါ, အါဒၣ်တက့ၢ် လၢ ပကွၢ်လၢတၢ်လၢပမၤကဲထီၣ်လီၤ. တၢ်လၢပမၤတကဲ ထီၣ်လိၣ်ထီၣ်တဖၣ် ကီလၢပကကွၢ်တယၢၢ်တယာ်လၢအ ဂ့ၢ်လီၤ." အ၀ဲဒၣ်စံး၀ဲ ဖဲ
တၢ်ထံၣ်လိာ်ဒီးတၢ်ကစီၣ်သန့ ဘၣ် ထွဲပဒိၣ်တၢ်ဘှီဘၣ်ဆီတလဲတၢ်မၤအဂ့ၢ် ဖဲအဆိကတၢၢ်တ နံၣ်အတီၢ်ပူၤလီၤ.

ကိတိာ်အတၢ်မၤလၢ အကဲထီၣ်လိၣ်ထီၣ်ဒိၣ်ကတၢၢ်တခါမ့ၢ် ယူရပၤကီၢ်စၢဖှိၣ် European Union အတၢ်ဆၢတဲာ်လၢ တဟံးန့ၢ်တၢ်ဆၢတဲာ်နီတမံၤ ဘၣ်ဃးကီၢ်ပယီၤပှၤကညီ ခွဲးယာ်တၢ်ဂ့ၢ်အဖီခိၣ်, ဖဲ
ဘီမုၢ်စၢဖှိၣ်ကရၢ ဘျီၣ်ဒိၣ်ကမံာ် တံာ်သၢဘျီတဘျီတၢ်အိၣ်ဖှိၣ်, အပူၤကွံာ်မဟိတနံၣ်လီၤ.

စးထီၣ်လၢ ၁၉၉၁ လံၤလံၤ ယူရပၤကီၢ်စၢဖှိၣ် ဟဲစိာ်နုာ်၀ဲ ကီၢ်ပယီၤတၢ်လုၢ်သ့ၣ်ခါပတာ် ပှၤဂ့ၢ်၀ီခွဲးယာ်တၢ်ဂ့ၢ် လၢဘီ မုၢ်စၢဖှိၣ်ကရၢဘျီၣ်ဒိၣ်တၢ်အိၣ်ဖှိၣ်ပူၤ လၢတၢ်ကသ့ၣ်ညါထွဲ ဒီး တၢ်ကမၤတၢ်ဆၢတဲာ်
အဂီၢ်လီၤ.

ယူရပၤကီၢ်စၢဖှိၣ် အခၢၣ်စးကရၢ စံး၀ဲလၢအလံာ်ဘိးဘၣ်ရၤလီၤအပူၤ အတၢ်ဆၢတဲာ်လၢ တဟံးန့ၢ်တၢ်ဆၢတဲာ်နီတမံၤလၢ ကီၢ် ပယီၤပှၤကညီခွဲးယာ်တၢ်ဂ့ၢ်ဖီခိၣ် မ့ၢ်လၢ "တၢ်သ့ၣ်ညါပာ်ပနီၣ်၀ဲ ကီၢ်ပယီၤ
အတၢ်လဲၤထီၣ်လဲၤထီလၢ တၢ်ဆီတလဲအသးဆူ ဒံၣ် မိၣ်ကရ့ၣ်စံၣ်သနူ, တၢ်ထဲးဂံၢ်ထဲးဘါမၤဆူၣ်ထီၣ် တၢ်မုာ်တၢ်ခုၣ်တၢ်မၤအကျဲ ဒီးတၢ်မၤအဂ့ၤလၢ ပဒိၣ်ထီၣ်သီစးထီၣ်မၤ၀ဲ ဒ်သိးက မၤဂ့ၤထီၣ်ပှၤက
ညီခွဲးယာ်အတၢ်အိၣ်သး အဂီၢ်အဃိန့ၣ်လီၤ."

"ပစံးသ့လၢ တၢ်၀ဲအံၤမ့ၢ်တၢ်ကဲထီၣ်လိၣ်ထီၣ် လီၤဆီတခါလီၤ." အူကၠီၤစ့ၤယၤ, စံး.

အ၀ဲဒၣ်စံး၀ဲလၢ, ကီၢ်ပယီၤအတၢ်ရ့လိာ်မုာ်လိာ် အဂံၢ်အဘါဟဲဆူၣ်ထီၣ် ဒီးဖဲလၢတၢ်ရ့လိာ်မုာ်လိာ်ဟးဂီၤအခါ, တၢ်ကစံးသ့လၢ တၢ်မၤတကဲထီၣ်လိၣ်ထီၣ်ဘၣ်န့ၣ်လီၤ.

"ကီလၢပကစံး တၢ်ဂ့ၢ်ဖဲလၢ်တခါ တကဲထီၣ်လိၣ်ထီၣ်ဘၣ်လဲၣ်, မ့ၢ်လၢ ပတၢ်မၤအလုၢ်အလၢ်မ့ၢ် တၢ်မၤဒိၣ်ထီၣ်ဆူၣ်ထီၣ် တၢ်ရ့လိာ် မုာ်လိာ်အဃိလီၤ.

"ပထံကီၢ် ဘၣ်တၢ်ဆီၣ်ထွဲအီၤလၢ ထံဂုၤကီၢ်ဂၤတဖၣ်လီၤ. ထံကီၢ်တနီၤနီၤ အဲၣ်ဒိးစၢၢ်ဆၢအါထီၣ် လၢပထံကီၢ်ပှၤကညီခွဲးယာ်အ တၢ်အိၣ်သးတပၤလီၤ. ပကဘၣ်ဆဲးကျိးဒီးအ၀ဲသ့ၣ် အါထီၣ်လီၤ.

"ဖဲပသူၣ်ထီၣ်တၢ်ရ့လိာ်မုာ်လိာ်ဒီးအ၀ဲသ့ၣ်အခါ, ပကဘၣ်ဒီသဒၢ ဒီးသးစၢၢ်ဆၢပတၢ်ဘၣ်ဘျုးလီၤ, လီၤဆီဒၣ်တၢ်လၢ ထံကီၢ်နီၢ် ကစၢ်တၢ်ပၢဆှၢလီၤသး အစိၤကမီၤတပၤလီၤ. ပကဘၣ်ကွၢ်ဆိကမိၣ် လီၤ
ဆီဒၣ်တၢ်လၢ ပထံကီၢ်ဒီကလုာ် အတၢ်ဃူလိာ်ဖိးလိာ် က့ၤ တၢ်ထဲးဂံၢ်ထဲးဘါတပၤလီၤ." အူကၠီၤစ့ၤယၤ စံး.

အ၀ဲဒၣ်စံး၀ဲလၢ ထံကီၢ်တနီၤနီၤမ့ၢ်နုာ်လီၤမၤတံာ်တာ်တၢ်လၢ ကီၢ်ပယီၤအတၢ်ဘၣ်ဘျုး, နီၢ်ကစၢ်တၢ်ပၢလီၤသးအစိကမီၤ ဒီးဒီ ကလုာ်တၢ်ဃူလိာ်ဖိးလိာ်က့ၤအဂ့ၢ်ဒီး, ကိတိာ်ကဂ့ၢ်လိာ်တၢ်တဲပာ်ကမၣ်ဒ်န့ၣ်
တဖၣ်, ဒီးကဆဲးကျိးဒီးကီၢ်လၢအဘၣ်ထွဲ, ဒ်သိးတၢ် ကနၢ်ပၢၢ်ဂ့ၤထီၣ် တၢ်အိၣ်သးလၢကီၢ်ပယီၤအဂီၢ်န့ၣ်လီၤ.

အူကၠီၤစ့ၤယၤစံး၀ဲ, ထံဂုၤကီၢ်ဂၤကိတိာ် မၤတၢ်စ့ၢ်ကီးလၢ ကီၢ်ပယီၤအထံဖိကီၢ်ဖိလၢထံဂုၤကီၢ်ဂၤ အတၢ်ဘၣ်ဘျုးအဂီၢ်, ဒ်သိးဒီး တၢ်ကမၤန့ၢ်တၢ်ဘျုးတၢ်ဖှိၣ်အလၢအပှဲၤ လၢကီၢ်ပယီၤသုးလီၢ်ပှၤမၤတၢ်ဖိ လၢ
ကီၢ်ကၠီၣ်တဲၣ်ပူၤအဂီၢ်, ပှၤလၢဟဲက့ၤကဒါလၢ အ ကစၢ်ဒၣ်၀ဲတၢ်သးအိၣ်တဖၣ်အဂီၢ်, တၢ်စိာ်ဆှၢအ၀ဲသ့ၣ်ဆူအဟံၣ်ဒူသ၀ီ, တၢ်ဒီသဒၢကီၢ်ပယီၤ ပှၤမၤတၢ်လၢဟံၣ် လၢစံၣ်ကဖိကီၢ်, တၢ်ကိးကဒါက့ၤကီၢ်ပ
ယီၤအထံဖိကီၢ်ဖိ လၢအိၣ်လၢထံဂုၤကီၢ်ဂၤအတၢ်ဒုးဃာ် လီၢ်, တၢ်ထုးထီၣ်ကွံာ်ကီၢ်ပယီၤအထံဖိကီၢ်ဖိလၢ မံၤသၣ်တဂ့ၤစရီအပူၤ ဒီးတၢ်မၤအါထီၣ်ပှၤဂ့ၢ်၀ီ visa တၢ်ပာ်ပနီၣ် တဖၣ်လီၤ.

အ၀ဲဒၣ်စံး၀ဲလၢ တၢ်ကီတၢ်ခဲလၢထံဂုၤကီၢ်ဂၤကိတိာ် MOFA ဘၣ်ကွၢ်ဆၢၣ်မဲာ်၀ဲလၢ ပဒိၣ်ထီၣ်သီအဆိကတၢၢ်တနံၣ်အတီၢ်ပူၤ မ့ၢ်၀ဲ, ထံဂုၤကီၢ်ဂၤတၢ်ဆီၣ်သနံးဘၣ်ဃး တၢ်စုဆူၣ်ခီၣ်တကးလၢ ရၢၢ်ခၢၣ်
ကီၢ်စဲၣ်, တၢ်သူၣ်ထီၣ်ပဒိၣ်ပှၤမၤတၢ်ဖိ တၢ်မၤအကံၣ်အ စီ, တၢ်ပာ်ထီၣ်ပဒိၣ်ပှၤမၤတၢ်ဖိလၢအသီ ဒီးတၢ်ရဲၣ်ကျဲၤပၢဆှၢထံကီၢ်ခိၣ်နၢ်အတၢ်ဟဲအိၣ်သကိး လၢ ASEAN ထံကီၢ်, အ့ၡၢ, ယူရပၤထံကီၢ် ဒီးကီၢ်
အမဲရကၤတဖၣ်, မ့ၢ်ဒၣ်လဲာ်ကိတိာ်ပှၤမၤတၢ်ဖိအဂံၢ်ဘါစှၤဒၣ် လဲာ်လီၤ.

"ပဆှၢပဒိၣ်ပှၤမၤတၢ်ဖိ လၢကလဲၤမၤလိတၢ် ဒီးဟ့ၣ်ဂံၢ်ဟ့ၣ်ဘါအ၀ဲသ့ၣ် ဒ်သိးကလဲၤထီၣ် ထံဂုၤကီၢ်ဂၤတၢ်အိၣ်ဖှိၣ်တဖၣ်လီၤ. မ့ၢ် လၢပထံကီၢ် ထံဂုၤကီၢ်ဂၤအတၢ်ရ့လိာ်ဟဲအါထီၣ်အဃိ, ပစံးသ့လၢပကွၢ်ကျဲၤ
တၢ်ဂ့ၢ်ကီတဖၣ် ဘျ့ဘျ့ဆှီဆှီန့ၣ်လီၤ." အူကၠီၤစ့ၤ ယၤစံး၀ဲလီၤ.